Tito 1:3 - Nyangbo New Testament

³ kɛlɛ nɛ yɛ kibeɛ gɛ atɔɖɔ eluɔ shuɔ, amana yɛibuiɛ nɛ tɛdadalɛ mɛ ɔgana kibuiɛ tɛɖɔɖɔ gɛ balɔkɔ akpɛ mahɔɛ ɔgana Owusoso Akaa gɛ ebu ɔlɔ yɛɔsha kpɛkpɛ mɛ,

Tito 1:3 Iomraidhean Croise

Banɔkpɛkpɛ Axɔ̃ɛ 10:36

Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Banɔkpɛkpɛ Axɔ̃ɛ 17:26

Gana anɔ tenikpo mɛ yɛabhɛtɛ banunɔ petee nɛ̀ amadiɛ, sɛ tɛ̀ beyuku kanɔ nɔ̀ mɛ petee. Kɛlɛ yɛatɔɖɔ kibeɛ kɔ alɛ nɛ ɔkɔ nyia ɔkɔ gɛ babazã shu.

Romanɛ 15:19

ɔgana ohumi udɔ̃ bubu kasɛ nɛ̀ atsyindzye ebui, ɔgana Ɔfɔfuĩa nɔ ohumi mɛ. Kliso denɔ Yerusalemuɔ, ɛgã kana Iliriko pete batsyɔa, pɛ ɛzɛɖɔ Kristo Ibui Gbangbã, gɛ kɛna piapii.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Romanɛ 16:26

pɔ otsi alɛ bebu alɛ akasɛ, kɛlɛ buti alɛ ɔgana ebuiɖɔluanɛ ebui fɔfɔnɔ luɔ mɛ, nɛ̀ ɔgana ɔsha gɛ Owusoso Akaa akɔɔ mɛ, sɛ tɛ ɛmadiɛ pete bayɛkɛ aŋã, kɛlɛ tɛ belũ batɔ̃ɔ akɔɛ,

Romanɛ 5:6

Nɛ kibe gbangbã mɛ gɛ kibui bhɛbhɛtɛ nanà gazã bɔlɔ ahɔɛɛ, Kristo ebetsí nɛ bagɛ betinyi Owusoso Akaa nɛ̀ ɛtakpu.

Korintoanɛ 1 9:17

Onupɛ ɛlɛkɔ mɛishu kɔ kibuiɛ tɛɖɔɖɔ, kɛbhɛ babuia bazã kɛlɛ mɛ ɔkɔ mɛ, onupɛ gɛnɛ mɛishu mɛlɔkɔ ɔkɔ kibuiɛ tɛɖɔɖɔ, kibuiɛ gɛ bakpɛ mɛ ahɔɛ sɛ ɛbhɛtɛ ete mɛbhɛtɛ.

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Efesoanɛ 2:17

Aba ɖɔ̀ ishu yɔyɔ ebui etseɖe wɔnɔ bagɛ nɔzã odzlolo ɔkɔ, pɛ aɖɔ ishu yɛyɔyɔ ebui etseɖe bagɛ etso aplɛnɔ yɛ tsyɛ.

Filipianɛ 1:13

Nɛ ɛlɛ shu soɔ, kɛlɛ mɛ badãlɛ ɔkɔ bagɛ epo ekusiupã petee nɛ̀ aka nyia aka tsyɛ sɛ, ɛkpasɛ ɛɖahui mɛ ɔkɔ Kristo.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Tesalonikanɛ 1 2:4

Nɛ kidzo bhlatɔ abhaa, bɔɖɔ kaɖɔ asɛ banyɛ gɛ Owusoso Akaa atɔɖɔ ahɔɛ nɛ bɔlɔ abha pɛ alɔkɔ yɛibuiɛ akpɛ bɔlɔ ahɔɛ. Bɔtɛ pɛɛ sɛ tɛ buku banɔdzyrame awɔ̃ pɔ Owusoso Akaa boŋ gɛ efeke bɔlɔ etúɔ mɛ eɖiɛ.

Timoteo 1 1:1

Mɛ Paulo gidzi, Yesu Kristo yɛanɔkpɛkpɛ nɛ Owusoso Akaa gɛebu ɔlɔ yɛɔsha kɔkɔ nulũɔ nɛ̀ Yesu Kristoɔ gɛenu anɔ gɛ buɖi kidzo mɛ ɔkɔ,

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Timoteo 1 2:3

Kibui ɛlɛ pɛ̃, gɛ kiku Owusoso Akaa gɛ ebu ɔlɔ awɔ̃,

Timoteo 1 4:10

(ɔmɔsɛ kibui ɛlɛ shu bɔmɔ̃ bɔtɔ pɛ wlɔãkɛ ɔkɔ), sɛ bɔlɔkɔ bɔlɔ otugbà mɛ ɖiɖiɛ ɔkpɛ Owusoso Akaa enunuɔ ahɔɛ mɛ, anɔ gɛ yɛebu banunɔ petee nɛ butsi mɛ, asɛ bɔnɔ nɔ̀ gɛ bayɛkɛ aŋã ana.

Timoteo 2 4:17

Pɔ, Apaleteɛ azã aplɛnɔ mɛ pɛ akpɛ mɛ ohumi, sɛ tɛ ɔgana mɛabhaa, baba ɖɔ kibuiɛ akana, kɛlɛ bagɛ betinu Yudanɛ tsyɛ ebelũ ɛlɛ. Kɛlɛ bebu mɛ edenɔ dzata olugbũ mɛ.

Tito 2:10

kɛlɛ beti zuru alɛ, pɔ kasɛ alɛ ɔsɛ ɔyɛkɛ alɛ abha ɔŋã, sɛ tɛ nɛ kidzo ka nyia ka abha bɔdɔ̃ kakasɛ gɛ bayɛkɛ nɛ Owusoso Akaa agɛ yɛebu ɔlɔ shu tɛ̀ apɔ ɔɖi.

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Kibui Bubú Kasɛ 14:16

Kliso anunɔ gɛ azã ɔmɔlɔ̃ nabha awɔa yɛhɛakpa shu axɔ̃ɛ akana afala nɔ nɛ esiakpa nabha, kɛlɛ apɔ̃ kesiakpa abha ɔdɔ̃ eyuyuɔ.