Hebrianɛ 1:2 - Nyangbo New Testament

² pɔ nɛ ewui gɔgɔ̃ɛ alɛ mɛɛ, aaɖɔaɖɔ akɔ ɔlɔ ɔgãna Yɛeyi nabha, anunɔ gɛ alɔkɔ edzu yɛaŋãsi mɛɔdɔ̃ nulũ, kɛlɛ yɛabha yɛagã abhɛtɛ kanɔ nɔ̀ mɛ.

Hebrianɛ 1:2 Iomraidhean Croise

Banɔkpɛkpɛ Axɔ̃ɛ 10:36

Nonyi kibuiɛ gɛ Owusoso Akaa asɛsɛ Israelanɛ, asɛ tɛ baɖɔ ishu yɔyɔ kibui gbangbã ɔgana Yesu Kristo abha gɛenu Apalete akɔ kɛka nyia ka.

Banɔkpɛkpɛ Axɔ̃ɛ 2:17

“ ‘Owusoso Akaa aɖɔ asɛ, nɛ ewui gɔgɔɛ mɛɛ, mɛ Ɔfɔfuĩa nɔ ɔbɔdɔ banunɔ petee abha. Wɔnɔ beyianyɛ nɛ̀ beyiadzɛ abaɖɔ ebui elu, wɔnɔ bayɛsɔ̃ abamɔ ebui nɛ bɔlala mɛ, wɔnɔ banɔ sheshèɛ babaza balalá.

Romanɛ 1:4

kɛlɛ, gana Ɔfɔfuĩa dadalɛ mɛɛ, bebui akasɛ nɛ ohumi nɔ mɛ ɔsɛ, yɛenu Owusoso Akaa Yɛeyi, gana yɛtɛlɔlɔ odenɔ bekpuɔ mɛɛ, yɛenu Yesu Kristo, bɔlɔ Apaleteɛ.

Romanɛ 8:17

Kliso onupɛ yɛeyi alɛ bunuɔ, kɛlɛ budzi kaŋãsiɛelete-Owusoso Akaa kaŋãsiɛelete ɔplɛnɔ Kristo. Kɛmɔ̀ gɛ bɔmɔ̀ ɔtɔ ɔplɛnɔ Kristoɔ, kidzo ɛlɛ nabha babakpɛ bɔlɔ tsyɛ nɛ kitití ɔmɔ asɛ yɛ ana.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Korintoanɛ 1 8:6

pɔ nɛ bɔlɔkɔ xɔnɔ, Owusoso Akaa tenikpo yɛalɛ, Akaa, gɛ denɔ yɛabha kɛka nyia ka de koeyì, pɛ yɛ bɔlɛ nɛ ɛkpã ɔkɔɔ, pɛ kana Apalete tenikpo tsyɛ yɛalɛ gɛenu Yesu Kristo, gɛ gana yɛabha kɛka nyia ka de koeyì pɛ ganà yɛabha bɔlɛ nɛ ɛkpã.

Galatianɛ 4:4

Pɔ gɛ kibeɛ petee bana nɔ, Owusoso Akaa akpɛ yɛeyianyɛ, gɛ anɔdzɛ yɛamɔ yɛ, gɛ bamɔ yɛ nɛ ɔsha niesi,

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Hebrianɛ 1:5

Pɔ axɔ̃ɛdɛ ɖuwoe lu Owusoso Akaa atɛɖɔ etseɖe eɖi asɛ, “Mɛeyianyɛ wonu, oboɔ itsyina dzi akaa kɔ wɔ?” Kɛlɛ azaɖɔ asɛ, “Ɛbadzi Yɛakaa, kɛlɛ ebedzi Mɛeyianyɛ?”

Hebrianɛ 1:8

Pɔ aɖɔ nɛ Yɛeyiɛ xɔnɔ shu asɛ, “O Owusoso Akaa, wɔekusi egbuɔ abazã tihɔ, tihɔ, kɛlɛ ibui gbã bhɛbhɛtɛɛ, kɛlɛ bazã wɔkusi tɛŋaŋãa mɛ.

