Tito 1:1 - Nyangbo New Testament

¹ Paulo, anɔ gɛedzì axɔ̃ɛdɛ akɔ Owusoso Akaa nɛ̀ anɔkpɛkpɛ akɔ Yesu Kristo ɔkɔ bagɛ Owusoso Akaa ebu alɛ tɛyɛyɛkɛŋã, nɛ̀ kibuititìɛ gɛlɛ kibui gbã shu pɛ kɛgbanà anɔ vɛnɔ Akaa mɛ tɛzazã,

Tito 1:1 Iomraidhean Croise

Banɔkpɛkpɛ Axɔ̃ɛ 13:48

Gɛ bagɛ etinu Yudanɛ elũ kibui ɛlɛ, same eku balɛ kɛlɛ bakpɛ Apalete nɛibuiɛ nɛitití, kɛlɛ bagɛ Owusoso Akaa ebu elu akɔ ɛkpã tihɔɔ nɔ mɛ tsyɛ ayɛkɛ aŋã.

Romanɛ 1:1

Mɛ Paulo, Kristo Yesu yɛaxɔ̃ɛdɛ gɛ bekulu asɛ tɛ edzi anɔkpɛkpɛ, pɛ bebu elu akɔ Owusoso Akaa Ibui Gbangbã.

Korintoanɛ 2 1:1

Paulo gɛedzi anɔkpɛkpɛ akɔ Yesu Kristo nɛ Owusoso Akaa tɛpɛpɛ ulũɔ, nɛ̀ Timoteo gɛenu bɔlɔ adzyaa, Mɛ sɛsɛ Korintoanɛ ɔhaa keplukpa alɛ ɔlɔkɔ plɛnɔ bagɛ bayɛkɛ aŋã nɛ Axaya petee asɛ,

Efesoanɛ 2:8

Ɔmɔsɛ tibhui bhuibu shu so pɛ bebu ɔlɔ ɔgana tɛyɛyɛkɛŋã mɛ, kɛlɛ kɛgi de wɔnɔ ɔkɔ, pɔ Owusoso Akaa yɛdɔ kɔkɔ kinu,

Filipianɛ 1:1

Mɛ Paulo nɛ̀ Timoteo, gɛenu Kristo Yesu yɛaxɔ̃ɛdɛ, Balɛ asɛsɛ banɔ dadalɛ pete eplukpa nɛ Kristo Yesu mɛ nɛ Filipi, ɔlɔkɔ plɛnɔ ɛsofo nɔ nɛ̀ ɛzãkɔ bhlui eleteɛ,

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Timoteo 1 2:4

anɔ gɛ apɛ asɛ tɛ bebu anɔ ka nyia ka sɛ tɛ baba kibui titìɛ gɛ lɛ ɛlɛ ɔzãkɔ mɛ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 6:3

Onupɛ anɔ teli akasɛ asɛnɛ ɔdɔ̃ pɛ agɛ dɛmɛ atɔɖɔ Apalete Yesu Kristo yɛebuiɛ nɛ̀ Owusoso Akaa ɔdɔ̃ kakasɛ nabhaa,

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Timoteo 2 2:23

Tɛkpɛ ɔha nɛ̀ bɔga ebui tɛwɔawlɔakɛ, ɔmɔsɛ onyi ɔsɛ lamanà ebelá ebui.

Timoteo 2 2:25

Bagɛ balɔ kititì nɛishuɔ tsyɛɛ, kɛlɛ sɛ yɛishu mɛ yɔ tɛ ebu ebui esi ɔkɔ alɛ, nɛ̀ kidzo mɛ ɖiɖi ɔsɛ Owusoso Akaa abakɔ alɛ etú mɛ tsyitsyina gɛ ɛba gbana alɛ vɛnɔ kibui titìɛ gɛinu kibui gbã mɛ,

Yakobo 1:1

Keplukpa alɛ kede mɛ Yakobo, Owusoso Akaa nɛ̀ Apalete Yesu Kristo yɛaxɔ̃ɛdɛ ɔkɔ. Ɛfɔnɔ alɛ sɛsɛ egbogbo lɔfɔ nɛ̀ taabha gɛ apɔɛ afalanɔ pɛ bakpasɛ ɛmadi bhlatɔ mɛ. Nɔyɛkɛ mɛ ɔsɛsɛnɔo.

Petro 2 1:3

Yɛohumi nɔ ɔkɔ ɔlɔ kɛka nyia ka gɛ bɔɔpɛ ɔkɔ ɔlɔ ɛkpã nɛ̀ Akaa mɛ tɛzazã, ɔganà kanà gɛ bɔbatì yɛ gɛ ekulu ɔlɔ amanà yɛishu dadalɛ nɛ̀ yɛebui gbangbã mɛ.

Petro 2 3:11

Gɛ bebè zĩ kɛka nyia ka nɛidzo ɛlɛ nabha soɔ, banɔ ɖuwoe idì kɛlɛ sɛ tɛ̀ nɔodzìɛ dza? Kɛlɛ sɛ nɔzã ɛkpã dadalɛ nɛ̀ kɛtakpu esi kpɛkpɛ ɔkɔ Owusoso Akaa mɛ

Yohanes 1 2:23

Anɔ nanà ma gɛ agɛ yɛkɛ Eyianyɛ pɛ ebetì Akaa xɔnɔ, anunɔ gɛenyi Eyianyɛɛ yɛenyi Akaa tsyɛ.

Kibui Bubú Kasɛ 1:1

Ebui bubu kasɛ gɛ Owusoso Akaa akɔ Yesu Kristo asɛ tɛ ebu akasɛ yɛaxɔ̃ɛdɛ nɛ ebuiɛ gɛ etibedze pɛ labàbaa alɛ mɛɛ shu. Akɔ tititì ɛlɛ ɔgana yɛaxɔ̃ɛdɛ gɛ akpɛ asɛsɛ Yohanɛs ɔkɔɔ.