Yakobo 1:1 - Nyangbo New Testament

¹ Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Yakobo 1:1 Iomraidhean Croise

Banɔkpɛkpɛ Axɔ̃ɛ 1:13

Gɛ bediku ɔma mɛɛ, bewu avɛ kabha buvũɔ mɛ gɛ bazazãa. Bagɛ bazã ɛkɛlɛ balɛ enu Petro, Yohanes, Yakobo nɛ̀ Andrea, Filipo nɛ̀ Toma, Bartolomeo nɛ̀ Mateo, Yakobo, Alfeo yɛeyiɛ nɛ̀ Simon, Ishuahɔɛmɛ zazã pɛpɛelete Kɛzamɛanɔ, nɛ̀ Yuda Yakobo yɛeyiɛ.

Banɔkpɛkpɛ Axɔ̃ɛ 12:17

Petro akasɛ alɛ ahɔɛ asɛ bataatɔ̃ kɛlɛ aɖɔ etseɖe alɛ nɛ kibuɔ gɛ Apaleteɛ ebui eyinɔ nɛ ɔɖavũɔ mɛ. Etseɖe balɛ asɛ, “Notseɖe Yakobo nɛ̀ yɛadzya alɛ nɛ kibui ɛlɛ shu kɛlɛ ashɛ avɛ ɔkɔ bhlatɔ.”

Banɔkpɛkpɛ Axɔ̃ɛ 15:13

Gɛ bebhui balɛ kaɖɔɔ, Yakobo tsyɛ aɖɔaɖɔ asɛ, “Mɛadzya alɛ mɔ, nɔtatɔ̃ nɛ mɛ.

Banɔkpɛkpɛ Axɔ̃ɛ 15:21

Ɔmɔsɛ bakala Mose ɔsha ɔkɔ banunɔ nɛ ɔma ka nyia ka mɛ odenɔ kuku ibeɛ, kɛlɛ bakalà ɔlɛ nɛ balɛ ɛtsyɔakɔ nɛ Kimoelewui ka nyia ka abha.”

Banɔkpɛkpɛ Axɔ̃ɛ 15:23

Keplukpa gɛ bafɔnɔ akpɛ balɛ ahɔɛ mɛ ebuiɛ alɛ enu asɛ, Bɔlɔ banɔkpɛkpɛ nɛ̀ beshesheɛ gɛenu wɔnɔ adzya alɛ, Bɔfɔnɔ keplukpa alɛ ɔsɛsɛ bagɛ etinu Yudanɛ nɛ Antioxia, Siria nɛ̀ Kilikia nɔ, Bɔsɛnɛ wɔnɔ.

Banɔkpɛkpɛ Axɔ̃ɛ 2:5

Nɛ kibè ɛlɛ, Yudanɛ teli gɛ badɛmɛ nɔ nɛ̀ Owusoso Akaa bede ɛmadi ka nyia ka mɛ nɛ kesiakpa nabha abazã Yerusalem.

Banɔkpɛkpɛ Axɔ̃ɛ 21:18

Gɛ keliɛ azaa, Paulo nɛ̀ bɔlɔ banɔ gɔgɔɛ nɔ vɛ diɖi Yakobo, kɛlɛ ɔhamɛ besheshèɛ petee azã ɛkɛlɛ.

Banɔkpɛkpɛ Axɔ̃ɛ 23:26

Klauda Lisia, yɛafɔnɔ keplukpa alɛ, Ɛlɔkɔ sɛsɛ wɔ bɔlɔ kɛmadi ekusiɛ Felike anɔ gɛ adzã kiwuhũ. Ɛsɛnɛ wɔ.

Banɔkpɛkpɛ Axɔ̃ɛ 26:7

Kibui tɔtɔɖɔlu ɛlɛ shù, bɔlɔ egbogbo lɔfɔ nɛ̀ taabha eɖì kidzo mɛ ɔsɛ kɛbà ba ɛlɛ mɛ sopɛ baakpɛ kɛtakpu esi akɔ Owusoso Akaa kemuze nɛ̀ elishi. O Ekusi, kibui ɛlɛ gɛ buɖì kidzo mɛ kɔ sopɛ Yudanɛ alɔkɔ kibui nɛ mɛishu.