Hebrianɛ 11:3

Denɔ tɛyɛyɛkɛŋã mɛɛ, bulũ kɛlɛ mɛ ɔsɛ, kibui Owusoso Akaa aɖɔ alɔkɔ abhɛtɛ kanɔ nɔ̀ mɛ nɔ̀. Kliso kɛgɛ bɔmɔ otsiɛ nɔ, babhɛtɛ ɛlɛ edenɔ kɛgɛ bɔtɛlà mɔ mɛ.

Hebrianɛ 2:3

kɛlɛ́ bɔbalà bu tɛtsɛɖɛ mɛ, onupɛ bɔshɛnɛ ahɔɛ nɛ tibubu gbagbla ɛlɛ nɛidi shu? Apaleteɛ etiputɔ akɔ tìtitì nɛ tibubu ɛlɛ shu, kɛlɛ bagɛ elũ ibuiɛ eputɔ nɔɔ, adɛmɛ atɔɖɔ kɛlɛ abha akɔ ɔlɔ asɛ kɛlɛ ɛlɛ ɔzãkɔ.

Hebrianɛ 3:6

Kristo xɔnɔ alɔkɔ ibui gɛlɛ ɛlɛ ɔzãkɔ, gɛ eɖi Owusoso Akaavũ nabha asɛ Eyi ana. Kɛlɛ bɔlɔ nu yɛɔpãa, onupɛ bɔkpɛ emi zã yɛede, pɛ buɖi yɛidzo mɛ nɛ̀ awɔ̃luluɔ gɛ butù itèlũ kɔɔ.

Hebrianɛ 4:14

Kliso gɛ banɔlũazazã gbagbla, gɛ agã iwusoso nɔ mɛ pɛ yɛenu Owusoso Akaa Yɛeyi Yesu soɔ, nɔkɔ bɔnyana bɔlɔ tɛyɛyɛkɛŋã gɛ ɛlɛ mɛ bɔdalɛ vunɔ gagalĩi.

Hebrianɛ 5:8

Gɛ Owusoso Akaa Yɛeyi yɛedzi tsyɛ elo, akpasɛ batɔ̃ lulũ ɔgana bɔtɔ gɛ amɔ mɛ

Hebrianɛ 7:28

Nɛ Mose yɛɔsha nulũɔ, banɔdzyrameɛ gɛ betinu ohumieleteɛ bazalɔkɔ ezedzu banɔlũazazã gbagbla, pɔ nɛ Owusoso Akaa yɛɔdɔ̃ gɛ atanà idegbaa shu soɔ, alɔkɔ Yɛeyiɛ gɛ ewoese piapii nɔ edzu yɛedzi banɔlũazazã gbagbla tihɔ, tihɔ.

Hebrianɛ 7:3

Akaa nɛ̀ elĩ agɛzã yɛahɔɛ. Kishopo kpɛkpɛ gɛzã yɛahɔɛ, agɛ kpɛ esi nɛ̀ kiwui nanà, kɛlɛ yɛkpã tsyɛ ɔtɔ̃kɔ nanà ɔgɛzã. Ɔmɔ asɛ Owusoso Akaa Yɛeyi anaa, enu banɔlũazazã tihɔɔ.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Petro 1 1:20

Bebu yɛelu flogo pɛ babà bhɛtɛ kanɔ nɔ̀ mɛ, pɔ bebu yɛakasɛ nɛ ewui gɔgɔ alɛ mɛ nɛ wɔnɔ ɛtakpu.

Petro 2 3:3

Putɔnɔ kɔ ɛlɛ, kɛlɛ ɔsɛ nɔolũ kɛlɛ esi ɔsɛ̀ nɛ ewui gɔgɔɛ nɔ mɛɛ banɔ gɛezĩ banɔ shuɔ ebekoeyì, bebè zĩ anɔ shu pɛ babà za nɛ̀ ɛkpã kpa nɛ alɛ tɛpɛpɛ ulũ.

Yuda 1:18

Betseɖe wɔnɔ asɛ, “Nɛ ewui gɔgɔɛ nɔ mɛɛ, bagɛ amɔ̃ɛ anɔ ababa, banɔ gɛ abazã alɛ mayɛkɛ mayɛkɛŋã edzoɔ niede.”