Hebrianɛ 1:6 - Nyangbo New Testament

⁶ Gɛ Owusoso Akaa amana yɛeyi kusiɛ nɛ kanɔ nɔ̀ mɛɛ, aɖɔ asɛ, “Owusoso Akaa yɛaxɔ̃ɛdɛ petee nɔkpɛ ɛtakpu esi ɔkɔɛ.”

Hebrianɛ 1:6 Iomraidhean Croise

Romanɛ 8:29

Bagɛ Owusoso Akaa enyi elu kukukuɔ, balɛ ke yɛebu asɛ bazã nɛ ɛkpã asɛ Yɛeyiɛ, sɛ tɛ ebedzi Yɛeyi gɛ eputɔ nɛ beyianyɛ gelee ishi.

Koloseanɛ 1:15

Yesu yɛakpasɛ Owusoso Akaa gɛ bɔtɛ mɔɔ tɛlɛlɛ mɛ, eyi gɛiputɔ gɛ bamɔ̃ pɛ aŋã bɔdɔ̃ bhɛbhɛtɛ petee abha.

Koloseanɛ 1:18

Kɛlɛ yɛenu kɛtakpu akɔ ishudzyaa nɛ̀ ɔhaa, yɛenu kesi kpɛkpɛ nɛ̀ eyi gɛiputɔ gɛ bamɔ̃ pɛ ede bekpuɔ mɛ aba, sɛ tɛ̀ nɛ kɛka nyia ka mɛɛ, yɛabà amɔ̃ ohumi adɛ.

Hebrianɛ 1:5

Pɔ axɔ̃ɛdɛ ɖuwoe lu Owusoso Akaa atɛɖɔ etseɖe eɖi asɛ, “Mɛeyianyɛ wonu, oboɔ itsyina dzi akaa kɔ wɔ?” Kɛlɛ azaɖɔ asɛ, “Ɛbadzi Yɛakaa, kɛlɛ ebedzi Mɛeyianyɛ?”

Hebrianɛ 10:5

Kliso gɛ Kristo aba kanɔ nɔ̀ mɛɛ, aɖɔ asɛ, “Anɛ bɔdɔ̃ pɔpɔɛ nɛ̀ bɔdɔ̃ kɔkɔ wɔpɛ, pɔ ishu gɛ owoese ɔkɔ mɛ,

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.

Yohanes 1 4:9

Kidzo ɛlɛ nabha Owusoso Akaa akasɛ yɛ tɛdɛdɛmɛ nɔ nɛ bɔlɔ ishi, akpɛ Yɛeyianyɛ tenikpo nɔ asɛsɛ kanɔ nɔ̀ mɛ asɛ tɛ bɔzã nɛ̀ ɛkpã gana yɛabha.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,