Hebrianɛ 1:9 - Nyangbo New Testament

⁹ Ɔdɛmɛ nɔ nɛ̀ ɛkpã gbangbã, kɛtakpu mɛ gagalĩ xɔnɔ ɔgɛpɛ, kliso wɔ Owusoso Akaa edzu wɔ nɛ ɔɖaɖama ɔkɔ ɔdɛ wɔhayɛ ɔgana same bɔbɔ̀ sasará kɔwɔ mɛ.”

Hebrianɛ 1:9 Iomraidhean Croise

Banɔkpɛkpɛ Axɔ̃ɛ 10:38

kana gɛ Owusoso Akaa asara bɔbɔ akɔ Yesu Nazareteyiɛ nɛ̀ Ɔfɔfuĩa Gbangbã nɛ̀ ohumi, nɛ kana gɛ azagã fala pɛ azabhɛtɛ ebui gbangbã, pɛ ebu banyã nɛ bagazã abosam yɛ ohumi niesi pete mɛ, ɔmɔsɛ Owusoso Akaa azãplɛnii.

Banɔkpɛkpɛ Axɔ̃ɛ 4:26

Kesiakpa abha ekusiɛ batɔ̃ kɛtakpu kɛlɛ beekusiɛ beshogò nɛ Apaleteɛ shu nɛ̀ agɛ yɛasara bɔbɔ ɔkɔɔ,

Banɔkpɛkpɛ Axɔ̃ɛ 4:27

Kibui gbã kinu ɔsɛ Herodes nɛ̀ Pontio Pilato badɛtɔ̃ kɛtakpu aplɛnɔ bagɛ betinu Yudanɛ nɛ̀ Israelanɛ nɛ ɔmagbagbla ɔlɛ mɛ tɛ batɔɖɔ kibui kpa nɛ axɔ̃ɛdɛ dadalɛ Yesu shu, anunɔ gɛ yɛ wɔ sara bɔbɔ ɔkɔɔ.

Romanɛ 12:9

Nɔkɔ wɔnɔ tɛdɛdɛmɛ nɔ nɛ̀ banɔ nɔ̀ ode ɛya gbangbã mɛ. Nɔtɛ dɛmɛ nɔ nɛ kibui zizĩ, nɔnyana kibui gbangbã bhɛbhɛtɛ mɛ ovunɔ.

Romanɛ 15:13

Owusoso Akaa nabha gɛ nolu awɔ̃ akɔ asɛ tɛ same nɛ̀ ishu yɔyɔ yuku unɔ ɔgana Ɔfɔfuĩa Gbangbã ohumi nɔ mɛ.

Korintoanɛ 1 1:9

Owusoso Akaa gɛ yɛekulu wɔnɔ akɔ ɔhakpɛkpɛ nɛ̀ Yɛeyianyɛ Yesu Kristo gɛenu bɔlɔ Apaleteɛ, enu kibui gɛlɛ kɛlɛ ɔzãkɔ abhɛbhɛtɛ elete.

Korintoanɛ 2 11:31

Owusoso Akaa gɛenu Akaa ɔkɔ Apalete Yesuɔ, agɛ yɛ kɛlɛ ɔsɛ bakpɛ yɛinye nɛitití tihɔɔ nɔ enyi ɔsɛ ɛtɛ sɛ asɛnɛ.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Efesoanɛ 1:3

Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Filipianɛ 2:9

Kliso Owusoso Akaa ewunu yɛatɔɖɔ ɔɖaɖama ɔkɔ ɔdɛ kɛlɛ akɔyɛ yɛinyèɛ gɛ ɖama ɔdɛ kinye ka nyia ka ɛdi,

Hebrianɛ 2:11

Anunɔ gɛ yɛakɔ banɔ tɛdadalɛ, nɛ̀ bagɛ babhɛtɛ asɛ tɛ badalɛ pete nɔɔ, bede kishopo tinikpo mɛ. Kliso kiti nu kiwuĩ ibui ɔkɔ Yesu asɛ tɛ ekulu alɛ asɛ yɛadzya alɛ.

Hebrianɛ 2:9

Pɔ bɔmɔ Yesu, anunɔ gɛ bezhinɔ yɛesi ibɔɛ adɛ baxɔ̃ɛdɛɛ, otsi alɛ Owusoso Akaa akɔɛ ishu dadalɛ, pɛ akpɛ yɛinye nɛitití, ɔmɔsɛ yɛamɔ bɔtɔ pɛ etsí. Kɛlɛ nɛ Owusoso Akaa yɛ tibhui bhuibu nulũɔ, tɛ ètsí nɛ anɔ ka nyia ka yɛulũ.

Hebrianɛ 7:26

Banɔlũazazã gbagbla alɛ nɛidi yɛapɛ akɔ bɔlɔ ɔtɔ ebuiɛ, gɛenu anɔ dadalɛ, bamɛ tsitsí ibui ma yɛishu, yɛmɛ bhui, kɛlɛ bebui ɔtɔ nɛ ebui kpa bhɛbhɛtɛ elete ishi, kɛlɛ balɔkɔ yɛedzu nɛ ɔɖaɖamakɔ gɛ ɔdɛ pete nɔ.

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,

Yohanes 1 1:3

Bɔɖɔ ebuiɛ gɛ bɔmɔ pɛ bulũɔ tseɖe wɔnɔ, sɛ tɛ̀ wɔnɔ tsyɛ nɔzã ɔhakpɛkpɛ mɛ̀ nɛ ɔlɔ. Kɛlɛ bɔlɔ ɔhakpɛkpɛ nɛ̀ Akaa nɛ̀ Yɛeyì anyɛ Yesu Kristo

Kibui Bubú Kasɛ 2:15

Kidzo ɛlɛ nabha wɔnɔ mɛ beteli tsyɛ anyana Nikolaianɛ ɔdɔ̃ kakasɛ mɛ evunɔ.