Tito 3:8 - Nyangbo New Testament

⁸ Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Tito 3:8 Iomraidhean Croise

Banɔkpɛkpɛ Axɔ̃ɛ 12:15

Banunɔ ebuiliulũ akɔɛ asɛ, “Ɔma piapii.” Pɔ gɛ etũilɛ akpɛ asɛ̀ kɛkpasɛ ɛlɛ mɛ anaa, baɖɔ asɛ, “Kɛlɛ́ɛ ebedzi yɛaxɔ̃ɛdɛ yɛaba.”

Romanɛ 4:5

Anɔ teliɛ anɛ kɛxɔ̃ɛ wɔawɔa mɛ yɛagã, pɔ ayɛkɛ Owusoso Akaa gɛ abhɛtɛ ɛtakpu mɛ gagalĩelete yɛedzi anɔ gbangbã nabha aŋãa, yɛtɛyɛyɛkɛŋãa tɛkɔ ɔsɛ tɛ edzi anɔ gbangbã.

Korintoanɛ 2 4:13

Bafɔnɔ kɛlɛ elú asɛ, “Ɛyɛkɛŋã, kliso pɛ ɛɖɔ kaɖɔɔ.” Nɛ tɛyɛyɛkɛŋã ɔfɔfuĩa tonikpo ɔlɛ mɛɛ, bɔlɔ tsyɛ yɛkɛ ŋã kliso pɛ bɔɖɔ kaɖɔ,

Efesoanɛ 4:28

Agɛ yɛezuruɔ, ayɔlɔ yɛuzĩɛ gɛ ezuruɔ, pɔ awɔa axɔ̃ɛ, tɛ alɔkɔ yɛahɔɛ aza bhɛtɛ kibui tili gɛbà plɛnɔ, sɛ tɛ amɔ kɛdɔ̃ tili akɔ bagɛ apɛ ɛdɔ̃.

Timoteo 1 1:15

Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.

Timoteo 1 2:8

Ɛpɛ sɛ banɔ gɛede ɔkɔ nyia ɔkɔ efeke balɛ ahɔɛ dadalɛ nɛitití ɔkɔ Owusoso Akaa tikukulu, tɛ̀ ɔmɔpɔɛ alo kibui wɔawlɔãkɛ tɛzã ɛlɛ mɛ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Timoteo 2 1:12

Kliso pɛ ɛmɔ bɔtɔ ɔlɛ asɛ gɛ ɛmɔ ana. Pɔ kiwũi tiyi mɛ, ɔmɔsɛ inyi anunɔ gɛ yɛabha mɛyɛkɛŋã, kɛlɛ ɛyɛkɛŋã sɛ abalà anyanã kibuiɛ gɛ ɛkpɛ yɛahɔɛ ovunɔ ɔvɛnɔ kiwui ɛlɛ nabha.

Tito 1:9

Kɛlɛ sɛ anyana kibuiɛ gɛ lɛ ɛlɛ ɔzãkɔ pɛ balɔkɔ akpɛ yɛahɔɛ mɛ ovunɔ gagalĩ asɛ gɛ bakasɛ yɛana, sɛ tɛ alà akpɛ bagɔgɔɛ nɔ emi nɛ̀ bɔdɔ̃ kakasɛ piapi tɛ etilũ bagɛ balɔ kititì nɛishuɔ atɔ̃.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.

Tito 3:1

Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Filimon 1:11

Kibeɛ gɛ bafalaa, agɛ pɛ̃ akɔ kɛnanà nɛ wɔ amɛ, pɔ otsi alɛ xɔnɔ ebedzì anɔ gɛ yɛishu axɔ̃ɛ wɔawɔa alɛ akɔ wɔ nɛ̀ mɛ.

Hebrianɛ 10:24

Nɔkɔ bɔkpɛ ɛtakpu mɛ nɛ kɛnyana gɛ bɔba nyana bagɔlɔ nɛ̀ tɛdɛdɛmɛ nɔ nɛ̀ ebui gbangbã tɛbhɛbhɛtɛ mɛ.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.