Hebrianɛ 12:1 - Nyangbo New Testament

¹ Gɛ bagazã pɛ amɔ ebuiɛ alɛ asɛ ɔmɔlɔ̃ dodo toli gɛ ɔkpɛ ɔkã kana ɔlɔ soɔ, nɔkɔ bubú kɛka nyia ka, nɛ̀ ebui kpa gɛ làkɔ bɔdɔ̃ oboeɛ lu, tɛ bubú tɛtsɛɖɛ mɛ bubuɔ gɛlɛ ɔlɔ otugbàa nɛ̀ emi.

Hebrianɛ 12:1 Iomraidhean Croise

Romanɛ 12:12

Awɔ̃ lulu azã wɔnɔ same mɔmɔ mɛ, tɛdɔdɔ fɔ̃ɔ nɛ banɔ luhũ ikpɛ ibe, nɔlɔkɔ tɛyɛyɛkɛŋã okulu Akaa nɔ.

Romanɛ 2:7

Bagɛ gana balɛ emi kpɛkpɛ mɛ pɛ baabhɛtɛ ebui gbangbã, pɛ bazapɛɛ inye gbangbã nɛ̀ bobo akɔ Owusoso Akaa, pɛ bazapɛ asɛ tɛ bazã nɛ̀ ɛkpã ɖaa nɔ, abakɔ alɛ ɛkpã tihɔɔ.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Galatianɛ 2:2

Ɛdɛ ɛkɛlɛ nɛ kibui bubu kasɛ tili shu, kɛlɛ ɛɖɔ kibui gbangbã gɛitseɖe bagɛ etinu Yudanɛ tsyɛ tseɖe alɛ. Pɔ ɛbhɛtɛ ɛlɛ̀ ete ɔkɔ bagɛ alɛ otugbà ɔkɔ banunɔ, nɛ kifu sisí mɛ ɔsɛ ɛzɛdɛ kɛxɔ̃ɛ alo ɛkaadɛ ɛxɔ̃ɛ kpɛ ɛlɛɛ mɛ.

Galatianɛ 5:7

Nɔzɔ̀ dɛ kɛxɔ̃ɛ gbangbã. Pɔ afana gɛ akpɛ ɛlɛ nɛ wɔnɔ mɛ ɔsɛ tɛ nɔ otolũ atɔ̃ ɔkɔ kibuiɛ gɛlɛ ɛlɛ ɔzãkɔ dza?

Efesoanɛ 4:25

Klisoɔ wɔnɔ mɛ aka nyia aka ashɛnɛ ahɔɛ nɛ asɛnɛ sɛsɛ shu, tɛ aɖɔ kibuiɛ gɛlɛ ɛlɛ ɔzãkɔ otseɖe yɛɔhagbo, ɔmɔsɛ bɔlɔ petee kpasɛ ishudzya tunikpo mɛ.

Filipianɛ 1:30

gɛ nɔɔgã bɔtɔ ɛlɛ nɛidi mɛ gɛ nɔmɔ ɔsɛ ɛzɛgãa, ɛka tsiɖi bɔtɔ ɔlɛ nɛidi abha.

Filipianɛ 2:16

nɛ kana gɛ nɔnyanà ɛkpã mɛ ibuiɛ ovunɔɔ shu, sɛ tɛ ɛlà tũ ahɔɛ nɛitélũ nɛ Kristo kiwui nabha, sɛ ɛgɛ wɔa ɛxɔ̃ɛ alo ɛtɔ bɔwɔãa.

Timoteo 2 2:4

Anɔ nanà atɛwɔa axɔ̃ɛ asɛ keyuadɛ ana, pɛ aza lɔkɔ yɛishu akpɛ kɛxɔ̃ɛ bhlatɔ wɔawɔa mɛ, onupɛ apɛ asɛ tɛ eku yɛanɔ gbagbla nawɔ̃.

Timoteo 2 4:7

Ɛta keyu gbangbã, ibu tɛtsɛɖɛ mɛ beke, ɛnyana mɛ tɛyɛyɛkɛŋã mɛ vunɔ.

Hebrianɛ 6:15

So gɛ Abraham adɔ fɔ̃ pɛ epoɔ, abayɛkɛ kɛgɛ batɔɖɔ eluɔ.

Yakobo 1:3

ɔmɔsɛ nonyi ɔsɛ gana ɔnɔ tifefekeɖi mɛɛ, wɔnɔ tɛyɛyɛkɛŋã zɛiwlui mɔ emi kpɛkpɛ ɔtɔɖɔ.

