Koloseanɛ 3:3 - Nyangbo New Testament

³ Ɔmɔsɛ nɔotsí, kɛlɛ otsi alɛ balɔkɔ ɔnɔ ɛkpã ekpũ nɛ Kristoɔ gɛ akpasɛ Owusoso Akaa mɛ.

Koloseanɛ 3:3 Iomraidhean Croise

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Romanɛ 5:21

Asɛ kɛŋã gɛ kibui kpa ŋã bukusi nɛ bekpu mɛɛ, kidzo ɛlɛ nabha tibhui bhuibu tsyɛ baŋã bukusi ɔgana kɛgbangbã mɛ, sɛ tɛ banɔ amɔ ɛkpã tihɔɔ ɔgana Yesu Kristo bɔlɔ Apalete nabha.

Romanɛ 6:11

Kidzo ɛlɛ nabha lũɔ nɔlɔkɔ wɔnɔshu ɔmɔ asɛ banɔ tsitsí ɔkɔ ebui kpa, pɔ nonu anɔ gɛ ɔlɛ nɛ ɛkpã ɔkɔ Owusoso Akaa nɛ Kristo Yesu mɛ.

Romanɛ 6:2

Kɛma ɛlɛ mɛ ana! Gɛ butitsí kɔ kibui kpaa, kiɖeso pɛ bɔbazã kɛlɛ tɛbhɛbhɛtɛ abha vɛnɔ otugbà?

Romanɛ 8:2

ɔmɔsɛ gana Kristo Yesu abha, ɔfɔfuĩa mɛ ɛkpã ɔsha oboele mɛ odenɔ kibui kpa ɔsha nɛ̀ butsí mɛ.

Korintoanɛ 1 15:45

Asɛ gɛ bafɔnɔ elu asɛ, “anyɛ gɛiputɔ gɛedzì adam abazã nɛkpã”, Adam gɔgɔɛ nɔ yɛedzì-ɔfɔfuĩa gɛ lɔkɔ ɛkpã.

Korintoanɛ 1 2:14

Anunɔ gɛ Ɔfɔfuĩa nɔ ma yɛmɛɛ, atɛyɛkɛ ebuiɛ gɛ alɛ ede Owusoso Akaa Ɔfɔfuĩa nɔ mɛ, ɔmɔsɛ lenu kɛwɔaga ibui ɔkɔɛ, kɛlɛ atɛ balà elũ alɛ esi ɔmɔsɛ ɔfɔfuĩa balɔkɔ elũ alɛ esi nɔ.

Korintoanɛ 2 5:14

Ɔmɔsɛ Kristoɔ tɛdɛdɛmɛ nɔ tĩi bɔlɔ, ɔmɔsɛ kɛlɛ mɛ dalɛ kɔ bɔlɔ sɛ anɔ tenikpo etsí kɔ bɔlɔ petee, klisoɔ bɔlɔ petee tsí.

Korintoanɛ 2 5:7

Tɛyɛyɛkɛŋã mɛ bɔlɔkɔ dzi nɛ ɛkpã nɔ, anɛ nɛ kɛdɔ̃ ɖiɖi ulũ.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Filipianɛ 4:7

Kɛlɛ Owusoso Akaa ishu yɔyɔɔ gɛidɛ ebui esi lulũ ka nyia ka ɛdiɛ mɛɛ, aba gbanà ɔnɔ etúɔ nɛ̀ ekpeɖekpeɖeɛ nɛ Kristo Yesu mɛ.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Koloseanɛ 2:20

Gɛ nɔotsí ɔplɛnɔ Kristoɔ nɛ kanɔ alɛ mɛ ɛkpa zazãna shuɔ, kiɖe so pɛ nɔbhɛtɛ asɛ gɛ onupɛ nɔkɔ ɔkpasɛ kanɔ nɔ̀ mɛɛ dza? Nɔkɔɔ ɔkpɛ kɛtakpu esi ɔkɔ ɔsha ɛlɛ gɛ bakpɛ asɛ,

Koloseanɛ 2:3

gɛ yɛ mɛ bekpũ bubutì mɛ ehoeyi ɔdɔ̃ gɛinu bubutì nɛ̀ kibuititìɛ.

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Hebrianɛ 7:25

Kliso Yesu alà ebu bagɛ aba Owusoso Akaa ɔkɔ, ɔgana yɛabha, ɔmɔsɛ alɛ nɛ ɛkpã gɛ ayɛkɛ ebui nɛ alɛ ulũ.

Petro 1 3:4

Pɔ nɔkɔ wɔnɔ bubite yiyìɛ dè kitúɔ mɛ, bubite yiyiɛ gɛ bɔtɛ balà bele gɛide ɔfɔfuĩa nɔ gɛɔtɔ ɖɔaɖɔ mɛ̀ pɛ lɔtɛ ɖɔaɖɔ mɛ, gɛ kɛyɛkɛ kedzì hohoe nɛ Owusoso Akaa namɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Yohanes 1 3:2

Mɛadzya alɛ gɛ ɛdɛmɛ nɔɔ, otsi alɛ bunu Owusoso Akaa yɛeyi alɛ, kɛlɛ bekebu kɛgɛ bɔbà dziɛ kasɛ. Pɔ bunyi sɛ onupɛ ebekoeyìɛ, bɔbà zã asɛ yɛanà, ɔmɔsɛ bɔbà mɔ yɛ asɛ kana gɛ alɛɛ ana.

Kibui Bubú Kasɛ 2:17

Anunɔ gɛ batɔ̃ alɛ yɛ tɛ elũ ibuiɛ gɛ Ɔfɔfuĩa nɔ ɔɖɔ otseɖe bahá. Kɛlɛ anɔ gɛ aŋã abhaa, ɛbakɔɛ manà kpukpũɔ teli. Ɛbakɔɛ kɛklagbu fufuɔ tsyɛ gɛ bafɔnɔ kinye vɔvɔ atɔɖɔ kɛlɛ abha ɔplɛnɔ, kɛlɛ anunɔ gɛ ayɛkɛ kɛklagbuɔ ete yɛebeti kinyeɛ.