Hebrianɛ 8:3 - Nyangbo New Testament

³ Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.

Hebrianɛ 8:3 Iomraidhean Croise

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Romanɛ 5:6

Nɛ kibe gbangbã mɛ gɛ kibui bhɛbhɛtɛ nanà gazã bɔlɔ ahɔɛɛ, Kristo ebetsí nɛ bagɛ betinyi Owusoso Akaa nɛ̀ ɛtakpu.

Romanɛ 5:8

Pɔ Owusoso Akaa ebu kɛdɛmɛ gɛ adɛmɛ nɛ̀ ɔlɔ akasɛ nɛidzo ɛlɛ nabha asɛ, gɛ buwlui zã ɔlɔ ebui kpa bhɛbhɛtɛ abhaa, Kristo etsí nɛ ɔlɔ ɛtakpu.

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Hebrianɛ 2:17

Klisoɔ, kɛlɛ sɛ babhɛtɛi asɛ yɛadzya alɛ nɛidzo ka nyia ka abha, sɛ tɛ edzi banɔlũazazã gbagbla gɛ abalà eɖi ashagabui pɛ ababhɛtɛ ibui gɛlɛ ɛlɛ ɔzãkɔ, nɛ Owusoso Akaa ɛxɔ̃ɛ mɛ, sɛ tɛ alɔkɔ yɛishu akɔ nɛ banunɔ ebui kpa bhɛbhɛtɛ shu.

Hebrianɛ 3:1

Kliso mɛadzya dadalɛanɛ gɛ bekulu edeni ititíɛ, nɔkɔ wɔnɔ ekpeɖekpeɖe mɛ azã Yesuɔ gɛenu anɔkpɛkpɛ nɛ̀ banɔlũazazã gbagbla gɛ yɛinye shu bɔɖɔaɖɔ dalɛɛ shu.

Hebrianɛ 5:1

Bebu banɔlũazazã gbagbla ka nyia ka edenɔ banɔɛishi. Bedzui asɛ tɛ azã ishi akɔ Owusoso Akaa nɛ̀ banɔ, tɛ akɔ ɔdɔ̃ tɛ azapɔɛ ɔdɔ̃ nɛ ebui kpa ɛtakpu.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Hebrianɛ 8:4

Pɔ otɛ ɔsɛ kanɔ nɔ̀ mɛ yɛalɛɛ, etibedzi banɔlũazazã, ɔmɔsɛ banɔ alɛ, gɛ bakɔ ɔdɔ̃ nɛ ɔsha nulũ kukuku.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!