Yakobo 1:12 - Nyangbo New Testament

¹² Bebè yula akɔ anyɛ nɔnɔ gɛ akpɛ emi nɛ yɛtifefekeɖi mɛ, ɔmɔsɛ alàkpɛ emiɛ avɛnɔ adɛtɔ̃ɔ, abayɛkɛ ɛkpã ɛkutuɔ gɛ Owusoso Akaa atɔɖɔ elu akɔ bagɛ adɛmɛ niyɛ.

Yakobo 1:12 Iomraidhean Croise

Romanɛ 5:4

kɛlɛ kemi kpɛkpɛ akɔ asɛ anɔ azã nɛ ɛkpã gbangbã, kɛlɛ ɛkpã gbangbã ɔkɔ ɔsɛ tɛ anɔ ezelu awɔ̃.

Romanɛ 8:28

Bunyi nɛ kɛka nyia ka mɛɛ ɔsɛ, Owusoso Akaa abhɛtɛ ɛlɛ kidzi kɛgbangbã ɔkɔ bagɛ adɛmɛ nɛ yɛ, bagɛ alɛ yɛekulu nɛ yɛtɛtɔtɔɖɔ ɔluɔ.

Korintoanɛ 1 2:9

Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Korintoanɛ 1 8:3

Pɔ Owusoso Akaa enyi anunɔ gɛ adɛmɛ nɔ nɛ yɛ.

Korintoanɛ 1 9:25

Anɔ ka nyia ka gɛ apɛ asɛ tɛ̀ awlɔ̃akɛ nɛ bɔwufu lɛ nɛidi mɛɛ, akpasɛ bɔlɛ piapii. Babhɛtɛ alɛ sɛ tɛ̀ bayɛkɛ kikutuɔ gɛtɛ bazã tihɔɔ nɔ, pɔ bɔbhɛtɛ alɛ nyɔ̃ɔ sɛ tɛ̀ bɔyɛkɛ kikutuɔ gɛ bazã tihɔɔ nɔ.

Timoteo 2 2:15

Bhɛtɛ piapii tɛ̀ ɔlɔkɔ wɔ shu ɔkɔ Owusoso Akaa, asɛ anɔ gɛ batɔɖɔ ahɔɛ nɛ yɛabha ana, axɔ̃ɛwɔa gɛ kɛma sɛ tɛ kiwũi yii pɛ enu axɔ̃ɛwɔa gɛ anyanã kibui gbã mɛ ovunɔ piapi.

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Hebrianɛ 10:32

Nɔbaka ewuiɛ gɛ abafala pɛ nɔyɛkɛ tɛdadalɛ oɖi. Kibe ɛlɛ nɔzã piapii, nɔɔkpɛ emi ɔzɔwlɔãkɛ gagalĩi nɛ bɔtɔ gelee mɛ.

Hebrianɛ 11:17

Nɛ tɛyɛyɛkɛŋã mɛɛ, gɛ Owusoso Akaa efeke Abraham eɖiɛ, alɔkɔ Isak akɔ, asɛ ɔdɔ̃ pɔpɔɛ ana. Gɛ yɛenu anunɔ gɛ batɔɖɔ tɛtɔtɔɖɔ ɛlɛ elu akɔ tsyɛ elo, adɛmɛ alɔkɔ eyiɛ gɛenu yɛeyianyɛ tenikpo nɔ asɛ ɔdɔ̃ pɔpɔɛ,

Hebrianɛ 12:5

Pɔ nɔ dzɛkɛ kemi kpɛkpɛ anɔ ibuiɛ gɛ balɔkɔ ekulu wɔnɔ nɔ̀ asɛ mɛeyianyɛ alɛ mɔɔ dza? Aɖɔ asɛ, “Mɛeyi, tɛɔlɔkɔ Apaleteɛ yɛatɔ̃ pɔpɔ ɔmɔ asɛ bɔwufu ibui kɛlɛ onupɛ etseɖe ni wɔɔ, tɛkɔ kɛpɔɛ wɔ,

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.

