Timoteo 1 3:3 - Nyangbo New Testament

³ anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Timoteo 1 3:3 Iomraidhean Croise

Banɔkpɛkpɛ Axɔ̃ɛ 20:33

Ɛgɛ dzã kiwuhũ nɛ ananà sikãfufù, alo sikãɛkpã alo bɔdɔ̃ kpɛkpɛ shu.

Romanɛ 16:18

Ɔmɔsɛ banɔ alɛ nɛidiɛ, anɛ bɔlɔ Apalete Kristo anɔkpɛkpɛ benu, balɛ evũ shu axɔ̃ɛ baadɛ. Balɔkɔ ebui dzyɛdzyɛ nɛ̀ banɔ balɛ enye kpɛkpɛ nɛitití, pɛ balɔkɔ awɔɛ banɔ gɛ batɛ abhɛtɛ ekpeɖekpeɖe mɛ nɛ kibuiɛ shuɔ nɔ.

Efesoanɛ 5:18

Nɔtɛwɔɛ bunu obuku, kɛdɔ̃ gɛ gbana anɔ kpɛ same mɔmɔ falanɔ ɛfú mɛ. Pɔ nɔkɔ ɔfɔfuĩa nɔ zã ɔnɔ mɛ.

Tesalonikanɛ 1 5:14

Bɔlɔ adzya alɛ mɔ, bɔkpalà ɔnɔ sɛ tɛ notseɖe nɔ nɛ̀ bagɛ benu banɔ zhɔzhɔrɛ, nɔkpɛ bagɛ kitu bhui balɛ ohuiɛ kemi, nɔplɛnɔ bagɛ ebotsoɔ, tɛ̀ nɔdɔ fɔ̃ɔ ɔkɔ anɔ ka nyia ka.

Timoteo 1 3:8

Nɛidzo ɛlɛ nabha, ɔhamɛ ɛzãkɔ bhlui eleteɛ tsyɛ, kɛlɛ sɛ bedzi banyɛ gɛ badɛmɛ alɛ ibui, banɔ gɛ baɖɔ kibui gbã, batɛ lɔkɔ ishu ɔkpɛ bunu gbagbla tɛwɔɛwɔɛ mɛ, pɛ batɛ kpatɔnɔ bɔdɔ̃ pɛpɛ gana edzo kpa abha.

Timoteo 2 3:2

Baanɔ abadɛmɛ nɔ nɛ̀ balɛishu, banɔ aba adɛmɛ nɔ nɛ̀ ehoeyi, bebetũ ahɔɛ nɛitélũ, bebe feke ishu, babà kwɔalà ɔdɔ̃, babà gagalĩ atɔ̃ mɛ nɛ balɛ elĩ nɛ̀ balɛ akaa alɛ shu, ahɔɛ mahumahu, ishu madalɛ madalɛ,

Tito 1:11

Kɛlɛ sɛ bakɔ bata atɔ̃, ɔmɔsɛ bezĩ bapãmɛ nɛ̀ bɔdɔ̃ kakasɛ gɛma ɔsɛ bakasɛ ɔkɔ kidzo kpa abha ɔdɔ̃ mɔmɔ.

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Tito 3:2

tɛ̀ batɛ gã olugbũ kedzi nɛ ananà shu, bazã ishu yɔyɔ mɛ tɛ beɖi anɔ ashagabui, tɛ bezhini ishu esi ɔkɔ aka nyia aka.

Hebrianɛ 13:5

Tɛdɛdɛmɛ nɔ nɛ̀ ehoeyi pɛpɛ ɔfala nɛifu tɛzã ɔnɔ mɛ, pɔ nɔkɔ kɛgɛ ɛlɛ wɔnɔ ahɔɛ ku wɔnɔ awɔ̃, ɔmɔsɛ Owusoso Akaa aɖɔ asɛ, “Ɛtɛba shɛnɛ ahɔɛ nɛ wɔshu alo tɛ mɛshɛ̃ yɔlɔ wɔ ɖa.”

Yakobo 4:1

Kiɖe gɛ mana ekpli tatá nɛ̀ ebala nɛ wɔnɔɛishi? Pɛnɔsɛ anɛ ebuiɛ gɛ lakpasɛ ɔnɔ mɛ pɛ latɛ eyu nɛ ɔnɔ mɛɛ ledeɛ dza?

Petro 1 5:2

Nɔodzì ibhoshì agbagbana elete ɔkɔ Owusoso Akaa ibhoshiɛ gɛ bakpɛ nɛ wɔnɔ ahɔɛ, asɛ baxɔ̃ɛdɛ gɛeɖi bɔdɔ̃ abha ana, gɛnɛ sɛ kibui gɛ batɔɖɔ akɔ wɔnɔ, pɔ kibui gɛ nɔdɛmɛ ɔsɛ nɔbɔ bhɛtɛ̀ asɛ kana gɛ Owusoso Akaa apɛ asɛ nɔbhɛtɛ ɛlɛ ana, gɛnɛ tɛ̀ nɔpɛ ehoeyi ɔkɔ ishu, pɔ tɛ̀ nɔdɛmɛ ɔsɛ ɔbɔ ɔdɛ kɛxɔ̃ɛ,

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Yuda 1:11

Aba gagalĩ akɔ alɛ! Balɔkɔ Kain idzoɔ, bebu tɛtsɛɖɛ mɛ avɛ̀ tɛ badɛ mɔ ɛdɔ̃ gɛmɔ tɔɖɔ odenɔ Baalam kesi tata mɛ, beyì alɛ nɛ Korax kititì lɔlɔ mɛ.

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.