Hebrianɛ 13:1 - Nyangbo New Testament

¹ Nɔvɛ ɛlɛ abha tɛ nɔɔdɛmɛ nɔ nɛ bagɔlɔ.

Hebrianɛ 13:1 Iomraidhean Croise

Banɔkpɛkpɛ Axɔ̃ɛ 2:1

Gɛ Pentekoste kiwuiɛ baa, balɛ petee bazã kitsù nɛ ɔkɔ tonikpo.

Banɔkpɛkpɛ Axɔ̃ɛ 4:32

Bayɛyɛkɛŋã pete azã tenikpo nɛ kitú nɛ̀ ekpeɖekpeɖe mɛ. Balɛ ɔmayɛmɛ ananà agɛ lɔkɔ yahɔɛmɛ kɛdɔ̃ asɛ yɛ kɛdɔ̃ kinu, pɔ beebu kɛka nyia ka gɛzã balɛ ahɔɛ mɛ akɔ bagɔlɔ.

Galatianɛ 5:13

Mɛadzya alɛ mɔ, bekulu ɔnɔ asɛ nɔzã ishu ahɔɛ mɛ. Pɔ nɔtɛ lɔkɔ ɔnɔ ishu ahɔɛ mɛ zazãa lɔkɔ ɔgana kibui kpa bhɛbhɛtɛ mɛ, pɔ nɔplɛnɔ agɔlɔ nɛ tɛdɛdɛmɛ nɔ mɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Efesoanɛ 4:3

Nɔgã kidzo ka nyia ka abha tɛ nɔzã tenikpo nɛ Ɔfɔfuĩa nɔ mɛ ɔgana ishu yɔyɔ gɛ nyanà ɔnɔ ovunɔɔ mɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Hebrianɛ 10:24

Nɔkɔ bɔkpɛ ɛtakpu mɛ nɛ kɛnyana gɛ bɔba nyana bagɔlɔ nɛ̀ tɛdɛdɛmɛ nɔ nɛ̀ ebui gbangbã tɛbhɛbhɛtɛ mɛ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Petro 1 2:17

Nɔkpɛ kɛtakpu esi gbangbã ɔkɔ aka nyia aka. Nɔdɛmɛ nɔ nɛ̀ bayɛyɛkɛŋã balɛ kɛdzya bhɛbhɛtɛ, nɔosì Owusoso Akaa nɛifù, tɛ nɔkpɛ ɛtakpu esi ɔkɔ ekusiɛ.

Petro 1 3:8

Gɔgɔɛ nɔ mɔ, wɔnɔ petee, nɔzã tenikpo nɛ̀ bagɔlɔ, nɔobì ɔkɔ bagɔlɔ, nɔdɛmɛ nɛ̀ anɔ asɛ baadzya ana, nɔoɖi ashagabui tɛ nɔozhinì wɔnɔ ishu esi.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Petro 2 1:7

tɛ̀ Akaa mɛ tɛzaã plɛnɔ ɛyamɛ gbangbã bhɛbhɛtɛ ɔkɔ adzya, tɛ̀ ɛyamɛ gbangbã ɔkɔ adzya plɛnɔ tɛdɛdɛmɛ nɔ nɛ̀ anɔ.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Yohanes 1 4:20

Onupɛ anɔ teli aɖɔ asɛ “Ɛdɛmɛ nɔ Owusoso Akaa,” pɛ atɛ adɛmɛ nɔ nɛ̀ yɛadzyaa, asɛnɛ elete yɛenu. Ɔmɔsɛ anɔ ka nyia ka gɛ agɛ dɛmɛ nɔ nɛ̀ yɛadzyaa, anɔ gɛ amɔ nɛ̀ awuhuɔ, atɛ balà adɛmɛ nɔ nɛ̀ Owusoso Akaa gɛ atɛ amɔ nɛ̀ awuhũ.

Kibui Bubú Kasɛ 2:4

Pɔ kɛgɛ mɛmɔ nɛ wɔshuɔ nu ɔsɛ, ɔshɛnɛ ahɔɛ nɛ wɔtɛdɛdɛmɛ nɔ gɛiputɔ shu olu.