Hebrianɛ 3:5 - Nyangbo New Testament

⁵ Mose abhɛtɛ ibui gɛlɛ ɛlɛ ɔzãkɔ nɛ Owusoso Akaavũ ka nyia ka mɛ asɛ axɔ̃ɛdɛ, pɛ azaɖɔaɖɔ adalɛ ebui mɛ nɛ agɛ babàɖɔ idegba mɛɛ shu.

Hebrianɛ 3:5 Iomraidhean Croise

Banɔkpɛkpɛ Axɔ̃ɛ 28:23

Batɔɖɔ kiwui asɛ tɛ babamɔ Paulo, kɛlɛ balɛ anɔ nɔ̀ gɛaba ebekpe atɔɖɔ nɛ ɛkɛlɛ gɛ Paulo azãa. Odenɔ kɛvɔlɔ vɛnɔ owlagoɔ, ezebu ebui mɛ pɛ adalɛ Owusoso Akaa bukusi ŋaŋã shu kɔ alɛ, kɛlɛ apɛ asɛ tɛ̀ etsyina balɛ ekpeɖekpeɖeɛ mɛ odenɔ Mose ɔshaa nɛ̀ ebuiɖɔluanɛ buplukpa mɛ avɛnɔ Yesu ɔkɔ.

Banɔkpɛkpɛ Axɔ̃ɛ 7:37

“Mose alɛ yɛetseɖe Israelanɛ asɛ, ‘Owusoso Akaa aba sɛsɛ wɔnɔ ebuiɖɔluanɔ asɛ mɛ ana, odenɔ wɔnɔ ahɔɛ mɛ banunɔ ɔkɔ.’

Romanɛ 3:21

Owusoso Akaa ebu akasɛ ɔlɔ otsi alɛ nɛ kɛlɔkɔ gɛ balɔkɔ anɔ teli asɛ enu anɔ gbangbã, gɛ anɛ ɔsha mɛ kide ba. Ɔsha nɛ̀ Ebuiɖɔluanɛ adalɛ kɛlɛishu.

Korintoanɛ 1 4:2

Kliso bebisì edenɔ bagɛ balɛ ahɔɛ balɔkɔ, ebuiɛ akpɛ asɛ tɛ bamɔ alɛ sɛ babhɛtɛ kibui gɛlɛ kɛlɛ ɔzãkɔ.

Timoteo 1 1:12

Ihu bɔlɔ Apalete Kristo Yesu ahɔɛ, anɔ gɛ yɛakɔ mɛ ohumi, pɛ ayɛkɛ mɛabha aŋã sɛ ɛtɛsɛ asɛnɛ, pɛ ebu mɛ akɔ yɛxɔ̃ɛ wɔawɔa.

Hebrianɛ 1:1

Nɛ kuku ibeɛ, Owusoso Akaa azaɖɔaɖɔ aganà ebuiɖɔluanɛ nabha akɔ ɔlɔ ashuĩ alɛ gelee nɛ edzo edi edi abha,

Hebrianɛ 3:2

Yesu abhɛtɛ ibui gɛlɛ ɛlɛ ɔzãkɔ akɔ anunɔ gɛ akpɛ yɛ ɔmɔ asɛ kɛbhɛtɛ gɛ Mose abhɛtɛ nɛ Owusoso Akaavũ ka nyia ka mɛ ana.

Hebrianɛ 3:4

Buvũ ka nyia kaa, anɔ teli ko yɛedzu ulɛ, pɔɔ Owusoso Akaa yɛenu anunɔ gɛ yɛedzu kɛka nyia ka.

Hebrianɛ 8:5

Badɛ axɔ̃ɛ nɛ trɛwɔɛagba ɔdadalɛ ɔkɔ, gɛ lodzi asɛ kitití ɔyɛ nɛ̀ kɛtɔwui nɛidi ana. Kliso pɛ Owusoso Akaa ebui ɛlɛ mɛ akɔ Mose nɛ trɛwɔɛagbaa tidzudzuɔ shu asɛ, “Ɖi kɛlɛ ɔkɔ ɔsɛ ɔbhɛtɛ kɛka nyia ka kɛna asɛ kɛgɛ bebu akasɛ wɔ nɛ butu nabha.”

Hebrianɛ 9:24

Ɔmɔsɛ Kristo egitsoku trɛwɔɛagba gɛ banɔ bedzu pɛ kenu kagbangbã ɔdɛ ɛtɔwui ɛyɛ mɛ. Kitití boŋ yɛavɛ pɛ alɛ Owusoso Akaa na mɛ nɛ bɔlɔ inye mɛ.

Kibui Bubú Kasɛ 15:3

kɛlɛ bazazhã Owusoso Akaa axɔ̃ɛdɛ Mose nɛ̀ Obhoshieyiɛ ɔdzɛ asɛ, “Wɔebui bhɛbhɛtɛ egbogblo kɛlɛ labhɛtɛ ibi, Apalete Owusoso Akaa Ohumielete wɔebuiɛ alɛ àlɛ ɔzãkɔ kɛlɛ wɔedzoɔ enu ebui gbã, Wonu Ekusi galɛ odenɔ kuku ibe.