Hebrianɛ 6:1 - Nyangbo New Testament

¹ Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,

Hebrianɛ 6:1 Iomraidhean Croise

Banɔkpɛkpɛ Axɔ̃ɛ 11:18

Gɛ belũ kibui ɛlɛɛ, ananà egefekè kibui nanà, pɔ bakpɛ Owusoso Akaa nɛinye nɛitití pɛ baɖɔ asɛ, “Kɛlɛ́ otsiɛnɔ, Owusoso Akaa akɔ bagɛ̀ betinu Yudanɛ tsyɛ etumɛ tsyitsyina tɛ bamɔ ɛkpã.”

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Banɔkpɛkpɛ Axɔ̃ɛ 2:38

Petro ebuiliulũ asɛ, “Notsyina etúɔ mɛ, tɛ bakpɛ bulĩ akɔ wɔnɔ ɔmayɛmɛ ka nyia ka nɛ Yesu Kristo yɛinye mɛ̀, tɛ balɔkɔ wɔnɔ ebui kpa etsye wɔnɔ. Kɛlɛ nɔbɔ yɛkɛ Ɔfɔfuĩa Gbangbã ɛdɔ̃ kɔkɔ.

Banɔkpɛkpɛ Axɔ̃ɛ 20:21

Ɛdalɛ kɛlɛ mɛ ɔkɔ Yudanɛ nɛ̀ Helanɛ ɔsɛ tɛ betsyina atɔnɔ Owusoso Akaa nɛ̀ balɛ etúɔ tɛ̀ bayɛkɛ Apalete Yesu abha aŋã.

Banɔkpɛkpɛ Axɔ̃ɛ 26:20

Iputɔ dɛ bagɛ alɛ Damasko ɔkɔ, kɛlɛ ɛbavɛ Yerusalem nɛ̀ Yudea petee, nɛ̀ bagɛ betinu Yudanɛ ɔkɔ tsyɛ, ɛɖɔ kibuiɛ tseɖe balɛ ɔsɛ̀ tɛ betsyina avɛ Owusoso Akaa ɔkɔ, tɛ̀ bakasɛ balɛ tìtsyitsyina ɔganà ebui bhɛbhɛtɛ mɛ.

Banɔkpɛkpɛ Axɔ̃ɛ 3:19

Klisoɔ, notsyina etúɔ mɛ, tɛ notsyina ɔvɛ Owusoso Akaa ɔkɔ ɔsɛ tɛ beplu wɔnɔ ebui kpa, ɔmɔsɛ kibe ɛlɛ ɛkpã vɔvɔ titsyitsyina badɛ Apaleteɛ ɔkɔ ɔba.

Korintoanɛ 1 13:10

pɔ onupɛ ebuiɛ gɛaná ebekoeyìɛ, agɛ agɛna abayalà.

Korintoanɛ 1 2:6

Bɔkaaɖɔ bubuti ebui alɛ nɛ bagɛ batɛ kpɛ iguɔ nɛishi, pɔ gɛnɛ obo kanɔ alɛ mɛ bubuti alo bagɛ baaŋã bukusì nɛ kalɛ mɛ, gɛ beti bedzi kɛdɔ̃ nanà.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Korintoanɛ 2 7:10

Ɔwɔ̃nyɔnɔ mɔmɔ gɛode Owusoso Akaa mɛɛ, lɔmana kitú mɛ tsyitsyina gɛ gbana anɔ ɔkpɛ kɛtɔwui bubu mɛ gɛ kitinu kibui gɛ dɛ mɛulũ, pɔ kanɔ mɛ ɔwɔ̃nyɔnɔ xɔnɔ lɔmana butsí.

