Tito 3:2 - Nyangbo New Testament

² tɛ̀ batɛ gã olugbũ kedzi nɛ ananà shu, bazã ishu yɔyɔ mɛ tɛ beɖi anɔ ashagabui, tɛ bezhini ishu esi ɔkɔ aka nyia aka.

Tito 3:2 Iomraidhean Croise

Banɔkpɛkpɛ Axɔ̃ɛ 23:5

Paulo ebuiliulũ asɛ, “Mɛadzya alɛ mɔ, ɛgɛ mɔsɛ yɛenu banɔlũazazã gbagbla, ɔmɔsɛ bafɔnɔ elú asɛ, ‘Tɛɖɔ kaɖɔkpa ɔkpɛ agɛ yɛaŋã bukusi nɛ wɔnɔ banunɔ abha shu.’

Korintoanɛ 1 6:10

nɛ bezĩɛ nɛ̀ bagɛ basɛ balɛ ete ko abaŋã nɛ beenuwɔɛ nɛ̀ bagɛ aɖɔ banɔ ishu tibuiɛ nɛ̀ bagɛ edzyinì banɔ akpɛɛ batɛ bavɛ Owusoso Akaa bukusi ɔŋãkɔ.

Korintoanɛ 1 9:19

Ɛlɛ mɛishu ahɔɛ mɛ, kɛlɛ gɛ ɛma ananà esi tsyɛ elo, ɛlɔkɔ mɛishu asɛ anɔ dzidzi ɔkɔ aka nyia aka, sɛ tɛ̀ ɛkɔ banɔ kpekpèɛ amɔ ɛkpã.

Korintoanɛ 2 10:1

Gana mɛishu esi zhizhinɔ nɛ Kristo mɛɛ, ibisi ɛlɛ denɔ wɔnɔ ahɔɛ mɛ, mɛ Paulo ɛbhɛtɛ ebui asɛ “anɔ gɛ esi kifú” nɛ wɔnɔ bamɛ pɔ ɛkpɛ kité gɛ onupɛ ɛlɛ kitsí nɛ wɔnɔ ɔbha.

Korintoanɛ 2 12:20

Ɔmɔsɛ kifù yimɛ sɛ onupɛ ɛba wɔnɔ ɔkɔ, ɛtɛbà mɔ wɔnɔ asɛ kana gɛ ɛpɛ sɛ nɔzã, kɛlɛ wɔnɔ tsyɛ ɔtɛbɔ mɔ mɛ asɛ kana gɛ nɔpɛ ɔsɛ tɛ mɛzã. Kifù yimɛ ɔsɛ ebelà pɛpɛ ebui, kabhãwawlakɛ ebui, ɔmɔpɔɛ kpɛkpɛ, ɔhakpa yaya, kaɖɔ kpa tɛɖɔɖɔ, banɔ shu tizizĩ, ishu fefeke nɛ̀ kawlɔ̃akɛ ebui ebeku wɔnɔ mɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Galatianɛ 6:1

Mɛadzya alɛ mɔ, onupɛ bevũ anɔ teli nɛ ebui kpa bhɛbhɛtɛ mɛɛ, wɔnɔ bagɛ ɔfɔfuĩa nɔ kpasɛ ɔnɔ mɛɛ, nɔohu buluhũ ɔkɔɛ nɛ kidzo gbangbã abha tɛ etsyina aba. Pɔ noɔlu awɔ̃ nɛishu, ɔsɛ tɛ wɔnɔ tsyɛ ɔtɛmɔ̃ tifefekeɖi ɛlɛ.

Galatianɛ 6:10

Kliso, gɛ kibè lɛ ɔlɔ ahɔɛ soɔ, nɔkɔ bɔbhɛtɛ kibui gbangbã kɔ anɔ ka nyia ka, asɛ bagɛ ede bayɛyɛkɛŋã eshopo mɛ ana.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Efesoanɛ 4:31

Nɔobu ishu mɛ pɔpɔɛ, ɔmɔpɔɛ zizĩ nɛ̀ ɔmɔpɔɛ, banɔ kwɔakwɔala nɛ̀ olugbũ edzi gagã, banɔ shu zizĩ ka nyia ka ɛdi nɛ wɔnɔ ɛshi.

