Hebrianɛ 2:10 - Nyangbo New Testament

¹⁰ Tɛ agbana beyianyɛ gelee amana ishu dadalɛ mɛɛ, kɛpɛ sɛ Owusoso Akaa gɛ yɛenu anunɔ gɛ yɛabhɛtɛ kɛka nyia ka, pɛ yɛahɔɛ mɛ bɔlɛ, sɛ tɛ abhɛtɛ Kristoɔ gɛ ebu ulɔ piapii nɔ, ɔgana bɔtɔ mɛ.

Hebrianɛ 2:10 Iomraidhean Croise

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Romanɛ 11:36

Owusoso Akaa yɛabhɛtɛ kɛka nyia ka, kɛlɛ yɛahɔɛ mɛ lalɛ, kɛlɛ yɛahɔɛ mɛ lagã. Kɛtakpu esi kpɛkpɛ inu yɛyɛ́ tihɔɔ! Amen.

Romanɛ 9:23

Kɛlɛ kɛbazã onupɛ Owusoso Akaa apɛ asɛ tɛ ebu yɛehoeyiudɔ̃ gɛlɛ yɛishu dadalɛ mɛ akasɛ bagɛ eɖi ashagabui pɛ etiputɔ abalɛ elu akɔ yɛishu dadalɛ,

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Korintoanɛ 1 8:6

pɔ nɛ bɔlɔkɔ xɔnɔ, Owusoso Akaa tenikpo yɛalɛ, Akaa, gɛ denɔ yɛabha kɛka nyia ka de koeyì, pɛ yɛ bɔlɛ nɛ ɛkpã ɔkɔɔ, pɛ kana Apalete tenikpo tsyɛ yɛalɛ gɛenu Yesu Kristo, gɛ gana yɛabha kɛka nyia ka de koeyì pɛ ganà yɛabha bɔlɛ nɛ ɛkpã.

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Korintoanɛ 2 4:17

Ɔmɔsɛ bɔlɔ bɔtɔ lɛ gidzi foele pɛ bɔfalà gulũi nɔ, bakɔ bɔlɔ̀ tɛdadalɛ gɛbazã tihɔɔ gɛ dɛ kɛka nyia ka.

Korintoanɛ 2 5:18

Alɛ petee ede Owusoso Akaa ɔkɔ, anɔ gɛ yɛabhɛtɛ tenikpo nɛ̀ bɔlɔ ɔgana Kristo abha kɛlɛ akɔ bɔlɔ kɛxɔ̃ɛ wɔawɔa, gɛ mana tenikpo bhɛbhɛtɛ,

Korintoanɛ 2 6:18

“Ɛbadzi Akaa ɔkɔ wɔnɔ kɛlɛ nɔ obodzi mɛeyianyɛ nɛ̀ beyiadzɛ alɛ, kana Apaleteɛ gɛenu Ohumi petee eleteɛ aɖɔ.”

Galatianɛ 3:26

Beyì wɔnɔ petee onu ɔkɔ Owusoso Akaa ɔgana tɛyɛyɛkɛŋã gɛ ɛlɛ Kristo Yesu mɛ,

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Efesoanɛ 3:10

Yɛ tɛtɔtɔɖɔ kɛlɛ idzì ɔsɛ otsiɛ nɔ, ɔgana ɔha nabhaa, kɛlɛ sɛ bebu Owusoso Akaa bubutiɛ gɛ bukpè tɔɖɔɔ ɔkasɛ bekusiɛ nɛ̀ ihumi eleteɛ nɛ kititì ɔdɔ̃ mɛ,

Koloseanɛ 3:4

Onupɛ Kristoɔ gɛenu ɔnɔ ɛkpã ebe koeyiɛ, kɛlɛ wɔnɔ tsyɛ obokoeyì ɔplɛnii nɛ ishu dadalɛ mɛ.

Timoteo 2 2:10

Klisoɔ ɛkpɛ kemi ka nyia ka ɛdi ɔkɔ bagɛ bebuɔ, sɛ tɛ balɛ tsyɛ amɔ tibubuɔ gɛ kpasɛ Yesu Kristoɔ mɛ, nɛ tɛdadalɛ tihɔɔ.

Hebrianɛ 12:2

Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 6:20

nɛ ɛkɛlɛ gɛ Yesu eputɔ editsoku nɛ ɔlɔ inye mɛ. Etsyina edzi banɔlũazazã gbagbla tihɔɔ ɔmɔ asɛ Melxizedek ana.

Hebrianɛ 7:26

Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Hebrianɛ 7:28

Nɛ Mose yɛɔsha nulũɔ, banɔdzyrameɛ gɛ betinu ohumieleteɛ bazalɔkɔ ezedzu banɔlũazazã gbagbla, pɔ nɛ Owusoso Akaa yɛɔdɔ̃ gɛ atanà idegbaa shu soɔ, alɔkɔ Yɛeyiɛ gɛ ewoese piapii nɔ edzu yɛedzi banɔlũazazã gbagbla tihɔ, tihɔ.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Petro 1 5:10

Kɛlɛ Owusoso Akaa gɛenu tibhui bhuibu eleteɛ petee nɔ, anɔ gɛ yɛekulu wɔnɔ amana Kristo yɛ sameɛ gɛ etibeleɛ mɛɛ, gɛ onupɛ nɔmɔ bɔtɔ̀ ebekeɛ nɛ kibè gulũi lɛ, yɛabàkɔ nɔzã gagalĩi pɛ nɔ otɛbɔ hɔa.

Kibui Bubú Kasɛ 4:11

“Bɔlɔ Apalete nɛ̀ Owusoso Akaa, wɔ kɛshɔnɔ ɔsɛ, tɛ ɔyɛkɛ tɛdadalɛ, tɛ kpɛkpɛ nɛitití nɛ̀ ohumi ɔmɔsɛ wɔbhɛtɛ kanɔ mɛɔdɔ̃ nyɔ̃ɔ, kɛlɛ gana wɔ tɛpɛpɛ ulũɔ babhɛtɛ kɛka nyia ka kɛlɛ wɔkɔ ɔsɛ bɔlɛ.”

Kibui Bubú Kasɛ 7:9

Nɛ kɛlɛ niedeɛ ɛmɔ banɔɛza kpekpè tili gɛ anɔ nanà atɛ balà akalà nɛ mɛotugbà, bede ɛmadi ka nyia ka, egbogbo, banɔ edi edi nɛ̀ beluhũ ka nyia ka mɛ, pɛ balɔ itití nɛ ekusiegbuɔ nɛ̀ Obhoshieyiɛ otugbà. Bakpɛ akpɛkpɛ dzlolo frɛrɛ, pɛ bevunɔ trɛwɔ̃a nɛ balɛ ahɔɛ mɛ.