Biblia Todo Logo
Bìoball air-loidhne

- Sanasan -




Timoteo 1 4:1 - Nyangbo New Testament

1 Ɔfɔfuĩa nɔ dalɛ ɛlɛ mɛ ɔsɛ nɛ ewui gɔgɔɛ nɔ mɛɛ, beteli aba shɛnɛ ahɔɛ nɛ tɛyɛyɛkɛŋã shu pɛ babà kpatɔnɔ asɛnɛ ɛfɔfuĩa nɛ̀ ebui gɛ ɛfɔfuĩa zizĩɛ kasɛ.

Faic an caibideil Dèan lethbhreac




Timoteo 1 4:1
64 Iomraidhean Croise  

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”


Epikoroanɛ teli gɛ beshogò ishu ɔplɛnɔ Stoanɛ teli gɛenu bebutìnɛ abakpà kibui wlɔãkɛ nɛ̀ Paulo. Balɛ mɛ beteli ezebisi yɛasɛ, “Kinuvɔ ibui ɖuwoe idi yɛaɖɔ ana?” Bagɔgɔɔ tsyɛ aɖɔ asɛ, “Abhɛtɛ asɛ aɖɔaɖɔ tɛ alɔkɔ ebu amadi bhlatɔ ibudi ulũ nɔ.” Baɖɔ kibui ɛlɛ ɔmɔsɛ Paulo azaɖɔ kibui gbangbã nɛ Yesu shu, nɛ̀ tɛlɔlɔ odenɔ bekpuɔ mɛ shu.


Inyi sɛ nɛ ɔmahohoe ka nyia ka mɛɛ, Ɔfɔfuĩa Gbangbã ɔkpɛ ɔsha kɔmɛ ɔsɛ ɔɖavũmɛ tɛzazã nɛ̀ ebui gagalĩ mɛbà dɛ mɔ.


Gɛ aba bɔlɔ ɔbhaa, alɔkɔ Paulo yɛatsatsatɔɖɔ pɛ alɔkɔ yɛanyã yɛahɔɛ ɛtsɛɖɛ nɛ̀ ɛhɔɛ pɛ aɖɔ asɛ, “Ɔfɔfuĩa Gbangbã ɔɖɔ ɔsɛ, ‘Kidzo ɛlɛ nabha Yudanɛ abanyã atsatsatɔɖɔ alɛ eleteɛ pɛ babà lɔkɔ yɛakpɛ ahɔɛ akɔ bagɛ betinu Yudanɛ.’ ”


Bazawlɔãkɛ ebuiɛ nɛ bagɔlɔ mɛ kɛlɛ bakpa ashɛ kibeɛ gɛ Paulo aɖɔ kibui gɔgɔɛ ɛlɛ asɛ, “Ɔfɔfuĩa Gbangbã ɔɖɔ kibui gbã otseɖe wɔnɔ ashuĩ alɛ kibeɛ gɛ aɖɔ gana ebuiɖɔluanɔ Yesaya abha asɛ,


Gɛnɛ ana, pɔ ibudi eleteɛ bɔdɔ̃ pɔpɔɛ nɔ ɛfɔfuĩa zizĩ balɔkɔ ɛlɛ akɔ, gɛnɛ Owusoso Akaa balɔkɔ ɔlɛ akɔ, kɛlɛ ɛgɛ pɛ sɛ tɛ nɔ ɔkpɛ ahɔɛ nɛ ɛfɔfuĩa zizĩ ebui mɛ.


Ɔmɔsɛ kɛlɛ sɛ tɛ̀ ɔtɔbubu ɔzã wɔnɔɛishi, tɛ̀ kɛkasɛ wɔnɔ mɛ anunɔ abha gɛ Owusoso Akaa atɔɖɔ ahɔɛ.


