Hebrianɛ 10:5 - Nyangbo New Testament

⁵ Kliso gɛ Kristo aba kanɔ nɔ̀ mɛɛ, aɖɔ asɛ, “Anɛ bɔdɔ̃ pɔpɔɛ nɛ̀ bɔdɔ̃ kɔkɔ wɔpɛ, pɔ ishu gɛ owoese ɔkɔ mɛ,

Hebrianɛ 10:5 Iomraidhean Croise

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Hebrianɛ 1:6

Gɛ Owusoso Akaa amana yɛeyi kusiɛ nɛ kanɔ nɔ̀ mɛɛ, aɖɔ asɛ, “Owusoso Akaa yɛaxɔ̃ɛdɛ petee nɔkpɛ ɛtakpu esi ɔkɔɛ.”

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 10:7

Kɛlɛ mɛɖɔ ɔsɛ, ‘Mɛ nɛ alɛ, bafɔnɔ nɛ keplukpa mɛ nɛ mɛishu asɛ, O, Owusoso Akaa, ɛba sɛ tɛ mɛbhɛtɛ nɛ wɔ tɛtɔtɔɖɔ abha.’ ”

Hebrianɛ 10:8

Aɖɔ eputɔ asɛ, “Ɔkɔ̀ bɔdɔ̃, nɛ̀ bɔdɔ̃ kɔkɔ, bɔdɔ̃ pɔpɔɛ kɔkɔ nɛ̀ ɔdɔ̃ kɔkɔ nɛ ebui kpa ɛtakpu tiku wɔ same, pɛ kɛba dzi sɛ ɔmɔ same nɛ bɔlɛishu” (nɛ ɔsha tɛpɛpɛ ulũ pɔɔ, kɛlɛ sɛ tɛ babhɛtɛ ana flogo).

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Yohanes 2 1:7

Asɛnɛ elete gelee, gɛ bagɛ mɔ̃ Yesu Kristo sɛ̀ aba nɛ ishudzya mɛ, betsoku kanɔ nɔ̀ mɛ. Anɔ alɛ nɛidì enu anɔ gɛ awɔɛ anɔ nɛ̀ asɛnɛ kristoelete.