Yakobo 4:11 - Nyangbo New Testament

¹¹ Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Yakobo 4:11 Iomraidhean Croise

Romanɛ 2:1

Klisoɔ wɔɛtakpu kɔkɔ nanà ma, wɔ anunɔ gɛ okulu ebhu ɔkɔ anɔ teliɛ, ɔmɔsɛ kibui nɔnɔ́ idi gɛ ɔlɔkɔ okulu ebhu ɔkɔ anɔ bhlatɔ nɔɔ, kɛlɛ wɔ tsyɛ ɔlɔkɔ obu ishui ipɔ nɔ, ɔmɔsɛ wɔanɔ gɛ obhui ibui mɛ tsyɛɛ, ɔbhɛtɛ kibui ɛlɛ nɛidi.

Romanɛ 2:13

Ɔmɔsɛ anɛ bagɛ belũ ɔshaa balɛ enu banɔ dadalɛ nɛ Owusoso Akaa yɛamɛ, pɔ bagɛ aabhɛtɛ ɔsha nabhaa, balɛ Owusoso Akaa ebebu akasɛ asɛ benu anɔ dadalɛ.

Romanɛ 7:7

Otsiɛ nɔ pɔ, kiɖuwoe lu bɔbaɖɔ? Kibui kpa ɔsha onu dza? Ao, kɛma ɛlɛ mɛ ana! Kibui gbã kinu ɔsɛ, ɛgɛ tatì kɛdɔ̃ nɔnɔ gɛ kibui kpa nu, pɔ gana ɔshaa mɛɛ, iti ɛlɛ ana. Tsyɛ alo ɛgɛ tatì kɛgɛ inu kiwuhũ dzadzã nɛ anɔ teli idɔ̃ shu, onupɛ ɔsha ɔma ɔsɛ, “Tɛɔdzã kiwuhũ nɛ ɔhagbo ɛdɔ̃ shuɔ.”

Korintoanɛ 1 4:5

Kliso nɔoti kulu kebhu kpɛ otugbà flogo tɛ̀ kibeɛ ba na, nɔzã opo odiyinɔ ɔsɛ Apaleteɛ aba. Yɛaba ebu ebui kpukpũ nɔnɔ gɛ akpasɛ otumũɔ mɛ oyinɔ amana ɔtɔ̃, kɛlɛ ebebu ebuiɛ gɛ lakpasɛ anɔdzyrame yɛitùɔ mɛ akasɛ. Nɛ kibe ɛlɛ Owusoso Akaa aba kpɛ bagɛ kɛlɛ sɛ akpɛ nititíɛ.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Timoteo 1 3:11

Nɛ kidzo ɛlɛ nabha, balɛ edzini alɛ tsyɛ, kɛlɛ sɛ bedzi baadzɛ gɛ banɔ adɛmɛ nɛ alɛ, betinu banɔ gɛ baɖɔ banɔ tibui, pɔ benu badzɛ gɛ belu kitu esi pɛ bayɛkɛ balɛ abha ŋã nɛ kɛka nyia ka mɛ.

Timoteo 2 3:3

tɛdɛdɛmɛ nɔ mazã mazã, batɛ balɔkɔ kibui etsye anɔ, bebezĩ banɔ shu, batɛ balà balɛishu abha aŋã, atakpu mɛ gagalĩ ebui, batɛ badɛmɛ nɔ̀ nɛ̀ kibuiɛ gɛpɛ̃,

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Yakobo 1:16

Mɛadzya alɛ gɛ ɛdɛmɛ nɔ, nɔtɛkɔ anɔ nanà awɔɛ ɔnɔ.

Yakobo 1:19

Mɛadzya alɛ gɛ ɛdɛmɛ nɔ, nolu awɔ̃ nɛ̀ ibui ɛlɛ ɔsɛ, anɔ nyia anɔ àhɔa nɛ ibui tilulũ mɛ, tɛ adɔfɔ̃ nɛ kaɖɔ ɖɔɖɔ nɛ̀ ɔmɔpɔɛ kpɛkpɛ mɛ,

Yakobo 1:25

Anunɔ pɔ gɛ elu awɔ̃ nɛ̀ ɔsha gɛɔná, pɛ lɔkɔ anɔ ishu ahɔɛ mɛ zazã, pɛ avɛ ɛlɛ abha, atɛ dzɛkɛ pɛ adɛmɛ aabhɛtɛ nɛ kɛgɛ elũ nabhaa, bebeyulà atɔɖɔ kɛka nyia ka gɛ abhɛtɛ nabha.

Yakobo 2:8

Onupɛ nɔnyana ukusi ɔŋãkɔ ɔsha, nɛ kibuiɛ gɛ bafɔnɔ eluɔ mɛ ɔsɛ, “Dɛmɛ nɛ wɔhagbo asɛ kɛdɛmɛ gɛ ɔdɛmɛ nɔ nɛishu anaa,” kɛlɛ nɔbhɛtɛ piapii.

Yakobo 5:10

Mɛadzya alɛ mɔ, tɛ kidzi tɛlɔlɔkɔ shɔnɔ nɛ tɛdɔdɔ fɔ̃ɔ nɛ bɔtɔ mɛ shuɔ, nɔbaka ebuiɖɔluanɛ gɛ azaɖɔaɖɔ nɛ Apalete nɛinye mɛ ayɛ oɖi.

Yakobo 5:7

Kliso mɛadzya alɛ mɔ, nɔdɔ fɔ̃ɔ ɔvɛnɔ Apalete nɛbabe. Nolu awɔ̃ nɛ kɛdɔ gɛ ayadɛ àdɔ fɔ̃ɔ akɔ esiakpa sɛ tɛ kakɔ ɔdɔ̃eyi eshè nɛ alɛ abha, nɛ̀ kipoɔ gɛ epo subha nɛ yɛdɔbeɛ oɖi.

Yakobo 5:9

Nɔtɛ ɔvɛnɔ olugbũ nɛ bagɔlɔ ɔkɔ, mɛadzya alɛ mɔ, sɛ tɛ batɛ bekulu ebhu nɛ ɔnɔ. Ɖio, kebhukulueleteɛ tsyɛ yɛeli edulũɔ alɛ!

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.