Hebrianɛ 7:11 - Nyangbo New Testament

¹¹ Pɛ otɛ ɔsɛ Lewieyiɛ anɔlũzazã axɔ̃ɛ dɛdɛ anáa pɛpɛpɛɛ (ɔmɔsɛ nɛ balɛ axɔ̃ɛ dɛdɛ ɔkɔ̀ nulũ bakpɛ ɔsha akɔ banunɔ) tsyɛ alo bɔtɔ ɖuwoe lu gɛtazã sɛ tɛ bewlui apɛ banɔlũazazã bhlatɔ gɛ alɛ asɛ Melxizedek ana, sɛ tɛ abazã Aron yɛeyi alɛ nɛinye mɛɛ dza?

Hebrianɛ 7:11 Iomraidhean Croise

Hebrianɛ 8:7

Pɛ otɛ ɔsɛ kibui nanà gizĩ nɛ olugbũ nyanyã gɛ oputɔ ɔlɛ shuɔ, tsyɛ alo bagɛ takpɛ ɔbhlatɔ nanà nɛ ɔlɛ nɛinye mɛ.

Galatianɛ 2:21

Ɛgɛ lɔkɔ mɛ Owusoso Akaa tibhui bhuibuɔ lu ɛwɔ̃a, ɔmɔsɛ onupɛ babàmɔ kibui gbangbã tɛbhɛbhɛtɛ ɔgana ɔshaa mɛɛ, kɛlɛ Kristoɔ etsí bɔwɔ̃a kua!”

Hebrianɛ 7:21

Yesu xɔnɔ ebedzi banɔlũazazã nɛ bɔdɔ̃ tatanà ɔkɔɛ gɛ Owusoso Akaa aɖɔ etseɖe yɛasɛ, “Apaleteɛ atanà ɔdɔ̃ kɛlɛ etibetsyina yɛekpeɖekpeɖeɛ, ‘Wonu banɔlũazazã tihɔɔ.’ ”

Hebrianɛ 7:15

Kɛlɛ kɛgɛ baɖɔ kura nɔ mɛ zɛdalɛ dɛ ɔsɛ, onupɛ banɔlũazazã asɛ Melxizedek ana ebekoeyìɛ,

Hebrianɛ 5:6

Kɛlɛ azaɖɔ nɛ ɔkɔbhlatɔ tsyɛ asɛ, “Odzi banɔlũazazã tihɔ tihɔ, ɔmɔ asɛ Melxizedek ana.”

Galatianɛ 4:9

Pɔ otsiɛ xɔnɔ gɛ nɔonyi Owusoso Akaa, alo gɛ Owusoso Akaa tsyɛ enyi ɔnɔ soɔ, kiɖe so pɛ nozo otsyina ɔvɛ ebuiɛ gɛ ama kɛnanà mɛ pɛ leku ashagabuiɛ shuɔ dza? Nɔkɔ pɛ ɔsɛ tɛ nowlui odzi banɔ dzidzi ɔkɔ alɛ dza?

Hebrianɛ 6:20

nɛ ɛkɛlɛ gɛ Yesu eputɔ editsoku nɛ ɔlɔ inye mɛ. Etsyina edzi banɔlũazazã gbagbla tihɔɔ ɔmɔ asɛ Melxizedek ana.

Hebrianɛ 5:10

Kɛlɛ yɛenu anunɔ gɛ Owusoso Akaa edzu asɛ tɛ edzi banɔlũazazã gbagbla ɔmɔ asɛ Melxizedek ana.

Galatianɛ 4:3

Kidzo ɛlɛ nabha, nɛ kibeɛ gɛ budzi bunuvɔɛ nɔ, budzi banɔ dzidzi gɛ bɔzã ɛfɔfuĩa nɔ ebui tɔtɔɖɔ gɛazã kanɔ nɔ̀ mɛ niesi.

Hebrianɛ 7:10

ɔmɔsɛ kibeɛ gɛ Melxizedekiɛ atsyana Abrahamuɔ, bakamɔ Levi nɛ kibe ɛlɛ. Azã Abraham yɛashɛ mɛ ko.

Hebrianɛ 7:12

Onupɛ banɔlũazazã tɛŋaŋã ibuiɛ tsyinaa, kɛlɛ sɛ tɛ ɔsha tsyɛ tɛ litsyina kokoko.

Hebrianɛ 7:13

Anunɔ gɛ yɛishu baɖɔ ebui alɛ, kigbogbo bhlatɔ mɛ yɛede, kɛlɛ anɔ nanà ekede kigbogbo ɛlɛ mɛ abadɛ ɔdɔ̃ pɔpɔɛ ɛxɔ̃ɛ nɛ osubha ɔlɛ shu eɖi.

Hebrianɛ 9:6

Onupɛ bedzu udɔ̃ nɛ bɔlɛ ɔzãkɔ ebeke ana, kɛlɛ banɔlũazazã etsoku trɛwɔɛagba gɛ alɛ ɔtɔ̃ ɛbeɛ pɛ adɛ axɔ̃ɛ nɛ ɛkɛlɛ.