Yakobo 2:5

Mɛdzya alɛ gɛ ɛdɛmɛ nɔ, nɔtɛ atɔ̃ tɛ nolũ. Pɛnɔsɛ anɛ bagɛ beɖì asɛ balɛ enu betsyutsyuiɛ, balɛ Owusoso Akaa xɔnɔ ebú bedzi ehoeyielete nɛ tɛyɛyɛkɛŋã mɛ, kɛlɛ anɛ balɛ abaŋã itití ukusiɛ gɛ atɔɖɔ elu akɔ agɛ adɛmɛ yɛibuiɛ mɔɔ dza?

Yakobo 5:11

Asɛ gɛ nonyi ana, bagɛ beyulaa, balɛ edzi anɔ gɛ bakpɛ emi. Nolũ kɛkpɛ gɛ Hiob akpɛ emi, kɛlɛ nɔmɔ kɛgɛ Apaleteɛ abhɛtɛ akɔɛ gɔgɔɛ nɔ. Apaleteɛ ɛyamɛ yɔ kɛlɛ eɖi anɔ ashagabui.

Petro 1 3:14

Pɔ onupɛ edzi asɛ kɛlɛ sɛ ɔmɔ bɔtɔ nɛ kibui gɛpɛ tɛbhɛbhɛtɛ shu tsyɛ elo, beyulà ɔkɔ wɔnɔ. “Nɔotɛ osifù nɛ̀ kɛgɛ kɛlɛ besì kifù nɔɔ, nɔtɛkɔ kifù yi wɔnɔ.”

Petro 1 4:13

Pɔ nɔmɔ same sɛ nɔɔtɔ̀ asɛ Kristo ana, sɛ tɛ̀ nɔbɔ mɔ same ɔfalanɔ kifu gɛ onupɛ bebebù yɛishu dadalɛ akasɛ.

Petro 1 4:14

Onupɛ bakwala ɔnɔ nɛ Kristo yɛtakpù tsyɛ elo, beyulà akɔ ɔnɔ, ɔmɔsɛ ishu dadalɛ Ɔfɔfuĩa nɛ̀ Owusoso Akaa otsiɖì wɔnɔ abha.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Petro 1 5:4

Kɛlɛ onupɛ Ibhoshiɛ Agbagbana Ekusiɛ ebekoeyìɛ, nɔbɔ yɛkɛ ishu dadalɛ ɛkpã kikutuɔ gɛ ɛtɛbà zĩ ɖiɛ.

Yohanes 1 4:19

Bɔdɛmɛ nɔ, ɔmɔsɛ yɛeputɔ adɛmɛ nɛ bɔlɔ.

Kibui Bubú Kasɛ 2:10

Tɛ osí ifu nɛ bɔtɔ gɛ bàba wɔabha shu. Itseɖe wɔ ɔsɛ, Abosam abakpɛ ɔnɔ eteli nɛ ɔɖavũ mɛ, sɛ tɛ efeke ɔnɔ eɖi, kɛlɛ nɔbɔmɔ ede tɔtɔnɔ nɛ ewui gulũi mɛ. Onupɛ butsí ibui tsyɛ elo, nɔzã kɛgɛ nɔyɛkɛ ɔŋã niede, kɛlɛ ɛbakɔ ɔnɔ ɛkpã ekusikutu.

Kibui Bubú Kasɛ 3:19

Bagɛ ɛdɛmɛ nɔɔ, balɛ mɛitseɖe nɔ pɛ ɛpɔ̃ atɔ̃ ɔkɔ. Kliso nɔkpɛ emi tɛ notsyina etú mɛ.

Kibui Bubú Kasɛ 3:21

Anunɔ gɛ aŋã abhaa, ɛbakɔ yɛidzo yɛazã aplɛnɔ mɛ nɛ mɛekusiegbu nabha, ɔmɔ asɛ kɛŋã gɛ ɛŋã abha, pɛ izhidzi plɛnɔ Mɛakaa, nɛ yɛekusiegbu nabha.