Petro 1 2:1

Klisoɔ nɔobu ishu oyinɔ odenɔ banɔ shu zizĩ nɛ̀ banɔ wɔɛwɔɛ mɛ, asɛnɛ sɛsɛ, kawɔ̃kpɛ nɛ̀ banɔ ishutibui tɛɖɔɖɔ ka nyia ka ɛdi mɛ.

Petro 1 4:2

Nɛ kibui ɛlɛ shu soɔ, agazã yɛ ɛkpã gɔgɔɛnɔ nɛ esiakpa abha nɛ anɔdzyrame yɛebui kpa tɛpɛpɛɛ ulũ, pɔ azã nɛkpã akɔ kɛgɛ Owusoso Akaa apɛ nɔ.

Petro 1 5:1

Mɛ asɛ ɔhamɛ sheshè ana, ɛɛkɔ wɔnɔ ɔhamɛ esheshèɛ gɛ alɛ wɔnɔ ɛshiɛ ɛtakpu, asɛ anɔ gɛazã amɔ Kristo yɛɔtɔ nɛ̀ anɔ tsyɛ gɛ aba mɔ ishu dadalɛ gɛ bebebu akasɛ.

Petro 1 5:12

Denɔ Sila anɔ gɛ ɛlɔkɔ yɛasɛ anɔ gɛ ɛyɛkɛŋã, denɔ yɛ tɛpɛplɛnɔ mɛ ɛfɔnɔ keplukpa alɛ gulũi kɔ wɔnɔ pɛ̀ ɛkpɛ wɔnɔ kemi tɛ̀ ɛɖɔ kaɖɔ dalɛ kɛlɛ mɛ sɛ, kɛlɛ kɛlɛinu Owusoso Akaa tibhui bhuibu gɛlɛ ɛlɛ ɔzãkɔ. Nɔzã gagalĩ nɛ kɛlɛ mɛ̀.

Petro 2 1:6

kɛlɛ tɛ̀ kibuititiɛ plɛnɔ ishu abha ŋaŋã, ishu abha ŋaŋã, kemi kpɛkpɛ, tɛ̀ kemi kpɛkpɛ aplɛnɔ Akaa mɛ tɛzazã,

Kibui Bubú Kasɛ 1:9

Mɛ, wɔnɔ adzya Yohanɛs, gɛ bɔzã itsu nɛ bɔtɔ mɛ pɛ bɔkpɛ emi, dɔ fɔ̃ɔ ɔkɔ bukusiɛ gɛinu ɔlɔ ɔyɛ ɔgana Yesu mɛ, ɛzã Patmo bulĩetukpɔ nabha, nɛ Owusoso Akaa ibuiɛ gɛ ɛɖɔ dalɛ Yesu shu so.

Kibui Bubú Kasɛ 13:10

Onupɛ kɛlɛ sɛ tɛ anɔ teli azã anɔ esiɛ, anɔ esi yɛbavɛ adɛzã. Onupɛ kɛlɛ sɛ bɛtɛ̀ balɔkɔ tɛ beyí anɔ teli nɔɔ, bɛtɛ̀ babàlɔkɔ eyí nɔ. Baɖɔ kɛlɛ ana, sɛ tɛ bagɛ badalɛ balɛishuɔ tɛ baadɔ fɔ̃ɔ nɛ̀ kemi kpɛkpɛ nɛ̀ tɛyɛyɛkɛŋã mɛ.

Kibui Bubú Kasɛ 22:16

Mɛinu Yesuɔ, gɛ ɛkpɛ mɛaxɔ̃ɛdɛ sɛ tɛ adalɛ ebui alɛ shu akɔ wɔ tɛ odi tseɖe bahameɛ. Mɛinu David yɛogu nɛ̀ Yɛeshui nɔ, nɛ̀ Kɛvɔlɔ Ɛwɔ̃ɛ gɛ kɔ tɛdadalɛɛ.”

Kibui Bubú Kasɛ 3:10

Gɛ ɔkpɛ emi olu itú esi pɛ ɔbhɛtɛ mɛɔsha nabha soɔ, mɛ tsyɛ ɛbabu wɔ odenɔ tifefekeɖi ibe gagalĩɛ gɛbàba kanɔ nɔ̀ mɛ pete abhaa mɛ, sɛ tɛ befeke bagɛ alɛ kanɔ nɔ̀ mɛɛ eɖiɛ.