Hebrianɛ 4:12 - Nyangbo New Testament

¹² Ɔmɔsɛ Owusoso Akaa ibuiɛ lɛ nɛ ɛkpã, gɛ kɛwɔa axɔ̃ɛ. Kibuiɛ lɔŋã ɔdɛ bɛtɛɛ̀ ilugbũ tɛbha- ka nyia ka. Ashɔ banɔ kɛlɛ ayɛ kɛtɔwui, ɔfɔfuĩa, axɔa ɔtsyɔakɔ nɛ̀ axɔamɛɔbɔ mɛ. Kɛlɛ ekulu ebhu nɛ anɔ ekpeɖekpeɖe nɛ̀ yɛetú mɛ ebui bhɛbhɛtɛ.

Hebrianɛ 4:12 Iomraidhean Croise

Banɔkpɛkpɛ Axɔ̃ɛ 2:37

Gɛ banunɔ elũ kibui ɛlɛ, kibhui balɛ kitúɔ ohui, kɛlɛ betseɖe Petro nɛ̀ banɔkpɛkpɛ gɔgɔɛ nɔ asɛ, “Mɛadzya alɛ mɔ, kiɖe bɔbabhɛtɛ?”

Banɔkpɛkpɛ Axɔ̃ɛ 4:31

Gɛ bekulu Owusoso Akaa ebekeɛ, ɛkɛlɛ gɛ beshogò azã oshukù. Kɛlɛ Ɔfɔfuĩa Gbangbã oyuku balɛ petee mɛ kɛlɛ baɖɔ Owusoso Akaa nɛibuiɛ nɛ bupù hohoe mɛ.

Banɔkpɛkpɛ Axɔ̃ɛ 5:33

Gɛ belũ kibui ɛlɛ, ɔmɔpɔɛ oyí alɛ, kɛlɛ bapɛ asɛ tɛ beyi alɛ.

Banɔkpɛkpɛ Axɔ̃ɛ 7:38

Yɛazã Israel kɛza nɛishi nɛ oxuiɛ, aplɛnɔ axɔ̃ɛdɛ gɛ aɖɔaɖɔ etseɖe yɛ nɛ̀ yɛashuĩ alɛ nɛ Sinai ketukpɔ nabha, kɛlɛ ayɛkɛ ebui gɛ ɛkpã kpasɛ alɛ mɛ abakpɛ ahɔɛ akɔ bɔlɔ.

Romanɛ 1:16

Ɔmɔsɛ Kibui Gbangbã tinu kiwuĩbui ɔkɔ mɛ, ɔmɔsɛ kinu Owusoso Akaa yɛohumi ɔkɔ, anɔ nyia anɔ gɛ ayɛkɛ aŋãa yɛtibubu. Putɔ nɔɔ, ɔkɔ Yudanɛ flogo pɛ bagɛ betinu Yudanɛ.

Korintoanɛ 1 1:24

pɔ bagɛ Owusoso Akaa ekulu xɔnɔ, Yudanɛ nɛ̀ Helanɛ petee, Yesu yɛenu Owusoso Akaa yɛohumi nɛ̀ bubutì.

Korintoanɛ 2 2:17

Asɛ gɛ beteli abhɛtɛɛ, bɔlɔ xɔnɔɔ, bɔtɛwɔa Owusoso Akaa nɛxɔ̃ɛ tɛ̀ bɔlɔkɔ pɛ bɔdɔ̃ nɔ. Nɛ kidzo bhlatɔ abhaa, bɔɖɔ kibui gbã nɛ Kristo mɛ nɛ̀ Owusoso Akaa namɛ, asɛ banɔ gɛ bakpɛ odenɔ Owusoso Akaa ɔkɔ ana.

Korintoanɛ 2 4:2

Pɔ, bɔtɛ badɛmɛ tɔɖɔ ebui kpukpũ nanà tɛɖɔɖɔ nɛ̀ awũi edzo abha, bɔgɛ lɔkɔ tɛwɔɛwɔɛ ebui, alo pɛ butsyina Owusoso Akaa yɛibuiɛ tũ. Pɔ nɛ kidzo ɛlɛ nabha, bɔlɔkɔ kibui gɛlɛ ɛlɛ ɔzãkɔ bɔlɔkɔ ɖɔ kitú mɛ kibui, nɛ Owusoso Akaa namɛ.

Efesoanɛ 5:13

Pɔ kɛka nyia ka gɛ tɛdadalɛ bu kasɛɛ, kidzi kɛdɔ̃ gɛ baamɔ̃,

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Efesoanɛ 6:17

Nɔ lɔkɔ ɔɖaɛkutuɔ gɛ yɛkɛ ɔkɔ anɔ ovunɔ, nɛ̀ ɔfɔfuĩa mɛ bɛtɛ̀ɛ, gɛinu Owusoso Akaa ibuiɛ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Tesalonikanɛ 1 5:23

Owusoso Akaa, yɛahɔɛ ishu yɔyɔ, dalɛ wɔnɔ shu tɛ̀ edzinɔ adalɛ. Tɛ̀ Wɔnɔ ɔfɔfuĩa nɔ petee, kɛtɔwuiɛ nɛ̀ ishudzyaa zã kɛpɔ mabu mabu nɛ Apalete Yesu Kristo tɛbabaa shu.

