Hebrianɛ 11:8 - Nyangbo New Testament

⁸ Tɛyɛyɛkɛŋã kɔ ɔsɛ gɛ betseɖe Abraham asɛ ashɛ avɛ esiakpa bhlatɔ abha tɛ kebe dzi yɛayɛ idegbaa, elũ atɔ̃, kɛlɛ avɛ, gɛ etinyi ɛkɛlɛ gɛ avɛ kura tsyɛ flogo.

Hebrianɛ 11:8 Iomraidhean Croise

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Romanɛ 10:16

Pɔ anɛ Israelanɛ petee balɛ ayɛkɛ ibui gbangbã nabha aŋã, ɔmɔsɛ Yesaya afɔnɔ elu asɛ, “Apalete, afana gɛ ayɛkɛ kibuiɛ gɛ bɔɖɔɔ tseɖe alɛ nabha aŋã?”

Romanɛ 6:17

Pɔ nohu Owusoso Akaa yɛahɔɛ ɔsɛ, wɔnɔ gɛ nodzi banɔ dzidzi ɔkɔ ebui kpa flogo nɔɔ, nɔbɔlɔkɔ wɔnɔ etúɔ nyɔ̃ɔ nɛ̀ batɔ̃ lulũ ɔyɛkɛ bɔdɔ̃ kakasɛ ɛlɛ, gɛ balɔkɔ akpɛ ahɔɛ akɔ wɔnɔ.

Korintoanɛ 2 10:5

Butũ ɔtsɛɖɛ kpɛ kawlɔ̃akɛ nɛ̀ asɛnɛ ebuiɛ gɛ alɔɛtití nɛ Owusoso Akaa yɛubutiɛ shuɔ mɛ. Kɛlɛ bɔŋã ekpeɖekpeɖe nɔnɔ gɛ atɛakɔ pɛ bɔbàlũ atɔ̃ ɔkɔ Kristoɔ nabha.

Hebrianɛ 11:33

kɛlɛ denɔ balɛ tɛyɛyɛkɛŋã mɛɛ, beté ɛmadi, bekulu bubhu, kɛlɛ bayɛkɛ kɛgɛ batɔɖɔ elu akɔ alɛ, kɛlɛ teli xɔnɔ badzyata ilugbũ bazanyana amɔnɔ̃,

Hebrianɛ 5:9

gɛ badalɛ yɛishu piapi soɔ, ebedzi anunɔ abha gɛ bagɛ elũ atɔ̃ abagã pɛ babàmɔ tibubú tihɔɔ.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Petro 1 3:1

Banyɛedzini mɔ, nɛ kidzo ɛlɛ nabha, nɔozhinì wɔnɔ ishu esi ɔkɔ wɔnɔ enyine alɛ sɛ tɛ̀, onupɛ balɛ ɔmaɛyɛmɛ teli agɛ yɛkɛ kibui nabha ŋãa tsyɛ elo, tɛ bè tsyina ɔganà wɔnɔ ɛkpã zazãna mɛ,

Petro 1 4:17

Ɔmɔsɛ kibeɛ na ɔkɔ kebhu kukulu, kɛlɛ kɛbà kpɛ esi edenɔ Owusoso Akaa bɔpã mɛ, kɛlɛ onupɛ kakpɛ esi nɛ̀ bɔlɔɔ pɔ, kɛlɛ kɛbà zã ɔkɔ bagɛ agɛ abhɛtɛ tɔɖɔ Owusoso Akaa yɛibui gbangbã nabhaa dza?