Alɛ nyɔ̃ɔ enu Ɔfɔfuĩa ɔlɛ tonikpo ɔlɛ axɔ̃ɛ wɔawɔa, kɛlɛ akɔ anɔka nyia ka nɛ kana gɛ apɛ nulũ.


pɔ Owusoso Akaa ebu alɛ akasɛ bɔlɔ xɔnɔ ganà yɛ Ɔfɔfuĩa nɔ mɛ. Ɔfɔfuĩa ɔpɔ̃ɛ ebuiɛ petee mɛ, Owusoso Akaa yɛebui dzudzuɔ mɛ tsyɛ.


Pɔ kifu yimɛ sɛ asɛ kana gɛ eblidzya alɔkɔ bɔshɛ edzo awɔɛ Eva nɔ, babà tsyina wɔnɔ tsyɛ ekpeɖekpeɖe mɛ ashɛnɛ nɛ wɔnɔ kibui gbangbã tɛbhɛbhɛtɛ nɛ̀ wɔnɔ ishu tɛlɔlɔkɔ ɔkɔ Kristoɔ shu.


Nɔtɛkɔ anɔ nanà gɛ adɛmɛ ezhini ishu esi nɛ asɛnɛ mɛ, pɛ aakpɛ kɛtakpu esi ɔkɔ baxɔ̃ɛdɛ abhɛtɛ akɔ nɔtɛ mɔ kɛbhɛ̃ babuia nɔ. Anɔ alɛ nɛidiɛ anyɔ̃ ebui mɛ nɛ ebuiɛ gɛ amɔ̃ shu, kɛlɛ yɛ ekpeɖekpeɖeɛ gɛ ama ɔfɔfuĩa nɔ mɛ akɔ efeke yɛishu nɛ kɛgɛ ma kɛnanà mɛ shu.


kɛlɛ banɔ kpa nɛ̀ bagɛ abhɛtɛ ishu asɛ bapɛ xɔnɔ ebèzĩ atɔɖɔ, babawɔɛ banɔ kɛlɛ babawɔɛ alɛ tsyɛ.


Bebè tsyina balɛ atɔ̃mɛ ashɛnɔ nɛ kibui gbã shu kɛlɛ bebè tsyina avɛ ɛdzɛdzɛ ebui shu.


“Bubuti” ɛlɛ nɛidiɛ, anɛ kitití bude ba, pɔ kanɔ mɛ ɔyɛ bunu, gɛ ɔfɔfuĩa ɔma ɔlɛ mɛ, Abosam ɔyɛ ulinu.


Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.


Asɛ kɛzã gɛ asɛnɛ ebuiɖɔluanɛ atɛzã banɔɛishi abafala nɔ, kidzo ɛlɛ nabha asɛnɛ ɔdɔ̃ kakasɛ tsyɛ abekoeyì nɛ wɔnɔɛshi. Babà gã bɔshɛ mɛ abalɔkɔ asɛnɛ bɔdɔ̃ kakasɛ gɛ bazĩ udɔ akasɛ ɔnɔ ɔdɔ̃ nɔ, babàdã kadã nɛ Apaleteɛ gɛ ayɛkɛ balɛ edziɛ shu, gɛ balɛ ebui bhɛbhɛtɛ aba gbanà alɛ akpɛ butsì mɛ gulũi.


Putɔnɔ kɔ ɛlɛ, kɛlɛ ɔsɛ nɔolũ kɛlɛ esi ɔsɛ̀ nɛ ewui gɔgɔɛ nɔ mɛɛ banɔ gɛezĩ banɔ shuɔ ebekoeyì, bebè zĩ anɔ shu pɛ babà za nɛ̀ ɛkpã kpa nɛ alɛ tɛpɛpɛ ulũ.


Mɛeyi alɛ gɛ ɛdɛmɛ nɔ, ɔɖà tata gɔgɔɛ nɔ nɔlɛ, nɛ̀ asɛ kana gɛ notilũ ɔsɛ asɛnɛ kristoelete abaa, otsiɛ nɔ tsyɛ asɛnɛ kristoeleteɛ atɛba eku. Kana bɔlɔkɔ tì ɔsɛ ɔɖà tata gɔgɔɛ nɔ nɔlɛ.