Banɔkpɛkpɛ Axɔ̃ɛ 8:1

Kɛlɛ Saulo azã ɛkɛlɛ, pɛ adɛmɛ atɔɖɔ yɛ tiyiyi abha. Nɛ kiwui ɛlɛ nabha banɔede tɔtɔnɔ akpɛ esi nɛ ɔhaa shu nɛ Yerusalem. Kɛlɛ banunɔ pete apɔ̃ɛ kana nɛ Yudea nɛ̀ Samaria ɔdɛ banɔkpɛkpɛ ete.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Galatianɛ 1:19

Ɛgɛ mɔ banɔkpɛkpɛ alɛ mɛ anɔ nanà—ɔdɛ Yakobo ete, gɛenu Apaleteɛ yɛadzya.

Galatianɛ 2:12

Flogo tɛ banyɛ teli ebede Yakobo ɔkɔ abaa, azaŋã bɔdɔ̃ nɛ̀ bagɛ etinu Yudanɛ. Pɔ gɛ bebekuɔ, akpà kide yi pɛ ebu yɛishu ɔtɔ nɛ bagɛ etinu Yudanɛ shu, ɔmɔsɛ kifu ziyi yɛ nɛ̀ bagɛ azã kɛhɔ̃a bhui bhui kɛzaa mɛ.

Galatianɛ 2:9

Yakobo, Petro nɛ̀ Yohanes gɛenu kibuiɛ kɛlɛ bubhi kashàa, bakɔ mɛ nɛ̀ Barnaba ahɔɛ ɔkɔ kɛdzyà bhɛbhɛtɛ nɛ kibeɛ gɛ bamɔ tibhui bhuibuɔ gɛ bakɔ mɛ. Badɛmɛ atɔɖɔ ɛlɛ abha asɛ tɛ̀ bɔvɛ bagɛ etinu Yudanɛ ɔkɔ, tɛ balɛ tsyɛ avɛ Yudanɛ ɔkɔ.

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Timoteo 2 4:21

Ɖi ɛlɛ ɔkɔ sɛ obo ku ɛkɛlɛ flogo pɛ ekukùɔ ana. Eubulo, Pude, Lino nɛ̀ Klaudia nɛ badzya petee asɛnɛ̀ wɔ.

Tito 1:1

Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Petro 1 1:1

Mɛ Petro anɔ gɛenu Yesu Kristo yɛanɔkpɛkpɛ, mɛ fɔnɔ keplukpa alɛ sɛsɛ bagɛ Owusoso Akaa ebu luɔ, pɛ bunu bafafala nɛ kanɔ nɔ̀ mɛ, pɛ bapɔɛ akanà nɛ Ponto, Galatia, Kapadokia, Asia nɛ̀ Bitania, ɔdɔ̃ mɛ

Petro 2 1:1

Mɛ Simon Petro, gɛinu Yesu Kristo yɛaxɔ̃ɛdɛ nɛ̀ anɔkpɛkpɛ, Mɛ fɔnɔ keplukpa alɛ sɛsɛ, bagɛ ɔganà ebui gbangbã bhɛbhɛtɛ mɛ ɔkɔ bɔlɔ Owusoso Akaa nɛ̀ Yesu Kristoɔ gɛebu ɔlɔ bayɛkɛ tɛyɛyɛkɛŋã ɛlɛ gɛ yɛkɛ edzi asɛ bɔlɔ ɛyɛ ana.

Yuda 1:1

Mɛ Yuda, Yesu Kristo yɛaxɔ̃ɛdɛ nɛ̀ Yakobo yɛadza ɔkɔ. Mɛfɔnɔ keplukpa alɛ ɛsɛsɛ bagɛ bekulu pɛ Owusoso Akaa adɛmɛ nɔ pɛ Yesu Kristo abalɛ alɛ elúɔ.

Kibui Bubú Kasɛ 7:4

Kɛlɛ ilũ banɔ tɛkakalà mɛ nɔnɔ́ gɛ betũ inye nɛ alɛ abha gɛenu banɔ ihotu kɛkpã zɛzɛ̀ nɛ̀ afɛtalɛ nɛ̀ talɛ (144,000) gɛ bebu edenɔ Israelanɛ egbogboɔ pete mɛ.