Hebrianɛ 4:2 - Nyangbo New Testament

² Kɛɖɔ gɛ baɖɔ Ibui Gbangbã etseɖe olɔɔ, kɛlɛɛ ko baɖɔ etseɖe alɛ tsyɛ, pɔ kibuiɛ gɛ belũɔ gɛ yɛkɛ edzi nanà ɔkɔ alɛ, ɔmɔsɛ bagɛ elũ ɛlɛ agɛ lɔkɔɛ ɛlɛ akpɛ tɛyɛyɛkɛŋã mɛ.

Hebrianɛ 4:2 Iomraidhean Croise

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 3:26

Kliso gɛ Owusoso Akaa efeke yɛ yɛaxɔ̃ɛdɛ, akɔ yɛebhoso aba wɔnɔ ɔkɔ tɛ ebeyulà akɔ wɔnɔ ɔganà wɔnɔ ɔmayɛmɛ aka nyia aka titsyitsyina edenɔ yɛ kɛtakpu mɛ gagalĩ edzo nabha.”

Romanɛ 2:25

Kɛhɔ̃a bhui bhui pɛ popopo onupɛ ɔbhɛtɛ ɛlɛ tibhui bhui ɔsha nabha, pɔ onupɛ ɔta esi nɛ ɔshaa shuɔ, kɛlɛ ɔshɔnɔ anɔ gɛ egibhui kɛhɔ̃a.

Romanɛ 3:3

Kɛlɛ kɛbazã onupɛ balɛ mɛ eteli agɛyɛkɛ aŋã? Balɛ ibui abha mayɛkɛ ŋãa bakɔ ɔsɛ Owusoso Akaa tsyɛ abayɔlɔ ɛbui gɛlɛ ɛlɛ ɔzãkɔɔ tɛbhɛbhɛtɛ dza?

Korintoanɛ 1 13:3

Onupɛ ɛlɔkɔ mɛ bɔdɔ̃ petee gɛlɛ mɛahɔɛ kɔ́ bahɔɛkpà eleteɛ pɛ ɛlɔkɔ mɛishu kɔ bapɔɛ awɔwɔɔ tsyɛ, pɛ tɛdɛdɛmɛ nɔ ɔmá mɛahɔɛ, ɛtɛba mɔ kɛdɔ̃ nanà.

Galatianɛ 3:2

Ɛba pɛ ɔsɛ tɛ mɛ ɛkpasɛ kibui tinikpo odenɔ wɔnɔ ɔkɔ, ɔsha nabha tɛbhɛbhɛtɛ mɛ nɔyɛkɛ Ɔfɔfuĩa nɔ, pɛnɔsɛ tɛyɛyɛkɛŋã nɛ kɛgɛ nɔolũ nabha soɔ dza?

Galatianɛ 3:8

Kibuiɛ gɛ bafɔnɔ eluɔ tɛmɔ putɔ nɔ ɔsɛ Owusoso Akaa ebe bhui bɔtsyɔa akɔ bagɛ etinu Yudanɛ odenɔ balɛ tɛyɛyɛkɛŋã mɛ, kɛlɛ eputɔ akɔ Abraham etì kibui gbangbã ɛlɛ elu ɔsɛ, “Gana wɔabha, bebe yulà akɔ amadiɛ petee.”

Galatianɛ 4:13

Asɛ gɛ nɔonyi ana, bɔnyã bɔlɛkɔ so pɛ iputɔ ɖɔ kibui gbangbã ɛlɛ tseɖe ɔnɔ.

Tesalonikanɛ 1 1:5

ɔmɔsɛ bɔlɔ ibui gbangbã ba wɔnɔ ɔkɔ anɛ nɛ kaɖɔ bhlui ete, pɔ nɛ̀ ohumi, ɔlɔkɔ plɛnɔ Ɔfɔfuĩa Gbangbã nɛ̀ ebuesilulũ gɛ alɛ mɛ edzuɔ. Nonyi kanà gɛ bɔzã wɔnɔɛshi nɛ wɔnɔ ɛtakpu.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Timoteo 1 4:8

Ɔmɔsɛ kedzì yɛyɛkɛ tieli idi akpasɛ ishu dzya bɔdɔ̃ kakasɛ mɛ, pɔ Owusoso Akaa mɛ tɛzazã yɛkɛ kedzi ɔkɔ bɔdɔ̃ petee, kɛgɛ nyanã kibuiɛ gɛ batɔɖɔ elu ɔkɔ obo kanɔ alɛ, nɛ̀ kanɔ nɔ gɛ kababa mɛ ovunɔ.

Hebrianɛ 11:6

Kɛba gagalĩ sɛ tɛ oku Owusoso Akaa awɔ̃, onupɛ tɛyɛyɛkɛŋã ma wɔahɔɛ. Ɔmɔsɛ anɔ nyia anɔ gɛ aba yɛamɛɛ, kɛlɛ sɛ tɛ ayɛkɛ aŋã asɛ Owusoso Akaa alɛ, kɛlɛ abuia ɛbhɛ akɔ bagɛ apɛ yɛ nɛ̀ awuhũ dzadzã.

Hebrianɛ 3:12

Mɛadzya alɛ mɔ, noɖi ɛlɛ ɔkɔ ɔsɛ, ebui kpa bhɛbhɛtɛ nɛ̀ etúɔ gɛ agɛ yɛkɛ aŋã pɛ letsyina nɛ Owusoso Akaa gɛ alɛ nɛ ɛkpã niedeɛ azã ɔnɔ ahɔɛ.

Hebrianɛ 4:6

Kɛlɛ ɛlɛ mɛ ɔsɛ beteli eku omoelekɔ ɔlɛ, gɛ bagɛ eputɔ elũ Kibui Gbangbã agɛlà etsoku nɛ balɛ atɔ̃ gagalĩɛ shu so.

Yakobo 1:21

Kliso nɔshɛnɛ ahɔɛ nɛ atsɔ̃bui idi ka nyia ka bhɛbhɛtɛ, nɛ̀ ɛkpã zizĩ ka nyia ka gɛ likpũ kpasɛ ɔnɔ mɛɛ shu olu, tɛ nozhinɔ ishu esi tɛ nɔyɛkɛ yɛibui gbangbã gɛ baɖa kpɛ wɔnɔ mɛ. Gɛ kɛlɛ balà yɛkɛ ɔnɔ olu nɛ ɛkpãa.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.