Owusoso Akaa ɔkɔ bɔlɔ xɔnɔ dè, kɛlɛ aka nyia aka gɛ enyi Owusoso Akaa ataatɔ̃ nɛ̀ ɔlɔ, pɔ anunɔ gɛ egide Owusoso Akaa ɔkɔ atɛ atàaatɔ̃ nɛ̀ ɔlɔ. Kidzo ɛlɛ abha bɔgã pɛ bɔmɔ Ɔfɔfuĩa nɔ gɛonu kibui gbã nɛ̀ ɔfɔfuĩa nɔ gɛ lɔonù asɛnɛ ɔyɛ.


Betseɖe wɔnɔ asɛ, “Nɛ ewui gɔgɔɛ nɔ mɛɛ, bagɛ amɔ̃ɛ anɔ ababa, banɔ gɛ abazã alɛ mayɛkɛ mayɛkɛŋã edzoɔ niede.”


Ɔmɔsɛ banɔ teli gɛ batɛ fɔnɔ balɛ ɛpɔ bubuɔ elù kibè tili gɛ bafalaa, banɔ alɛ abafala eku wɔnɔɛshi nɛ tikpukpũ mɛ. Benu banɔ gɛ betinyi Owusoso Akaa, gɛ balɔkɔ Owusoso Akaa tibhui bhuibuɔ asɛ kidzo kɔkɔ anɔ ɔkɔ kɛgɔlɔ ŋaŋã kɛlɛ bagɛ yɛkɛ Yesu Kristoɔ gɛenu bɔlɔ Apalete nɛ̀ Ekusi Gbagbla tenikpo nɔ.


Nɛ bɔdɔ̃ bubú kasɛ ɛlɛ shu soɔ bakɔɛ ohumi sɛ tɛ azawɔa axɔ̃ɛ nɛ agãhoeɛ gɛeputɔ nɛinye mɛ, kɛlɛ azawɔɛ banunɔ nɛ esiakpa nabha. Akɔ balɛ ɔsha asɛ bafatɛ osí nɛ agãhoe gɛ beté nɛ̀ bɛtɛ̀ pɛ akalɛ nɛ̀ ɛkpãa, yɛtɛzazã mɛ.


Linu ɛfɔfuĩa zizĩ gɛ lɛbhɛtɛ atsyindzye ebui akasɛ, kɛlɛ likoeyi vɛ dɛgã kanɔ nɔ̀ mɛ ekusi nabha, sɛ tɛ eshogò alɛ ɔkɔ keyu tɛtatá nɛ̀ Owusoso Akaa ohumielete nɛiwui gbagbla nabha.


Akpɛ ozĩ gagalĩ asɛ, “Ayɛ mɔo! Babilonia hohoeɛ ayɛmɔo! Etsyina edzi ɔma ɔkɔ ɛfɔfuĩa zizĩ nɛ̀ okpukpũ ɔkɔ, ɔkɔ ɛfɔfuĩa zizĩ ka nyia ka edzì ɔzãkɔ ɔkɔ bagã nɛ̀ bɔzhɔɛ gɛ batɛtã okpũkɔ.


Kani mɛifu zatã nɛ wɔ mɛ oɖi. Adzɛenyine nɛ̀ anyɛedzini aɖɔ bezelũ alɛ nɛ wɔ mɛ oɖi. Wɔedzinigã balɛ edzì kanɔ nɔ̀ mɛ anɔ gbagbla. Gana wɔ ihui ebui bhɛbhɛtɛ mɛɛ, ɔgbana ɛmadiɛ pete ɔtsrakɛ idzo.


