Efesoanɛ 5:8 - Nyangbo New Testament

⁸ Ɔmɔsɛ nɔ tɛzã otumũ mɛ oɖi, pