Hebrianɛ 3:6 - Nyangbo New Testament

⁶ Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 3:6 Iomraidhean Croise

Romanɛ 11:22

Kliso nɔbaka Owusoso Akaa yɛyamɛ gbangbã bhɛbhɛtɛ nɛ̀ yɛahɔɛ gagalĩ nɛ wɔnɔ abha shu. Agagalĩ ahɔɛ nɛ bagɛ betsodzi nɛ yɛedeɛ shu, kɛlɛ wɔnɔ xɔnɔ aabhɛtɛ ɛyamɛ gbangbã akɔ wɔnɔ onupɛ nogitsodzi nɛ yɛedeɛ. Onu gɛna naa, abashɛnɛ ahɔɛ nɛ wɔnɔ tsyɛ shu atɛ elu.

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Romanɛ 5:2

anɔ gɛ yɛabha bɔgã pɛ bɔmɔ tɛyɛyɛkɛŋã nɛ̀ tibhui bhuibu ulɛ mɛ gɛ bɔlɛ otsiɛ. Kɛlɛ samɛ eku ulɔ gɛ buulu awɔ̃ nɛ Owusoso Akaa yɛishu dadalɛ nabha.

Korintoanɛ 1 3:16

Nɔotinyi ɔsɛ Owusoso Akaavũɔ nɔonu pɛ Owusoso Akaa Ɔfɔfuĩa nɔ kpasɛ wɔnɔ mɛ dza?

Korintoanɛ 1 6:19

Nɔotinyi ɔsɛ wɔnɔ ishupiɛ nu Owusoso Akaavũɔ ɔkɔ Ɔfɔfuĩa Gbangbã, gɛ lɔkpasɛ wɔnɔ mɛ, anunɔ gɛ nɔyɛkɛ odenɔ Owusoso Akaa ɔkɔɔ dza? Nɔma ɔkɔ wɔnɔ ishu,

Korintoanɛ 2 6:16

Kibui nyanyã ɖuwoe gɛ kpasɛ Owusoso Akaavũɔ nɛ̀ ibudi ishi? Bɔlɛinu buvũɔ ɔkɔ Owusoso Akaa enunuɔ. Asɛ kana gɛ Owusoso Akaa aɖɔ asɛ, “Ɛbazã plɛnɔ balɛ kɛlɛ ɛbagã nɛ balɛishi, kɛlɛ ɛbadzi balɛ Owusoso Akaa, kɛlɛ bebèdzi mɛ banunɔ.”

Galatianɛ 6:10

Kliso, gɛ kibè lɛ ɔlɔ ahɔɛ soɔ, nɔkɔ bɔbhɛtɛ kibui gbangbã kɔ anɔ ka nyia ka, asɛ bagɛ ede bayɛyɛkɛŋã eshopo mɛ ana.

Galatianɛ 6:9

Kliso nɔtɛ kɔ bubotsò nɛ kibui gbangbã bhɛbhɛtɛ shu, ɔmɔsɛ kibè lɛ ɛbà gɛ bɔbà pɔ̃ bɔdɔ̃ gɛ onupɛ bɔgɛ shɛnɛ ahɔɛ nɛ kibui gbangbã bhɛbhɛtɛ shuɔ.

Efesoanɛ 3:12

Nɛ yɛ mɛ̀, nɛ̀ ɔgana tɛyɛyɛkɛŋã nɛ yɛabha, bɔba là tso plɛnɔ Owusoso Akaa nɛ̀ ishu ahɔɛmɛ zazã nɛ̀ awɔ̃ lulu mɛ.

Koloseanɛ 1:23

onupɛ nɔzã ɛlɛ abha nɛ ɔnɔ tɛyɛyɛkɛŋã mɛ, pɛ nɔodzi gagalĩ, pɛ nɔgɛ shɛ nɛ wɔnɔ kidzo mɛ ɖiɖiɛ gɛlɛ kibui gbangbã mɛ shu. Kibui gbangbã ɛlɛ gɛ nɔolũɔ baɖɔ etseɖe kɛdɔ̃ bhɛbhɛtɛ ka nyia ka gɛ lɛ kitití niesi, pɛ kɛlɛ shu mɛ Paulo badzi axɔ̃ɛdɛ ɔkɔɔ.

Tesalonikanɛ 1 5:16

Nɔmɔ samɛ kibe nyia be,

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Timoteo 1 3:15

onupɛ ɛbawɔ kideɛ, obotì kana gɛ kɛlɛ sɛ anɔ azã nɛ̀ ɛkpã nɛ Owusoso Akaa bɔpã mɛ, ɔhaa gɛenu Owusoso Akaa enunuɔ ɔyɛ, kɛgɛ inu bubhi asha, nɛ̀ buvũ esi kpɛkpɛ ɛklagbuɔ ɔkɔ kibui gbã.

Hebrianɛ 1:2

pɔ nɛ ewui gɔgɔ̃ɛ alɛ mɛɛ, aaɖɔaɖɔ akɔ ɔlɔ ɔgãna Yɛeyi nabha, anunɔ gɛ alɔkɔ edzu yɛaŋãsi mɛɔdɔ̃ nulũ, kɛlɛ yɛabha yɛagã abhɛtɛ kanɔ nɔ̀ mɛ.