Pɔ bevũ agãhoeɛ, nɛ̀ yɛasɛnɛ ebuiɖɔluanɔ gɛ azabhɛtɛ atsyindzye ebui akasɛ nɛ yɛinye mɛɛ. Bɔdɔ̃ bubú kasɛ ɛlɛ yɛalɔkɔ awɔɛ bagɛ ayɛkɛ agãhoe ɛná tsatsà, pɛ bazakpɛ ɛtakpu esi akɔ yɛafafatɛɛ. Balɔkɔ banɔ alɛ enunuɔ taabha atɛ́ akpɛ aklagbuifuɔ, gɛtã nɛ̀ ɔɖɛklɛmɛ nɔ mɛ.


Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, butsí bhalà tɛbabhɛtɛ ibui nanà nii.


Anunɔ gɛ batɔ̃ alɛ yɛ tɛ elũ ibuiɛ gɛ Ɔfɔfuĩa nɔ ɔɖɔ otseɖe bahá. Kɛlɛ anɔ gɛ aŋã abhaa, ɛbakɔɛ manà kpukpũɔ teli. Ɛbakɔɛ kɛklagbu fufuɔ tsyɛ gɛ bafɔnɔ kinye vɔvɔ atɔɖɔ kɛlɛ abha ɔplɛnɔ, kɛlɛ anunɔ gɛ ayɛkɛ kɛklagbuɔ ete yɛebeti kinyeɛ.


Anunɔ gɛ batɔ̃ alɛ yɛɛ, tɛ elũ kɛgɛ Ɔfɔfuĩa nɔ ɔɖɔ etseɖe baháa.


Anunɔ gɛ batɔ̃ alɛ yɛ, tɛ elũ ibuiɛ gɛ Ɔfɔfuĩa nɔ ɔɖɔ otseɖe baháa. Kɛlɛ anɔ gɛ aŋã abhaa, ɛbakɔ yɛidzo yɛaŋã busiɛ gɛ ɛkɔ ɛkpã, pɛ lɛlɛ Owusoso Akaa Bɔkã mɛɛ.


Kɛlɛ balɔkɔ abosamuɔ gɛ awɔɛ alɛ, awɔanyã atɛ́ akpɛ aklagbuifuɔ gɛ ɛtã mɛ, nɛ ɛkɛlɛ gɛ batɛ́ɛ agãhoeɛ nɛ̀ asɛnɛ ebuiɖɔluanunɔ akpɛ. Babà hɔhɔlɛ alɛ elishi nɛ̀ emuze ɔvɛnɔ tihɔ, tihɔ.


kɛlɛ azabavɛ adɛwɔɛ ɛmadiɛ nɛ kesiakpa idekrekpu tɛlɛ nabha, gɛenu Gɔg nɛ̀ Magɔg tɛ edi shogò alɛ akɔ keyu tatá. Balɛ tikpekpè mɛ lɛ asɛ aƒutɔ̃ ayisɛ ana.


Anunɔ gɛ batɔ̃ alɛ yɛɛ, tɛ elũ kɛgɛ Ɔfɔfuĩa nɔ ɔɖɔ etseɖe aháa.


Anɔ gɛ atɔ̃ alɛ yɛ, tɛ elũ kɛgɛ Ɔfɔfuĩa nɔ ɔɖɔ otseɖe baháa.


Anunɔ gɛ batɔ̃ alɛ yɛɛ, tɛ elũ kɛgɛ Ɔfɔfuĩa nɔ ɔɖɔ etseɖe bahá.


Banunɔ gɛ agɔ̃, pɛ banɔ yiyíudɔ̃ ɔlɛ giyí alɛ tsyɛ elo, begitsyina nɛ balɛ ahɔɛ ɔdɔ̃ bhɛbhɛtɛ niede. Bagɛ yɔlɔ ɛtakpu esi ukpɛ ɔkɔ ɛfɔfuĩa kpa, nɛ̀ ibudi gɛ balɔkɔ sikã, sikã fufu, ɔɖa dzadzã, aklagbu nɛ̀ isí abhɛtɛ nɔ—ibudiɛ gɛ lɛtɛlà mɔ̃ nɛ̀ awuhũ, alo lilũ, alo lɛgã.


Lean sinn:

Sanasan


Sanasan