Filipianɛ 4:5

Nɔkɔ wɔnɔ ishu nyanyana dzi kibui mɔmɔ ɔkɔ banɔ nɔ̀ petee. Apaleteɛ etso aba.

Tesalonikanɛ 1 2:7

pɔ budzi banɔ yɔyɔ nɛ wɔnɔɛshi, asɛ kana gɛ eyielĩ eɖi yɛeyi alɛ abha ana.

Timoteo 1 3:11

Nɛ kidzo ɛlɛ nabha, balɛ edzini alɛ tsyɛ, kɛlɛ sɛ bedzi baadzɛ gɛ banɔ adɛmɛ nɛ alɛ, betinu banɔ gɛ baɖɔ banɔ tibui, pɔ benu badzɛ gɛ belu kitu esi pɛ bayɛkɛ balɛ abha ŋã nɛ kɛka nyia ka mɛ.

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Yakobo 3:17

Bubutiɛ gɛide kititíɛ pɔɔ, putɔ nɔɔ, bɔlɛishu dalɛ, gɛ bɔdɛmɛ nɛ anɔ nɛishu yɔyɔ mɛ, ɔhagbo esi tilulũ, ishu esi tizhizhinɔ, gɛ ashagabui ɖiɖi nɛ̀ eyuyu gbangbã akpasɛ, banɔ amɛ maɖimaɖi nɛ̀ ebui mɛ dadalɛ alɛ.

Yakobo 4:11

Mɛadzya alɛ mɔ, nɔtɛ ɔzɔɖɔ ebui kpa nɛ bagɔlɔ shu. Anunɔ gɛ aɖɔ ebui kpa nɛ yɛadzya shu alo ekulu ebhu niyɛɛ, alɔɛtití nɛ ɔshaa shu, kɛlɛ ekulu ebhu nɛ ɔlɛ. Onupɛ nokulu ebhu nɛ̀ ɔshaa, kɛlɛ anɛ ɔlɛ abha bhɛbhɛtɛelete nonu, pɔ nodzi ebhu ekukuluelete ɔkɔ ɔshaa.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Petro 1 3:10

Ɔmɔsɛ, “Anunɔ gɛ abadɛmɛ nɛ̀ ɛkpãa tɛ amɔ ewui gbangbãa kɛlɛ sɛ ebu yɛinekeɛ eyinɔ nɛ ebui kpa ɖɔɖɔ shu nɛ̀ tɛ ebu olugbũ odenɔ kaɖɔ ɖɔɖɔ gɛawɔɛ banɔ shu.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Petro 1 4:4

Kɛbhɛtɛ balɛibi nɛ kibui nɔnɔ shu so pɛ, nɔgɛ dɛmɛ ɔsɛ tɛ̀ nɔkpà plɛnɔ balɛ nɛ ɛkpã kpa zazãna ɛlɛ mɛ, kliso bakɔalà wɔnɔ.

Petro 2 2:10

Kibui ɛlɛ inu kɛgbã ɔkɔ banɔ nɔ̀ gɛ bazana ɛkpã kpa nɛ alɛ tɛpɛpɛ ulu pɛ bagɛ lɔkɔ ɔsha niesi gɛ balɛ akpɛ kɛnanà mɛ betielũ atɔ̃ ɔkɔ ɔsha. Nɛ kitè kpɛkpɛ nɛ̀ ishu fefeke mɛɛ, balà ɖɔaɖɔ kpa nɛ kititì banɔ nɔ shu

Yuda 1:10

Pɔ banɔ alɛ xɔnɔ baɖɔ akwalatu ebui alɔɛtití nɛ kibui nɔnɔ gɛ begilũ kɛlɛ esiɛ shu. Asɛ efutumɛ agã gɛ batɛ abhɛtɛ ekpeɖekpeɖe mɛ, ebui nɛ alɛ gɛezĩ alɛ.

Yuda 1:8

Nɛ kidzo ɛlɛ abha, banɔ alɛ gɛ baza bɔlala akpɛ balɛ̀ishu dzya nɔtsɔ̃, batɛ abhɛtɛ̀ tɔɖɔ ɔsha abha, kɛlɛ baɖɔaɖɔ kpa nɛ kititì banɔ nɔ shu.