Tito 3:3 - Nyangbo New Testament

³ Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Tito 3:3 Iomraidhean Croise

Romanɛ 11:30

Ɔmɔ asɛ nɛ kuku kibeɛ gɛ wɔnɔ bagɛ notinu Yudanɛ nodzi batɔ̃ malũ maluanɔ ɔkɔ Owusoso Akaa, pɔ otsiɛ nɔ eɖi wɔnɔ ashagabui nɛ Yudanɛ atɔ̃ malũmalũɔ so.

Romanɛ 6:12

Kliso nɔtɛkɔ ɔsɛ ibui kpa aŋã ukusi nɛ wɔnɔ abha tɛ nɔzɛ ɔbhɛtɛ ɔtɔɖɔ kibui kpa tɛpɛpɛ ulũ.

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Romanɛ 6:22

Otsi alɛ gɛ bebu ɔnɔ eyinɔ nɛ ebui kpa mɛ, pɛ nodzi Owusoso Akaa yɛanɔ dzidziɛ, kɛgɛ nɔbɔ mɔ odenɔ kɛlɛ mɛɛ, kɛba gbana ɔnɔ ɔvɛnɔ tɛdadalɛ mɛ, kɛlɛ kɛgɛ badekoeyì nɛ kɛlɛ mɛ badzi ɛkpã tihɔɔ.

Romanɛ 6:6

Ɔmɔsɛ bunyi sɛ bakpala bɔlɔ ɛkpã kukuɔ nɛ̀ Kristo tɛ kɛkɔ ɔsɛ bɔshɛnɛ ahɔɛ nɛ ishupiɛ gɛ dɛmɛ ebui kpa bhɛbhɛtɛ shu lu, sɛ tɛ bɔtadzi banɔ dzidzi ɔkɔ ebui kpa-

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Galatianɛ 6:3

Onupɛ anɔ teli eɖi asɛ enu kɛdɔ̃ tili pɔ ama kɛnanà mɛɛ, ishu yɛawɔɛ.

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Koloseanɛ 3:7

Nɔzɔ ɔgã nɛ edzo alɛ abha, nɛ ɛkpã gɛ nɔtɛzã oɖiɛ mɛ.

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Timoteo 2 3:6

Benu banɔ ɛdi tili gɛ shɔku bapãmɛ asɛ kɛsɔ̃ pɛ baŋã badzɛ gɛ ohumi ɔma balɛ ahɔɛ nabhaa, badzɛ gɛ apɛ ana, pɛ ebui kpa bhɛbhɛtɛ akpasɛ alɛ mɛ pɛ bawɔɛ alɛ nɛ̀ ebui kpa ka nyia ka ɛdi tɛpɛpɛ mɛ,

Tito 1:16

Baɖɔ asɛ enyi Owusoso Akaa, pɔ nɛ balɛ ebui bhɛbhɛtɛ mɛ xɔnɔɔ, betinyi yɛ. Banyana anɔ akpɛ ɛyamɛ, betielũ atɔ̃, kɛlɛ bagɛ na ɔkɔ kɛgbangbã nanà bhɛbhɛtɛ.

Tito 2:12

Kɛkasɛ ɔlɔ sɛ bɔɖɔ sɛ, “Ao” nɛ kɛgɛ gɛ kpaplɛnɔ Owusoso Akaa pɛ kinu kanɔ mɛ ebui tɛpɛpɛ shu, nɛ tɛ̀ bɔŋã bɔlɔ shu abha, bɔɖɔ olugbũ tonikpo tɛ bɔzana ɛkpã ɔkɔ Owusoso Akaa nɛ obo kanɔ alɛ mɛ,

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Kibui Bubú Kasɛ 12:9

Balɔkɔ kɛtsɔpɛ hohoeɛ awɔanyã akpɛ esiakpa, eblidzya alɛ gɛ bekulu asɛ Abosam alo Satana pɛ agbana kanɔ nɔ̀ pete aganà kidzo kpa abhaa, balɔkɔ yɛ nɛ̀ yɛaxɔ̃ɛdɛ awɔanyã akpɛ esiakpa.

Kibui Bubú Kasɛ 13:14

Nɛ bɔdɔ̃ bubú kasɛ ɛlɛ shu soɔ bakɔɛ ohumi sɛ tɛ azawɔa axɔ̃ɛ nɛ agãhoeɛ gɛeputɔ nɛinye mɛ, kɛlɛ azawɔɛ banunɔ nɛ esiakpa nabha. Akɔ balɛ ɔsha asɛ bafatɛ osí nɛ agãhoe gɛ beté nɛ̀ bɛtɛ̀ pɛ akalɛ nɛ̀ ɛkpãa, yɛtɛzazã mɛ.

Kibui Bubú Kasɛ 18:2

Akpɛ ozĩ gagalĩ asɛ, “Ayɛ mɔo! Babilonia hohoeɛ ayɛmɔo! Etsyina edzi ɔma ɔkɔ ɛfɔfuĩa zizĩ nɛ̀ okpukpũ ɔkɔ, ɔkɔ ɛfɔfuĩa zizĩ ka nyia ka edzì ɔzãkɔ ɔkɔ bagã nɛ̀ bɔzhɔɛ gɛ batɛtã okpũkɔ.