Hebrianɛ 10:10 - Nyangbo New Testament

¹⁰ Kɛlɛ gana kibui tɔtɔɖɔ ɛlɛ mɛɛ, Owusoso Akaa abhɛtɛ ɔlɔ budzi banɔ dadalɛ ɔgana Yesu Kristo yɛishu tɛlɔlɔkɔ ɔkɔ nɛ ebeɛ pete ulũ.

Hebrianɛ 10:10 Iomraidhean Croise

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 1 6:11

Ebui alɛ wɔnɔ mɛ banɔ teli aza abhɛtɛ. Pɔ beplu wɔnɔ ishu, badalɛ wɔnɔ shu, kɛlɛ bebhui bɔtyɔa akɔ wɔnɔ nɛ Apalete Yesu Kristoɔ nɛ Owusoso Akaa Ɔfɔfuĩa nɛinyeɛ mɛ.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Efesoanɛ 5:26

sɛ tɛ abhɛtɛ tɛ ɔlɛ ishuɔ dalɛ nɛ tipuplu nɛ̀ ɔlɛ tiwuwulu nɔ nɛ̀ bulĩ ɔganà kibuiɛ mɛ,

Hebrianɛ 10:12

Pɔ gɛ Kristo abalɔkɔ yɛishu akɔ, bɔkɔ tunikpo, nɛ ebui kpa nɛ takpu, nɛ ebeɛ pete ulũɔ, adɛzã esi nɛ Owusoso Akaa nɛ ŋã mɛ.

Hebrianɛ 10:14

ɔmɔsɛ gana bɔdɔ̃ pɔpɔɛ tunikpo mɛɛ, abhɛtɛ bagɛ balɛishu badalɛɛ, bamɔ tɛdadalɛ tihɔɔ.

Hebrianɛ 10:20

gɛ ɛkpã nɛ̀ idzo vɔvɔ ɛlɛ dalɛ kɔ ɔlɔ ɔgana kɛpɔtɛ gɛinu yɛishupiɛ mɛɛ,

Hebrianɛ 10:29

Kɛlɛɛ batɔ̃ pɔpɔ̃ gagalĩ ɖuwoe lu gɛ bɔyɛkɛŋã sɛ babàkɔ anunɔ gɛ akpata Owusoso Akaa Yɛeyiɛ, pɛ agɛ lɔkɔɛ nanà nɛ dzyosu olugbũ nyanyã gɛ alɔkɔ adalɛ yɛishu nɔ mɛ, pɛ ebu olugbũ mɛ nɛ Ɔfɔfuĩa nɔ gɛ lobhui banɔ obuɔ shu oɖiɛ mɔɔ dza?

Hebrianɛ 10:5

Kliso gɛ Kristo aba kanɔ nɔ̀ mɛɛ, aɖɔ asɛ, “Anɛ bɔdɔ̃ pɔpɔɛ nɛ̀ bɔdɔ̃ kɔkɔ wɔpɛ, pɔ ishu gɛ owoese ɔkɔ mɛ,

Hebrianɛ 13:12

Nɛidzo ɛlɛ nabhaa, Yesu tsyɛ amɔ̃ bɔtɔ nɛ ɔma ɔlɛ kakãdeɛ ɔsɛ tɛ alɔkɔ yɛdzyosu nɔ adalɛ banɔ shu nɔ.

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Hebrianɛ 2:14

Gɛ ishupi nɛ̀ dzyosu alɛ beyi alɛ mɛɛ, Yesu tsyɛ ezhinɔ ishu esi asɛ balɛ ana, sɛ tɛ gana yɛutsíɛ mɛɛ, tɛ etũ ɔtsɛɖɛ ayɛ Satana gɛ yɛahɔɛ mɛ butsí ohumi nɔ ɔlɛɛ, gɛ yɛenu anɔ zizĩɛ

Hebrianɛ 5:7

Nɛ kibeɛ gɛ Yesu azã kanɔ nɔ̀ mɛɛ, ekulu Owusoso Akaa pɛ akɔ yɛtakpu ɔgana ozĩ kpɛkpɛ ɔplɛnɔ ɛwɔ̃mɛ bibi mɛ ɔkɔ anunɔ gɛ abalà yɛebu edenɔ butsí mɛɛ. Elũ yɛtikukuluɔ, nɛ yɛishu esi zhizhinɔ gbangbã mɛ so.

Hebrianɛ 7:27

Yesu xɔnɔ atɛ abhɛtɛ asɛ banɔlũazazã gbagbla alɛ gɛ kɛlɛ sɛ beputɔ alɔkɔ balɛishu udɔ̃ pɔpɔɛ nɔ akɔ kiwui nyiɛ wui nɛ balɛ ebui kpa ɛtakpu flogo tɛ bakɔ nɛ banɔ bhlatɔ nɛtakpu. Nɛ kibe tinikpo mɛɛ, alɔkɔ yɛishu akɔ asɛ ɔdɔ̃ pɔpɔɛ ana nɛ alɛ ebui kpa nɛtakpu.

Hebrianɛ 9:12

Kristo agɛ lɔkɔ bepidzya nɛ̀ banɛtsyɔɛeyi dzyosu evunɔ flogo pɛ etsoku Ɔdadalɛ, Ɔkɔ Ɔdɛ ɔlɛ mɛ. Itsoku tunikpo nɛ ebeɛ pete ulũ yɛadɛ nɛ̀ yɛahɔɛ dzyosu, sɛ tɛ amɔ ɛkpã tihɔɔ akɔ ɔlɔ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Hebrianɛ 9:28

kliso Kristo alɔkɔ yɛishu akɔ nɛ kibe tinikpo mɛ, sɛ tɛ ebu banɔ gelee ebui kpa atɛ, kɛlɛ azababa bɔbhalà, anɛ ɔlɔ ebui kpa tɛyɛyɛkɛ so pɛ azababa, pɔ ababá sɛ tɛ ebu bagɛ belu awɔ̃ nɛ yɛtɛbabá nabhaa.

Petro 1 2:24

Yɛalɔkɔ bɔlɔ ebui kpa akpɛ yɛishuɔ mɛ̀ nɛ busiɛ shu, sɛ tɛ butsì ɔkɔ kibui kpa bhɛbhɛtɛ tɛ̀ bɔzã nɛkpã ɔkɔ kibui gbangbã tɛbhɛbhɛtɛ, ganà yɛapɔ̃ mɛ bebu banyã akɔ wɔnɔ.

Petro 1 3:18

Ɔmɔsɛ Kristo etsí butsì tunikpo akɔ ɔlɔ ebui kpa, anɔ gbangbã ebetsí akɔ ebui kpa bhɛbhɛtɛ eleteɛ sɛ tɛ̀ agbanà wɔnɔ amana Owusoso Akaa ɔkɔ. Beyíi nɛ ishudzya mɛ, pɔ ɔfɔfuĩa nɔ ɔkɔ yɛazã nɛ ɛkpã,

Yohanes 1 5:6

Anɔ alɛ yɛagã bulĩ nɛ̀ dzyosu mɛ aba, yɛenu Yesu Kristoɔ. Agɛ gã bulĩ ete mɛ̀ pɛ aba, pɔ bulĩ nɛ̀ dzyosu mɛ yɛagã aba. Kɛlɛ ɔfɔfuĩa nɔ ɔlɛ ɖɔaɖɔ dalɛ̃ kɛlɛishu, ɔmɔsɛ ɔfɔfuĩa nɔ ɔlɛ onu kibui gbã.