Yakobo 2:8 - Nyangbo New Testament

⁸ Onupɛ nɔnyana ukusi ɔŋãkɔ ɔsha, nɛ kibuiɛ gɛ bafɔnɔ eluɔ mɛ ɔsɛ, “Dɛmɛ nɛ wɔhagbo asɛ kɛdɛmɛ gɛ ɔdɛmɛ nɔ nɛishu anaa,” kɛlɛ nɔbhɛtɛ piapii.

Yakobo 2:8 Iomraidhean Croise

Romanɛ 13:10

Tɛdɛdɛmɛ nɔ nɛ anɔ tɛmana kibui kpa nɛ ɔhagbo ishi. Kliso ɔsha nabha tɛbhɛbhɛtɛ ibui nu tɛdɛdɛmɛ nɔ nɛ anɔ.

Galatianɛ 5:14

Bebhui ɔshaa petee gulũi nɛ̀ ɔsha kɔkɔ tonikpo ɔlɛ ɔsɛ, “Dɛmɛ nɛ wɔhagbo asɛ gɛ ɔdɛmɛ nɛ wɔshu ana.”

Galatianɛ 6:2

Nɔplɛnɔ agɔlɔ nɛ bɔtɔ mɛ, kɛlɛ nɛ kidzo ɛlɛ nabhaa, nɔbɔ bhɛtɛ ɔtɔɖɔ Kristo yɛɔshaa nabha.

Filipianɛ 4:14

Pɔ apɛ̃ akɔ ɔnɔ sɛ nɔmɔ ɔtɔ ɔplɛnɔ mɛ.

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Yakobo 1:25

Anunɔ pɔ gɛ elu awɔ̃ nɛ̀ ɔsha gɛɔná, pɛ lɔkɔ anɔ ishu ahɔɛ mɛ zazã, pɛ avɛ ɛlɛ abha, atɛ dzɛkɛ pɛ adɛmɛ aabhɛtɛ nɛ kɛgɛ elũ nabhaa, bebeyulà atɔɖɔ kɛka nyia ka gɛ abhɛtɛ nabha.

Yakobo 2:12

Nɔɖɔaɖɔ tɛ nɔbhɛtɛ ibui asɛ banunɔ gɛ babàlɔkɔ ɔsha gɛ lɔkɔ anɔ ishu mɛ ahɔɛ zazã ekulu ebhu akɔ nɔ nɔ̀,

Yakobo 2:19

Nɔyɛkɛ ɔŋã ɔsɛ Owusoso Akaa tenikpo ko yɛalɛ. Gɛ kɛpɛ ana tsyɛ! Ɛfɔfuĩa zizĩɛ tsyɛ yɛkɛŋã ana-kɛlɛ ɛkɔ ɔsɛ tɛ lishuku wawawa.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Petro 1 2:9

Pɔ nɔonu banɔ gɛ bebú elú, bukusi ɔŋakɔ gɛ nɔonu ekusi, kɛmadi gɛdalɛ, banɔ gɛ benu Owusoso Akaa ayɛ, sɛ tɛ nɔɖɔaɖɔ ɔkpɛ anunɔ gɛ ekulu wɔnɔ yɛinyeɛ nɛitití, anunɔ gɛ ebu wɔnɔ eyinɔ odenɔ otumũɔ mɛ amana tɛdadalɛ gɛ bhɛtɛ ibiɛ mɛ.