Timoteo 1 3:4 - Nyangbo New Testament

⁴ Kɛlɛ ɔsɛ edzi anɔ gɛeɖi yɛɔpã abha piapii, tɛ̀ eɖi ɛlɛ ɔkɔ asɛ beyi gɛ elu atɔ̃ piapii pɛ bakpɛ kɛtakpu esi akɔɛ alɛ yɛahɔɛ.

Timoteo 1 3:4 Iomraidhean Croise

Banɔkpɛkpɛ Axɔ̃ɛ 10:2

Yɛnɛ̀ yɛɔpãa petee lɔkɔ balɛishu akɔ pɛ Owusoso Akaa kifùsisi zã alɛ mɛ. Azabhɛtɛ ɛyamɛ gbangbã ɔkɔ betsyuitsyuiɛ pɛ azã Owusoso Akaa tikukulu abha kibe nyia be.

Efesoanɛ 5:24

Nɛ kana gɛ ɔhaa akpɛ kɛtakpu esi akɔ Kristo soɔ, kana ɛbe kɛlɛ sɛ tɛ banyɛ edziniɛ tsyɛ akpɛ kɛtakpu esi akɔ balɛ enyine alɛ nɛ kɛka nyia ka mɛ.

Filipianɛ 4:8

Gɔgɔɛ nɔ, mɛadzya alɛ mɔ, kɛnɔnɔ gɛ lɛ ɛlɛ ɔzãkɔ, kɛnɔnɔ gɛ dzã kiwuhũ, kɛnɔnɔ gɛ pɛ̃, kɛnɔnɔ gɛ ɛlɛ shu dalɛ̃, kɛnɔnɔ gɛlɛ sɛ badɛmɛ nɔ, kɛnɔnɔ gɛ kiku anɔ same, onupɛ kibui gbangbã tili, kɛpɛ̃ ɔsɛ bakpɛ ɛlɛ nɛititíɛ, nɔ bhɛtɛ ekpeɖekpeɖe mɛ nɛ alɛ nɛidi shu.

Timoteo 1 3:12

Kɛlɛ sɛ ɔzãkɔ bhlui anɔ eleteɛ edzi anɔ gɛ agbana adzɛ tenikpo, pɛ alà eɖi yɛeyi alɛ nɛ̀ yɛɔpã abha piapii.

Tito 1:6

Kɛma sɛ tɛ kɛpɔ bubu zã osofo shu, edzi anɔ gɛ agbana adzɛ tenikpo, anyɛ gɛ yɛeyi alɛ ayɛkɛ aŋã pɛ betinu banɔ gɛ babhɛtɛ agbagbà ebui pɛ betielũ atɔ̃.

Tito 2:2

Kasɛ banɔ sheshèɛ tɛ belu kitu esi, sɛ tɛ bakpɛ kɛtakpu esi akɔ alɛ, ishu abha ŋaŋã, bazã piapi nɛ tɛyɛyɛkɛŋã mɛ, nɛ tɛdɛdɛmɛ nɔ nɛ̀ kemikpɛkpɛ mɛ.

Tito 2:7

Nɛ kɛka nyia ka mɛɛ, bhɛtɛ ibui ɔkasɛ alɛ ɔganà wɔɛbui gbangbã bhɛbhɛtɛ mɛ. Nɛ wɔ bɔdɔ̃ kakasɛ mɛɛ, kasɛ kana gɛ bazã nɛkpã, nɛ̀ bamɛ gagalĩ.