Timoteo 1 4:3 - Nyangbo New Testament

³ Bagɛ dɛmɛ asɛ tɛ banɔ agbana adzɛ, kɛlɛ bakpɛ alɛ ɔsha sɛ batɛ ŋã bɔdɔ̃ tuli idi, bɔdɔ̃ gɛ Owusoso Akaa abhɛtɛ asɛ bagɛ ayɛkɛ aŋã pɛ benyi kibui gbã ayɛkɛ nɛ̀ ahɔɛ huhu.

Timoteo 1 4:3 Iomraidhean Croise

Banɔkpɛkpɛ Axɔ̃ɛ 27:35

Gɛ aɖɔ kibui ɛlɛ ebekeɛ, alɔkɔ kifufulũ tili kɛlɛ ehu Owusoso Akaa ahɔɛ nɛ ɛlɛ ɛtakpù nɛ balɛ nyɔ̃ɔ amɛ. Kɛlɛ aya ɛlɛ mɛ̀ pɛ akpaatã.

Romanɛ 14:17

Ɔmɔsɛ Owusoso Akaa bukusi ŋaŋãa, itinu bɔdɔ̃ ŋaŋã nɛ̀ bɔdɔ̃ wɔɛwɔɛ ibui, pɔ kinu tɛzazã piapii, ishu yɔyɔ nɛ̀ same mɔmɔ nɛ̀ Ɔfɔfuĩa Gbangbã mɛ ibui.

Romanɛ 14:3

Anunɔ gɛ aŋã kɛka nyia kaa, eti bu olugbũ mɛ nɛ agɛ yɛatɛ abhɛtɛ ana shu, kɛlɛ anunɔ gɛ atɛ aŋã kɛka nyia kaa, atɛ tɛ̀ɛ anunɔ gɛ yɛaŋã kɛka nyia ka elú, ɔmɔsɛ Owusoso Akaa yɛanɔ yɛenu.

Romanɛ 14:6

Anunɔ gɛ alɔkɔ kiwui tili asɛ kɛlinu kɛgɛ dzã kiwuhũ dɛɛ, abhɛtɛ kɛlɛ sɛ tɛ alɔkɔ akpɛ Apalete nɛinye nɛitití nɔ. Kana ɛbe anunɔ gɛ atã kɛdzyaa, abhɛtɛ ana sɛ tɛ akpɛ Apalete nɛinye nɛitití, ɔmɔsɛ ehu Owusoso Akaa ahɔɛ nɛ kɛŋaŋã nɛ ɛtakpu, kɛlɛ anunɔ gɛ atɛ aŋãa tsyɛɛ, abhɛtɛ ana akɔ Apaleteɛ tɛ alɔkɔ ehu Owusoso Akaa ahɔɛ nɔ.

Korintoanɛ 1 6:13

“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Korintoanɛ 1 7:28

Pɔ edzi asɛ onupɛ ɔtɛ gbana adzɛɛ, ɔgɛ bhɛtɛ kibui kpa, kɛlɛ onupɛ kebiteɛ gɛ etinyi anyɛ pɛ azana anyɛɛ, agɛ bhɛtɛ kibui kpa. Pɔ ba agɛ bagbana bagɔlɔ babamɔ bɔtɔ nɛ ɛkpã ɛlɛ mɛ, kɛlɛ ɛtɛpɛɛ sɛ ebui alɛ aba wɔnɔ abha.

Korintoanɛ 1 8:8

Pɔ bɔŋaŋã tɛ gbana bɔlɔ mana Owusoso Akaa bha, bɔgɛ ŋã bɔdɔ̃ɔ, kigizĩ kɛnana nɛ bɔlɔ shu, kana onupɛ bɔŋã tsyɛɛ, bɔgɛ pɛ dɛ ananà.

Koloseanɛ 2:16

Klisoɔ nɔtɛkɔ anɔ nanà ekulu kebhu nɛ̀ ɔnɔ nɛ kɛgɛ nɔɔŋã alo pɛ nɔwɔ̃ɛ shu, alo nɛ kibui tili gɛ kpa plɛnɔ ɔhamɛ iwui ŋaŋã shu, asɛ woele vɔvɔ iwui ŋaŋã alo nɛ Sabat kimoelewuiɛ shu.

Koloseanɛ 3:17

Kɛlɛ kɛka nyia ka gɛ nɔbhɛtɛɛ tsyɛɛ, onupɛ kibui ɖɔɖɔ alo ebui bhɛbhɛtɛ mɛ tsyɛ elo, nɔbhɛtɛ alɛ petee nɛ Apalete Yesu inyèɛ mɛ, tɛ nɔlɔkɔ ahɔɛ huhu ɔkɔ Owusoso Akaa ɔganà yɛabha.

Timoteo 1 2:4

anɔ gɛ apɛ asɛ tɛ bebu anɔ ka nyia ka sɛ tɛ baba kibui titìɛ gɛ lɛ ɛlɛ ɔzãkɔ mɛ.

Timoteo 1 4:4

Ɔmɔsɛ kɛka nyia ka gɛ Owusoso Akaa abhɛtɛ pɛ̃, kɛlɛ kɛma ɔsɛ bashɛnɛ ahɔɛ nɛ kɛnanà shu onupɛ bayɛkɛ kɛka nyia ka nɛ̀ ahɔɛ huhuɔ,

Timoteo 1 5:14

Kliso pɛ itseɖe badzɛ gɛ beke shè pɛ benu bavɛvɛ edzini alɛ asɛ bazana anyɛ, tɛ bamɔ eyi, tɛ beɖi balɛ bɔpã abha tɛ batɛkɔ Satana idzo nɛ olugbũ kedzi gagã shu.

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Hebrianɛ 13:9

Nɔtɛkɔ ɔsɛ bɔdɔ̃ kakasɛ ka nyia ka ɛdi zɛgbana ɔnɔ. Kɛpɛ ɔkɔ ɔlɔ etúɔ asɛ tɛ lamɔ ohumi ɔgana tibhui bhuibu mɛ, pɔ anɛ bɔŋaŋã ɔsha gɛ ɛlɛ beshu pɛ lɛ tɛ plɛnɔ banunɔ gɛ baŋã ɔdɔ̃.