Efesoanɛ 6:8 - Nyangbo New Testament

⁸ ɔmɔsɛ nɔonyi ɔsɛ Apaleteɛ aba buia kɛbhɛ̃ akɔ aka nyia aka ɔkɔ kɛgbangbã ka nyia ka ɛdi gɛ abhɛtɛɛ, gɛ onu ɔnɔ dzidzi alo ishu ahɔɛmɛ azazã elete yɛenu tsyɛ.

Efesoanɛ 6:8 Iomraidhean Croise

Korintoanɛ 1 12:13

Ɔmɔsɛ Ɔfɔfuĩa tonikpo balɔkɔ akpɛ bulĩ akɔ bɔlɔ nɔ, edzì asɛ Yudaeyi alo Helaeyi, anɔ dzidzì alo anɔ gɛ alɛ yɛishu ahɔɛ mɛ tsyɛ elo, Ɔfɔfuĩa tonikpo ɔlɛ bakɔ bɔlɔ nyɔ̃ɔ ɔsɛ bɔwɔ̃ɛ.

Korintoanɛ 2 5:10

Ɔmɔsɛ kɛlɛ sɛ bɔlɔ petee ba Kristo kebhu kuklu kegbu namɛ, sɛ tɛ aka nyia aka ayɛkɛ kɛgɛ kɛlɛ sɛ bakɔɛ, nɛ̀ kɛgɛ yɛabhɛtɛ kibeɛ gɛ azã ishudzya mɛ, onupɛ kinu kibui gbangbã pɛnɔsɛ kibui kpa tsyɛ.

Galatianɛ 3:28

Yudaeyi alo Helaeyi nanà abha ma, anɔ dzidzi alo anɔ gɛ alɛ yɛishu ahɔɛ mɛ, anyɛ alo adzɛ abha ma, ɔmɔsɛ wɔnɔ petee odzi tenikpo nɛ Kristo Yesu mɛ.

Koloseanɛ 3:11

Nɛ ɛkɛlɛ Helaeyi alo Yudaeyi nanà ama, kɛhɔ̃a bhui bhui alo kɛhɔ̃a mabhui mabhui ma. Anɔ gɛ ehu buluhũ gɛ betielũ ɔlɛ mɛ tsyɛ ama, alo anɔ gɛ yɛ awuhũ agɛ kpà, anɔ dzidzì alo anɔ gɛ alɛ yɛishu ahɔɛ mɛ, pɔ tenikpo balɛ nɛ Kristo mɛ, kɛlɛ Kristo yɛalɛ alɛ petee mɛ.

Koloseanɛ 3:24

ɔmɔsɛ nɔonyi ɔsɛ nɔbɔmɔ kaŋãsi odenɔ Apaleteɛ ɔkɔ asɛ kɛbhɛ babuia ana. Apalete Yesu nɔ ɔkpɛ ɛtakpu esi ɔkɔ.

Koloseanɛ 3:25

Aka nyia aka gɛ abhɛtɛ kibui kpa, babà buia kɛlɛ bhɛ̃ akɔɛ, kɛlɛ bamɛ ɖiɖi nanà mã ɛlɛ mɛ.

Hebrianɛ 10:35

Kliso nɔtɛ shɛnɛ ahɔɛ nɛ wɔnɔ awɔ̃ luluɔ shu olu, ɔmɔsɛ kɛbhɛ babuia hohoe lɛ kɛlɛishu ɔkɔ ɔnɔ.

Hebrianɛ 11:26

Adɛmɛ asɛ tɛ aŋã kiwuĩ nɛ Kristo ɛtakpu, gɛ kɛyɛkɛ edzi ɔdɛ ehoeyi udɔ̃ gɛ abamɔ edenɔ Egipte, ɔmɔsɛ elu awɔ̃ nɛ kɛbhɛ gɛ bababuia akɔɛ idegbaa nabha.