Tito 1:10 - Nyangbo New Testament

¹⁰ Ɔmɔsɛ batɔ̃mɛ gagalĩ elete kpekpè alɛ, banɔ gɛ baɖɔaɖɔ ete, pɛ bawɔɛ anɔ, banɔ asɛ bagɛ bakpasɛ Yudanɛ ɛkɔɔ mɛ ana.

Tito 1:10 Iomraidhean Croise

Banɔkpɛkpɛ Axɔ̃ɛ 11:2

Kliso gɛ Petro avɛ ediku Yerusalemuɔ, Yudanɛ gɛ bebhui kɛhɔ̃a akɔ baɖɔaɖɔ alɔɛtití nɛishu.

Banɔkpɛkpɛ Axɔ̃ɛ 15:1

Banyɛ teli ezhi ede Yudea aba Antioxia pɛ baba kasɛ ɔhamɛanɛ bɔdɔ̃ asɛ, “Onupɛ begibhui kɛhɔ̃a akɔ anɔ nɛ ɔkɔɔ gɛ Mose akasɛ ɔlɔ nulũɔ, atɛ bɔmɔ ɛkpã.”

Banɔkpɛkpɛ Axɔ̃ɛ 15:24

Bulũ ɔsɛ bɔlɔ ɔmayɛ teli ekoeyì nɛ bɔlɔ ishi, gɛ bɔgɛ kpɛ alɛ pɛ baba alɔkɔ ebui teli akpɛ wɔnɔ buluhũ nɔ, babakpɛ wɔnɔ buluhũ nɛ̀ balɛ ebui ɖɔɖɔ.

Banɔkpɛkpɛ Axɔ̃ɛ 20:29

Inyi sɛ onupɛ ɛbashɛɛ kidegbaa, igulu babà wɔnɔɛshi, kɛlɛ lɛti bàbi ibhoshiɛ ashagabui.

Galatianɛ 2:4

Kibui ɛlɛ bayì ɔmɔsɛ asɛnɛ badzya teli aba afala eku bɔlɔ ɛzãkɔɔ tɛ belu awɔ̃ eɖi ɔlɔ ishuahɔɛmɛ zazã gɛ lɛ ɔlɔ ahɔɛ nɛ Kristo mɛ, tɛ̀ betsyina ɔlɔ budzì banɔ dzidzi.

Galatianɛ 3:1

Wɔnɔ Galatianɛ awɔaga! Afana gɛ atã ɔnɔ nɛ̀ ohui ana dza? Nɛ wɔnɔ amɛɛ, nɔmɔ piapii ɔsɛ bakpalà Yesu Kristo nɛ butsi osiɛ shu.

Efesoanɛ 4:14

Kɛlɛ bɔza kazã asɛ bunuvɔɛ ana, pɛ kɛlɛ́ɛ mɛɔdɔ̃ kakasɛ ka nyia ka ɛdi bazi fù ɔlɔ falanɔ ɔvɛnɔ ɛkɛlɛ ɔmana ɛkɛlɛ̀ nɛ̀ banɔdzyrame bɔshɛ nɛ̀ banɔ wɔɛwɔɛ edzoɔ gɛ batɔɖɔ eluɔ shu.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Timoteo 1 1:6

Beteli ashɛ nɛ ebui alɛ ede pɛ betsyina avɛ kaɖɔɖɔɖɔ gɛ kesi lulũ nanà ama kalɛishuɔ mɛ.

Timoteo 1 1:9

Bunyi tsyɛ sɛ, bagɛ bhɛtɛ ɔsha akɔ banɔ dadalɛ pɔ babhɛtɛ ɔlɛ akɔ bagɛ betso ɔsha nɛ̀ batɔ̃mɛ gagalĩ eleteɛ. Bagɛ betinyi Owusoso Akaa nɛ̀ ebui kpa bhɛbhɛtɛ eleteɛ, bagɛ balɛishu gɛdalɛ nɛ̀ bagɛ batɛ akpɛ ketakpu esiɛ, lɔlɛ ɔkɔ bagɛ eyí balɛ akaalɛ alo balɛ elĩ alɛ, lɔlɛ ɔkɔ bagɛ eyi anɔ,

Timoteo 2 3:13

kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.

Timoteo 2 4:4

Bebè tsyina balɛ atɔ̃mɛ ashɛnɔ nɛ kibui gbã shu kɛlɛ bebè tsyina avɛ ɛdzɛdzɛ ebui shu.

Tito 1:6

Kɛma sɛ tɛ kɛpɔ bubu zã osofo shu, edzi anɔ gɛ agbana adzɛ tenikpo, anyɛ gɛ yɛeyi alɛ ayɛkɛ aŋã pɛ betinu banɔ gɛ babhɛtɛ agbagbà ebui pɛ betielũ atɔ̃.

Yakobo 1:26

Onupɛ anɔ teli akpɛ ɛtakpu esi akɔ Owusoso Akaa, pɔ pɛ atɛ nyana yɛinike piapii nɛ kaɖɔ ɖɔɖɔ mɛɛ, awɔɛ yɛishu kɛlɛ yɛtakpu esi kpɛkpɛɛ ma kɛnanà mɛ.

Yohanes 1 2:18

Mɛeyi alɛ gɛ ɛdɛmɛ nɔ, ɔɖà tata gɔgɔɛ nɔ nɔlɛ, nɛ̀ asɛ kana gɛ notilũ ɔsɛ asɛnɛ kristoelete abaa, otsiɛ nɔ tsyɛ asɛnɛ kristoeleteɛ atɛba eku. Kana bɔlɔkɔ tì ɔsɛ ɔɖà tata gɔgɔɛ nɔ nɔlɛ.

Yohanes 1 2:4

Anunɔ gɛ aɖɔ asɛ, “Inyi yɛ,” pɛ atɛa abhɛtɛ̀ atɔɖɔ yɛɔsha nabhaa enu asɛnɛ elete, kɛlɛ kibui gbã ma yɛ mɛ.

Yohanes 1 4:1

Mɛadzya alɛ gɛ ɛdɛmɛ nɔ, nɔtɛ yɛkɛ ɛfɔfuĩa ka nyia ka abha ɔŋã, pɔ nɔolũ awɔ̃ oɖi ɛfɔfuĩa nɔ tɛ̀ nɔmɔ ɔsɛ̀ Owusoso Akaa ɔkɔ lide, ɔmɔsɛ asɛnɛ ebuiɖɔluanɔ kpekpèɛ etsoku kanɔ nɔ̀ mɛ.

Kibui Bubú Kasɛ 2:14

Pɔɔ, ebui teli xɔnɔ alɛ mɛahɔɛ nɛ wɔshu. Banɔ teli alɛ wɔahɔɛ nɛ ɛkɛlɛ gɛ banyana Bileam yɛɔdɔ̃ kakasɛ mɛ evunɔ. Yɛ gɛ akɔ asɛ tɛ Balak awɔɛ Israelanɛ akpɛ ebui kpa bhɛbhɛtɛ mɛ ɔgana bɔdɔ̃ tɔtɔ ɔkɔ ibudi tɛŋaŋã, nɛ̀ ɔmamɛ dɛdɛ mɛ.

Kibui Bubú Kasɛ 2:6

Pɔ kɛgiku mɛawɔ̃ nɛ wɔshuɔ nu ɔsɛ, ɔgɛdɛmɛ nɔ nɛ Nikolainɛ ede azazã ebui bhɛbhɛtɛ asɛ kɛdɛmɛ gɛ mɛtsyɛ gɛ dɛmɛ balɛ ibui ana.