Hebrianɛ 10:19

Kliso mɛadzya alɛ mɔ, gɛ bɔyɛkɛŋã sɛ bɔbatsoku buvũɔ Ɔdadalɛ Ɔkɔ Ɔdɛ mɛ nɛ Yesu dzyosu nɔ mɛ soɔ,

Hebrianɛ 10:21

kliso otsi alɛ gɛ banɔlũazazã hohoe alɛ àlɛ Owusoso Akaa ɔpã nulũɔ,

Hebrianɛ 10:23

Nɔkɔ bɔnyana kɛgɛ kɛlɛ mɛ bɔdalɛ, pɛ buuɖi kɛlɛ idzo mɛɛ vunɔ gagalĩi, ɔmɔsɛ anunɔ gɛ yɛatɔɖɔ kibuiɛ lɛ eluɔ abhɛtɛ ibui abha.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Hebrianɛ 11:1

Tɛyɛyɛkɛŋã nu kɛgɛ olu awɔ̃ nɛ ɛlɛ abha pɛ oɖi kɛdɔ̃ gɛ ɔtɛ ɔmɔ nɛidzo mɛ.

Hebrianɛ 3:14

Bɔbá sɛ tɛ bɔmɔ ɔtɔ plɛnɔ Yesu onupɛ bɔnyana kidzo mɛ ɖiɖi ebuiɛ gɛtɛ zã ɔlɔ ahɔɛ bafala nɔ mɛ vunɔ gagalĩ ɔvɛnɔ ewuiɛ gɔgɔɛ nɔ.

Hebrianɛ 4:11

Kliso nɔkɔ bɔkpɛ emi ka nyia ka idi sɛ tɛ butsoku omoelekɔ ɔlɛ, sɛ tɛ anɔ nanà atɛ gagalĩ atɔ̃ tɛ abadɔ oboe asɛ alɛ ana.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 4:16

Kliso nɔkɔ butso plɛnɔ Owusoso Akaa ekusiegbuɔ gɛ alɔkɔ ebhui ɔlɔ ebu nɔɔ, nɛité kpɛkpɛ mɛ sɛ tɛ onupɛ kiwui gagalĩɛ batɔnɔ ɔlɔɔ, tɛ ebeɖi ɔlɔ ashagabui tɛ ebhui ɔlɔ ebu.

Hebrianɛ 6:11

Bɔpɛ sɛ tɛ wɔnɔ mɛ aka nyia aka avɛ emi kpɛkpɛ alɛ nɛidi abha ɔvɛnɔ kibe gɔgɔ̃, sɛ tɛ nɔmɔ kɛgɛ ɛlɛ idzo mɛ noɖiɛ.

Hebrianɛ 6:18

Owusoso Akaa abhɛtɛ ɛlɛ ana asɛ, nɛ ebui taabha alɛ gɛ atɛ balà etsyina, pɛ Owusoso Akaa ebedzi asɛnɛ eleteɛ, kɛlɛ sɛ ɔlɔ agɛ bú tɛtsɛɖɛ mɛ ba yɛdɔ̃ kɔkɔ gɛ bulu awɔ̃ nɛ ɛlɛ abha ɔkɔɔ, tɛ bɔkpɛ ishu emi.

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Petro 1 1:8

Nɔkɔ mɔ yɛoɖì pɔ, pɔ nɔdɛmɛ yɛibui, kɛlɛ gɛ nɔtɛ ɔmɔ yɛ otsiɛ tsyɛ elo, nɔyɛkɛ yɛabha ɔŋã kɛlɛ nɔtɛ bɔlà ɖɔaɖɔ nɛ same mɔmɔ hohoe alɛ shu.

Petro 1 2:5

wɔnɔ tsyɛ, asɛ aklagbu gɛalɛ nɛkpã ana, balɔkɔ ɔnɔ abhɔ ɔfɔfuĩa mɛ buvũ tɛ̀ budzi bukusi ɔŋãkɔ gɛ dalɛ, gɛ bɔkɔ ɔfɔfuĩa mɛ̀ bɔdɔ̃ pɔpɔɛ gɛ Owusoso Akaa adɛmɛ tɔɖɔ bɔlɛ abha ɔganà Yesu Kristo abha.

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?

Kibui Bubú Kasɛ 2:18

“Fɔnɔ ɔsɛsɛ axɔ̃ɛdɛ nɛ Tiatira. Owusoso Akaa Yɛeyiɛ gɛ yɛawuhũɔ edzi ɔmɔ asɛ kifu ɔɖɛklɛmɛ, pɛ yɛtsɛɖɛ dzi asɛ ɔɖa dzadzã gɛ bewoese ɔlɛishu piapii ana.

Kibui Bubú Kasɛ 2:25

Nɔnyana kɛgɛ lɛ wɔnɔ ahɔɛ mɛ ovunɔ piapii, ɔvɛnɔ mɛ babeɛ.

Kibui Bubú Kasɛ 2:26

Anunɔ gɛ akpɛ emi, pɛ abhɛtɛ nɛ mɛ tɛtɛtɔtɔɖɔ nabha ɔvɛnɔ kibe gɔgɔɛ nɔɔ, ɛbakɔɛ ohumi nɛ ɛmadiɛ nabha.

Kibui Bubú Kasɛ 3:11

Ɛbàba otsiɛ tsĩɔɔ. Nyana kɛgɛ lɛ wɔahɔɛ mɛ ovunɔ, sɛ tɛ anɔ nanà atɛ yɛkɛ wɔekusikutuɔ nɛ wɔahɔɛ.