Hebrianɛ 4:11 - Nyangbo New Testament

¹¹ Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.

Hebrianɛ 4:11 Iomraidhean Croise

Banɔkpɛkpɛ Axɔ̃ɛ 26:19

“Kliso nɔ̀, Ekusi Agripa, ɛgɛ gagalĩ batɔ̃mɛ nɛ kibuiɛ gɛ bebu akasɛ mɛ odenɔ kititíɛ shu.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 5:6

Nɔtɛkɔ ananà awɔɛ ɔnɔ nɛ ebui gɛ lama alɛ mɛ shu, ɔmɔsɛ ebui alɛ nɛidi shu Owusoso Akaa ɔmɔpɔɛ ɔba bagɛ etielũ atɔ̃ nabha.

Filipianɛ 2:12

Mɛɔbhia alɛ mɔ, klisoɔ, asɛ kana gɛ nɔolũ atɔ̃ kibè nyia beɛ, anɛ gɛ ɛlɛ wɔnɔ ɔbha ete, pɔ nɔbhɛtɛ ɛlɛ ɔdɛ ana gɛ onupɛ ɛma ɔnɔ ɔbha tsyɛ, nɔzã ɛlɛ abha ɔzɔwɔa axɔ̃ɛ ɔkɔ wɔnɔ ɛkpã tɛyɛyɛkɛ lu nɛ̀ ɛkpã nɛ kifusisi nɛ̀ tishushukù mɛ,

Koloseanɛ 3:6

Nɛ ebui alɛ shu soɔ, Owusoso Akaa ɔmɔpɔɛ ɔbɔba.

Tito 1:16

Baɖɔ asɛ enyi Owusoso Akaa, pɔ nɛ balɛ ebui bhɛbhɛtɛ mɛ xɔnɔɔ, betinyi yɛ. Banyana anɔ akpɛ ɛyamɛ, betielũ atɔ̃, kɛlɛ bagɛ na ɔkɔ kɛgbangbã nanà bhɛbhɛtɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Hebrianɛ 3:12

Mɛadzya alɛ mɔ, noɖi ɛlɛ ɔkɔ ɔsɛ, ebui kpa bhɛbhɛtɛ nɛ̀ etúɔ gɛ agɛ yɛkɛ aŋã pɛ letsyina nɛ Owusoso Akaa gɛ alɛ nɛ ɛkpã niedeɛ azã ɔnɔ ahɔɛ.

Hebrianɛ 3:18

Kɛlɛ fakɔ anɛ pɔ Owusoso Akaa atanà bɔdɔ̃ akɔ asɛ beti beku yɛomoelekɔ oɖi gɛ kitinu banɔ alɛ gɛ begi zelũ batɔ̃ akɔɛ mɔɔ dza?

Hebrianɛ 4:6

Kɛlɛ ɛlɛ mɛ ɔsɛ beteli eku omoelekɔ ɔlɛ, gɛ bagɛ eputɔ elũ Kibui Gbangbã agɛlà etsoku nɛ balɛ atɔ̃ gagalĩɛ shu so.

Hebrianɛ 6:11

Bɔpɛ sɛ tɛ wɔnɔ mɛ aka nyia aka avɛ emi kpɛkpɛ alɛ nɛidi abha ɔvɛnɔ kibe gɔgɔ̃, sɛ tɛ nɔmɔ kɛgɛ ɛlɛ idzo mɛ noɖiɛ.

Petro 2 2:6

onupɛ ebu Sodom nɛ̀ Gomora ɛma gbagbla ɛpɔ pɛ apɔɛ ɛlɛ lɛidzì bɔtɔ̃ɔ, pɛ abhɛtɛ ana sɛ tɛ̀ banɔ amɔ̃ elu nɛ kɛgɛ babà bagɛ etinyi Owusoso Akaa nabhaa,