Efesoanɛ 2:1

Wɔnɔ xɔnɔɔ, notitsí ɔbɔ fala nɛ wɔnɔ kesi tata nɛ̀ ebui kpa bhɛbhɛtɛ mɛ,

Efesoanɛ 2:5

akɔ bɔmɔ ɛkpã ɔplɛnɔ Kristo nɛ kibeɛ gɛ butsí nɛ bɔlɔ esi tata mɛ, ashagabui ɖiɖi so pɛ bebu ɔlɔ.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Koloseanɛ 3:14

Nɛ ebui piapi alɛ nyɔ̃ɔ edeɛ, nɔlɔkɔ tɛdɛdɛmɛ nɔ gɛ ɛlɛ nyanà ebuiɛ petee ovunɔ nɛ tenikpo bhɛbhɛtɛ gɛ apɛ̃ mɛ.

Koloseanɛ 4:12

Epafrodito gɛenu Kristo Yesu yɛaxɔ̃ɛdɛ pɛ ede wɔnɔ mɛ tsyɛ asɛnɛ wɔnɔ. Alɔkɔ kemi kpɛkpɛ ekulu Owusoso Akaa nɛ wɔnɔ ɛtakpu kibe nyia be, sɛ tɛ nɔzã gagalĩ nɛ Owusoso Akaa tɛpɛpɛ ulũ, asɛ anɔ gɛ nɔoshè pɛ bayɛkɛ ɔnɔ abha aŋã ana.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Timoteo 1 6:19

Nɛidzo ɛlɛ abhaa, bebe shogò ehoeyi ɔdɔ̃ akɔ balɛishu asɛ buvũ esi kpɛkpɛ ɛklagbu gɛ gagalĩ ɔkɔ kibèɛ gɛbaa, sɛ tɛ bamɔ ɛkpã gɛ ɛlɛinu ɛkpã gbangbã.

Timoteo 2 2:19

Pɔ, Owusoso Akaa uvũ esi kpɛkpɛ klagbuɔ xɔnɔ dzi gɛ ɛtɛbà hɔa, pɛ badã ɛlɛ ɔdɔ̃ nɛ̀ kibui fɔfɔnɔ ɛlɛ ɔsɛ, “Apaleteɛ enyi bagɛ enu yɛayɛ, kɛlɛ anɔ ka nyia ka gɛ adalɛ Apaleteɛ nɛinye shuɔ, kɛlɛ sɛ eyidè nɛ kɛtakpu mɛ gagalĩ ebui shu.”

Hebrianɛ 11:6

Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.

Hebrianɛ 12:13

“Nowoese edzoɔ tɛ ladɔ akɔ wɔnɔ ɛtsɛɖɛkpɔ,” sɛ tɛ banɔ gɛ agbã atɛgbã atɔɖɔ, pɔ tɛ bamɔ ishu mɛ gagalĩ.

Hebrianɛ 7:11

Pɛ otɛ ɔsɛ Lewieyiɛ anɔlũzazã axɔ̃ɛ dɛdɛ anáa pɛpɛpɛɛ (ɔmɔsɛ nɛ balɛ axɔ̃ɛ dɛdɛ ɔkɔ̀ nulũ bakpɛ ɔsha akɔ banunɔ) tsyɛ alo bɔtɔ ɖuwoe lu gɛtazã sɛ tɛ bewlui apɛ banɔlũazazã bhlatɔ gɛ alɛ asɛ Melxizedek ana, sɛ tɛ abazã Aron yɛeyi alɛ nɛinye mɛɛ dza?

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Yakobo 1:4

Nɔkɔ wɔnɔ emi kpɛkpɛ azã wɔnɔ ɛkpã mɛ ɔdɛtɔ̃, tɛ nodzi banɔ gɛ eshe, pɛ nɔna nɛ kɛka nyia ka mɛ, gɛ nɔtɛ bɔpɛ ɛdɔ̃ nanà.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Yohanes 1 4:12

Anana akamɔ Owusoso Akaa eɖi, pɔ onupɛ bɔdɛmɛ agɔlɔ ibuiɛ, Owusoso Akaa abazã ɔlɔ mɛ kɛlɛ yɛ tɛdɛdɛmɛ nɔ bana nɛ ɔlɔ mɛ.