Tito 3:1 - Nyangbo New Testament

¹ Baka banunɔ ɔsɛ bezhinì ishu esi akɔ bekusiɛ nɛ̀ ɔshaeleteɛ, tɛ belũ atɔ̃, tɛ babalɛ elù asɛ babà abhɛtɛ kibui gbangbã,

Tito 3:1 Iomraidhean Croise

Korintoanɛ 1 15:58

Klisoɔ, mɛadzya alɛ mɔ, nɔzã gagalĩ. Nɔtɛkɔ kɛnanà tii wɔnɔ. Nɔlɔkɔ wɔnɔ ishu petee ɔkɔ Apalete nɛxɔ̃ɛ wɔawɔa, ɔmɔsɛ nɔonyi ɔsɛ wɔnɔ kɛxɔ̃ɛ wɔawɔa ɔkɔ Apaleteɛ tɛbàdzì kɛlɛɛ etee.

Efesoanɛ 2:10

Owusoso Akaa ahɔɛ ɛdɔ̃ bhɛbhɛtɛ bunu, gɛ babhɛtɛ nɛ Kristo Yesu mɛ sɛ tɛ bɔwɔa axɔ̃ɛ gbangbã, gɛ Owusoso Akaa eputɔ abalɛ elu akɔ ɔlɔ sɛ bɔbhɛtɛ.

Filipianɛ 1:11

Nɔkɔ kibui gbangbã bhɛbhɛtɛ busi eyuyuɔ gɛ agã Yesu Kristo abha eyuku ɔnɔ mɛ, tɛ kidzi ishu dadalɛ nɛ̀ kinye kpɛkpɛ nɛitití ɔkɔ Owusoso Akaa.

Koloseanɛ 1:10

Kɛlɛ bukulù Owusoso Akaa sɛ tɛ̀ nɔzã nɛkpã gɛ ɛshɔ̃ ɔkɔ Apaleteɛ pɛ lɛbàku yɛawɔ̃ nɛ kidzo ka nyia ka abha, tɛ̀ nɔoyu eyuyù nɛ kɛxɔ̃ɛ gbangbã ka nyia ka wɔawɔa mɛ̀, tɛ̀ nɔoshè nɛ Owusoso Akaa kibuititìɛ mɛ,

Timoteo 1 2:2

akɔ bekusiɛ nɛ̀ bagɛ alɛ ɔsha nulũɔ, sɛ tɛ bɔzã nɛ ishu yɔyɔ nɛ̀ ɛkpã gɛyɔ nɛ Owusoso Akaa nɛ̀ ishu dadalɛ pete mɛ.

Timoteo 1 4:6

Onupɛ obu ebui alɛ ɔkasɛ badzyaa, obodzi axɔ̃ɛdɛ gbangbã ɔkɔ Kristo Yesu, gɛ banyɔnɔ nɛ kibui gbã tɛyɛyɛkɛŋã mɛ nɛ̀ bɔdɔ̃ kakasɛ gbangbã gɛ bɔlɛ ede wɔlɛ mɛ.

Timoteo 1 5:10

pɛ benyi yɛ piapii ɔkɔ yɛ ebui gbangbã tɛbhɛbhɛtɛ, asɛ beyi abha tiɖiɖi ana, asɛ beefu tɛyɛyɛkɛ, anɔ gɛ eplu bɔtsɛɖɛkpɔ akɔ banɔ dadalɛ, anɔ gɛ aplɛnɔ bagɛ beku kibui mɛ pɛ alɔkɔ yɛishu akpɛ ebui gbangbã ka nyia ka tɛbhɛbhɛtɛ mɛ.

Timoteo 2 1:6

Nɛ kibui ɛlɛ shu soɔ, ɛbaka wɔ sɛ tɛ̀ ɔkpɛ kifù nɛ kɛxɔ̃ɛ gɛinu Owusoso Akaa ɛdɔ̃ kɔkɔ gɛkpasɛ wɔ mɛ, ɔgana mɛahɔɛ tɔtɔɖɔ nɛ wɔabha mɛ.

Timoteo 2 2:14

Zã kɛlɛ abha tɛ ɔzɔ bakà alɛ nɛ̀ ebui alɛ shu. Kpɛ alɛ ɔsha nɛ Owusoso Akaa namɛ nɛ ebelà ebui ɖɔɖɔ shu, gɛ kɛnanà maɛlɛ mɛ, bagɛ elũ ɛlɛ ete kiizĩ.

Timoteo 2 2:21

Onupɛ anɔ teli eplu yɛishu edenɔ ebui kukuɔ mɛɛ, ebedzi anɔ gɛ abazã akɔ ebui piapii, gɛ babhɛtɛ ladalɛ, pɛ lapɛ̃ akɔ Apaleteɛ asɛ alɔkɔ awɔa axɔ̃ɛ gbangbã ka nyia ka ɛdi nɔ.

Tito 1:16

Baɖɔ asɛ enyi Owusoso Akaa, pɔ nɛ balɛ ebui bhɛbhɛtɛ mɛ xɔnɔɔ, betinyi yɛ. Banyana anɔ akpɛ ɛyamɛ, betielũ atɔ̃, kɛlɛ bagɛ na ɔkɔ kɛgbangbã nanà bhɛbhɛtɛ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Tito 3:14

Kɛlɛ sɛ bɔlɔ banɔ nɔ akpasɛ kana gɛ babalɔkɔ balɛishu akɔ kibui gbangbã bhɛbhɛtɛ, sɛ tɛ balà amɔ kɛdɔ̃ ɔkɔ kiwui nyia wui ebui bhɛbhɛtɛ tɛ batɛ zãna ɛkpã gɛ lɛgɛ kpa plɛnɔ kɛxɔ̃ɛ wɔawɔa.

Tito 3:8

Kibui ɛlɛ tɛɖɔɖɔ nu kibui gbã. Kɛlɛ ɛpɛ sɛ tɛ ɔɖɔ ebui alɛ odzinɔ ɔɖɔ, sɛ tɛ bagɛ ayɛkɛ Owusoso Akaa nabha aŋãa beɖi ishu abha piapii tɛ̀ balɔkɔ balɛishu akɔ kibui gbangbã bhɛbhɛtɛ. Ebui alɛ apɛ̃ kɛlɛ labà manà kibui gbangbã ɔkɔ aka nyia aka.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.

Petro 2 1:12

Klisoɔ ɛba zɛbakà wɔnɔ kibè nyia bè nɛ ebui alɛ shu, gɛ nɔonyi alɛ pɛ nɔkpɛ igu nɛ kibui gbã gɛ nɔyɛkɛ mɛ tsyɛ flogo.

Yuda 1:5

Nɔonyi ebui alɛ nyɔ̃ɔ, pɔ ɛpɛ sɛ bakà wɔnɔ sɛ̀ Apaleteɛ ebu yɛanɔ nɔ̀ odenɔ Egipte, pɔ kidegbaa ebeyì bagɛ agɛ yɛkɛ aŋãa.