Hebrianɛ 10:12 - Nyangbo New Testament

¹² Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Hebrianɛ 10:12 Iomraidhean Croise

Romanɛ 8:34

Afana gɛ yɛebu kɛpɔ? Kristo Yesu, anunɔ gɛ yɛetsíɛ, kɛgɛ plɛnɔ ɔdɛɛ yɛenu anunɔ gɛ befeke edenɔ bekpu mɛ pɛ alɛ nɛ ɛkpã, adɛzã Owusoso Akaa nɛ̀ ɛŋã mɛ, kɛlɛ akɔ yɛtakpu tsyɛ nɛ bɔlɔ lũ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Koloseanɛ 3:1

Gɛ befeke ɔnɔ nɛ̀ Kristo soɔ, nɔlɔkɔ ɔnɔ etúɔ ɔtɔɖɔ kititì ɔdɔ̃ nabha, nɛ ɛkɛlɛ gɛ Kristo azã esi nɛ Owusoso Akaa nɛŋã mɛɛ.

Hebrianɛ 1:3

Eyianyɛ alɛ yɛebu Owusoso Akaa yɛishu dadalɛ akasɛ, nɛ kɛlɛ gɛ alɛ nulũ, gɛ abhɛtɛ ebuiɛ pete aganà yɛohumi ebui ɖɔɖɔ nabha. Gɛ alɔkɔ yɛishu akɔ nɛ ɔlɔ ebui kpa bhɛbhɛtɛ ɛtakpu shu ebekeɛ, avɛ adɛzã esi nɛ Ohumielete nɛ ɛŋã mɛ nɛititíɛ.

Hebrianɛ 10:10

Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 10:14

ɔmɔsɛ gana bɔdɔ̃ pɔpɔɛ tunikpo mɛɛ, abhɛtɛ bagɛ balɛishu badalɛɛ, bamɔ tɛdadalɛ tihɔɔ.

Hebrianɛ 5:1

Bebu banɔlũazazã gbagbla ka nyia ka edenɔ banɔɛishi. Bedzui asɛ tɛ azã ishi akɔ Owusoso Akaa nɛ̀ banɔ, tɛ akɔ ɔdɔ̃ tɛ azapɔɛ ɔdɔ̃ nɛ ebui kpa ɛtakpu.

Hebrianɛ 5:3

Kɛlɛso eputɔ apɔɛ ɔdɔ̃ nɛ yɛebui kpa nɛ takpu, flogo pɛ apɔɛ nɛ banɔ bhlatɔ tsyɛ ɛtakpu.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Hebrianɛ 8:1

Kibui nɛiwuhũ gɛ bɔɖɔ nu ɔsɛ, Banɔlũazazã Gbagbla alɛ nɛidi alɛ bɔlɔ ahɔɛ, gɛ azã Ohumielete egbu nɛŋã mɛ nɛititíɛ,

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!