Hebrianɛ 12:2 - Nyangbo New Testament

² Nɔkɔ ɔlɔ awuhũ àzã Yesu abha, yɛ gɛ akpɛ ɛlɛ esi pɛ ewoese ɔlɔ tɛyɛyɛkɛŋãa, kɛlɛ gɛ enyi same nɔnɔ́ gɛ alɛ akɔɛ idegba soɔ, akpɛ emi nɛ butsí osiɛ abha zazã bɔtɔ mɛ, kɛlɛ butsí osi abha zazã gɛiku yɛiwũi nanà. Otsi alɛ ezhi azã Owusoso Akaa bukusiegbu nɛŋã mɛ.

Hebrianɛ 12:2 Iomraidhean Croise

Banɔkpɛkpɛ Axɔ̃ɛ 2:36

“Kliso kɔ Israelanɛ beti kɛlɛ piapii asɛ, Owusoso Akaa abhɛtɛ Yesu alɛ̀ gɛ nɔkpalà nɛ butsi osiɛ shu yɛedzi Apalete nɛ̀ Kristo.”

Banɔkpɛkpɛ Axɔ̃ɛ 3:15

Noyi anɔ nɔ gɛ akɔ banɔ ɛkpaã, pɔ Owusoso Akaa efeke yɛ edenɔ bekpu nɛishi. Bɔzã mɔ kibui ɛlɛ.

Banɔkpɛkpɛ Axɔ̃ɛ 5:31

Owusoso Akaa akpii nɛitití pɛ alɔkɔɛ edzu yɛŋã mɛ asɛ Ekusi nɛ̀ anɔ gɛ ebe Bhui banɔ ebù asɛ tɛ akɔ Israelanɛ etsyina etúɔ mɛ, tɛ balɔkɔ balɛ ebui kpa etsye alɛ.

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Korintoanɛ 1 1:18

Butsi osiɛ shu ebuiɛ enu bɔga ebui ɔkɔ bagɛ bayalàa, pɔ bɔlɔ bagɛ baayɛkɛ elu nɛkpã xɔnɔɔ, lɛenu Owusoso Akaa ohumi ɔkɔ bɔlɔ.

Korintoanɛ 1 1:23

pɔ bɔlɔ xɔnɔɔ, Kristoɔ gɛ bakpalà nɛ butsi osiɛ shu nɛibui bɔɖɔ, kibui gɛ kinu kɛdɔ̃ kpakpatà ɔkɔ Yudanɛ pɛ bɔga kibui kinu ɔkɔ bagɛ betinu Yudanɛ xɔnɔ,

Efesoanɛ 2:16

nɛ ishudzya ɛlɛ bedzì tinikpo mɛ, sɛ tɛ abhɛtɛ alɛ taabha tenikpo ɔkɔ Owusoso Akaa ɔgana butsi osi nabha, gɛ ɔlɛ abha yɛetsí pɛ ebu kishi zizĩɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Filipianɛ 1:6

gɛ ilù awɔ̃ nɛ ibui ɛlɛ abha soɔ, inyi sɛ anunɔ gɛ yɛakpɛ kɛxɔ̃ɛ gbangbã tɛwɔawɔa esi nɛ ɔnɔ, abavɛ ɛlɛ abha ɔdɛ tɔ̃ nɛ Kristo Yesu kiwui nabha.

Filipianɛ 3:20

Pɔ bɔlɔ xɔnɔɔ, bɔlɛ epi alɛ itití. Kɛlɛ bulipo agɛ aba yɛkɛ kɔ ɔlɔ edenɔ ɛkɛlɛ gagalĩ, gɛenu Apalete Yesu Kristo,

Timoteo 2 4:8

Otsi alɛ xɔnɔ, balɔkɔ kibui gbangbã tɛbhɛbhɛtɛ kikutuɔ abalɛ elu akɔ mɛ, kɛgɛ Apalete gɛenu kebhu gbangbã kukulu eleteɛ, abalɔkɔ akɔ mɛ nɛ kiwui ɛlɛ nabhaa, kɛlɛ gɛnɛ mɛ ete yɛabakɔ, pɔ abakɔ bagɛ eɖi yɛ tɛbaba idzo mɛ tsyɛ.

Hebrianɛ 1:13

Wɔnɔ baxɔ̃ɛdɛ mɛ eɖuwoe lu Owusoso Akaa atɛɖɔ etseɖe eɖi asɛ, “Zã mɛŋã mɛ ɔvɛnɔ kibeɛ gɛ ɛlɔkɔ bagɛ atɛ adɛmɛ nɛ wɔ bhɛtɛ ɔtsɛɖɛdzudzu egbu ɔkɔ wɔtsɛɖɛ dza?”