Hebrianɛ 13:7

Nɔbaka banɔlũazazã gaɖɔ Owusoso Akaa ibuiɛ akɔ ɔnɔɔ. Nolũ awɔ̃ oɖi balɛ ɛkpã tɛzazã mɛ tɛ nɔkpasɛ alɛ tɛyɛyɛkɛŋã.

Hebrianɛ 6:5

pɛ bamɔ ɔdzyɛ nɛ Owusoso Akaa Ibuiɛ mɛ eɖi, nɛ kɛlɛ ihumi nɛibe gɛ bàba flogo,

Yakobo 1:18

Adɛmɛ ayɛkɛ ɔlɔ amɔ aganà yɛibuiɛ gɛlɛ ɛlɛ ɔzãkɔ mɛ, sɛ tɛ budzi asɛ yɛɔdɔ̃ eyuyu gɛiputɔ odenɔ yɛɔdɔ̃ bhɛbhɛtɛ nɛishi.

Petro 1 1:23

Ɔmɔsɛ bedzinì wɔnɔ amɔ, gɛnɛ denɔ busi eyuyuɔ gɛebetsíɛ mɛ, pɔ denɔ busi eyuyuɔ gɛ etibè etsì ɖiɛ mɛ, ganà Owusoso Akaa ibuiɛ gɛ lɛ nɛkpã pɛ kɛlɛ ulu tɛ fala mɛ.

Kibui Bubú Kasɛ 1:16

Awɔ̃ɛ tegegene azã kɛŋã ɔhɔɛ mɛ, kɛlɛ bɛtɛ̀, ilugbũ tɛbha ŋaŋã teli ikoeyì odenɔ yɛolugbũɔ mɛ. Kɛlɛ yɛamɛ ezetse ɔmɔ asɛ kiwi gɛinye nɛ ɛlɛ tɛdadalɛ mɛ ana.

Kibui Bubú Kasɛ 19:15

Bɛtɛ̀ ŋaŋã teli edekoeyì nɛ yɛolugbũɔ mɛ, gɛ abalɔkɔ eté ɛmadiɛ nɔ. “Abaŋã ukusi nɛ alɛ abha nɛ̀ ɔɖaɛshi.” Alɔkɔ Owusoso Akaa ɔmɔpɔɛ kpɛkpɛ, agã alɛ abha asɛ ɛgɛ gɛ bagã waian eyuyu abha nɛ yɛɔkãkɔ ana.

Kibui Bubú Kasɛ 19:21

Bagɔgɔɛ nɔ xɔ̃nɔ beyí alɛ nɛ̀ bɛtɛ̀ɛ gɛ ekoeyì ede anunɔ gɛ azã ɛsɔ nabha olugbũɔ mɛ, kɛlɛ bɔzhɔɛ nɔ petee batsyuĩ alɛ ɔdzya aŋã.

Kibui Bubú Kasɛ 2:16

Kliso notsyina etúɔ mɛ! Onu gɛ nanàa, kɛtɛ badzè, ɛbàba wɔnɔkɔ, kɛlɛ ɛbaté banɔ alɛ nɛ̀ bɛtɛ̀ gɛ ede mɛolugbũɔ mɛ nɔ.

Kibui Bubú Kasɛ 2:23

Ɛbahu yɛeyi alɛ bho bebètsí. Kɛlɛ baha nyɔ̃ɔ bebèti asɛ mɛinu anunɔ gɛ ɛmɔ banɔ etúɔ nɛ̀ alɛ ekpeɖekpeɖe mɛ. Kɛlɛ ɛbabuia ɛbhɛ ɔkɔ ɔnɔ mɛ anɔ nyia anɔ nɛ wɔ tɛbhɛbhɛtɛ ulũ.

Kibui Bubú Kasɛ 20:4

Ɛmɔ bagɛ bakɔ alɛidzo asɛ tɛ bekulu ubhuɔ bazã beekusi ugbu abha. Kɛlɛ ɛmɔ bagɛ alɛ atakpu bebhuiɛ atɔwuiɛ, bagɛ bazaɖɔaɖɔ adalɛ Yesu nɛ̀ Owusoso Akaa yɛibuiɛ shu soɔ. Bagɛ kpɛ ɛtakpu esi akɔ agãhoeɛ alo yɛafafatɛ, kɛlɛ bagɛ yɛkɛ yɛná tsatsà nɛ butúɔ alo ɛhɔɛ tsyɛ. Bazã nɛ̀ ɛkpã, kɛlɛ baŋã ukusi aplɛnɔ Kristo agɔ ohotu zɛzɛ̀.