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Hebrianɛ 10:14

ɔmɔsɛ gana bɔdɔ̃ pɔpɔɛ tunikpo mɛɛ, abhɛtɛ bagɛ balɛishu badalɛɛ, bamɔ tɛdadalɛ tihɔɔ.

Hebrianɛ 10:33

Nɛ kibeɛ tili mɛɛ, baakwala ɔnɔ nɛ ɔmɛishi pɛ baatɔnɔ ɔnɔ ede. Kibeɛ tili pɔɔ, baalɔkɔ ɔnɔ akpɛ bagɛ balɛ tsyɛ azamɔ bɔtɔ ɔlɛ nɛidiɛ nɛishi.

Hebrianɛ 11:36

Bebu olugbũ mɛ nɛ beteli shu pɛ behusi teli, banyã beteli pɔ nɛ̀ ɛɖahui pɛ bakpɛ alɛ nɛ ɛɖavũ mɛ.

Hebrianɛ 12:3

Noɖi bɔtɔ gɛ anɔ alɛ akpɛ emi amɔ edenɔ banɔ kpa gɛ alɔɛtití nɛishuɔ ahɔɛ mɛɛ, sɛ tɛ anɔ nyia anɔ akpɛ emi tɛ yɛitú titsyina ɔtɔ.

Hebrianɛ 13:13

So nɔkɔ bukoeyi vɛ Yesu yɛɔbha nɛ buvũ niede tɛ bakpɛ ɔlɔ tsyɛ awuĩ nɛidi gɛ bakpɛ yɛ.

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Hebrianɛ 7:19

(ɔmɔsɛ ɔsha gɛbhɛtɛ kɛnanà kɛna), bakɔ ɔlɔ idzo gbangbã bhlatɔ nɛ awɔ̃ lulú mɛ sɛ tɛ bɔlà tsoplɛnɔ Owusoso Akaa.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Yakobo 2:1

Mɛadzya alɛ mɔ, wɔnɔ asɛ banɔ gɛ ɔyɛkɛ ishu dadalɛ anɔ Apalete Yesu Kristo abha ɔŋãa, nɔotɛ oɖi anɔ amɛ.

Petro 1 1:11

gɛ baapɛ asɛ tɛ̀ betì kibeɛ nɛ̀ ebui nɔnɔ gɛ alɛishu Yesu Ɔfɔfuĩa nɔ gɛ ɔkpasɛ alɛ mɛ ɔzɔ ɖɔaɖɔ, aɖɔ Yesu bɔtɔ mɔmɔ akpɛ otugbà elu, nɛ̀ tɛdadalɛ gɛ babà nɛ̀ kɛlɛ idegbaa.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Yuda 1:21

Nɔlɔkɔ wɔnɔ ishu ɔzã Owusoso Akaa tɛdɛdɛmɛ nɔ mɛ̀ kibeɛ gɛ nopo Apalete Yesu Kristo yɛashagabui ɖiɖiɛ, tɛ̀ amanà wɔnɔ nɛ ɛkpã tihɔɔ nɔ mɛ.

Kibui Bubú Kasɛ 1:11

kaɖɔ asɛ, “Fɔnɔ kɛgɛ ɔmɔ ɔtɔɖɔ eplukpa abha ɔsɛsɛ baha tegegeneɛ gɛ alɛ Efeso, Smina, Pergamo, Tiatira, Sardis, Filadelfia nɛ̀ Ladokia.”

Kibui Bubú Kasɛ 1:17

Gɛ ɛmɔ yɛ, izhi kumu nɛ yɛotugbà ɔmɔ asɛ anɔtsitsí ana. Pɔ alɔkɔ yɛŋã ahɔɛ atɔɖɔ mɛabha pɛ etseɖe mɛasɛ, “Tɛ osí ifu. Mɛinu agɛ Eputɔ nɛ̀ Agɔgɔɛ nɔ.

Kibui Bubú Kasɛ 1:8

Apalete Owusoso Akaa aɖɔ asɛ, “Mɛinu agɛ Eputɔ nɛ̀ Agɔgɔɛ nɔ tsyɛ, gɛ ɛlɛ otsiɛ, pɛ ɛtɛzã ɖi, pɛ ɛzɛbàbaa, mɛinu Ohumieleteɛ.”

Kibui Bubú Kasɛ 2:8

“Fɔnɔ ebui alɛ ɔsɛsɛ axɔ̃ɛdɛ nɛ Smirna ɔha mɛ. Anɔ nɔ̀ gɛenu anɔ gɛ Eputɔ nɛ̀ Agɔgɔɛ nɔ, gɛ etsí pɛ azamɔ ɛkpãa, nɛibui nɛlɛ.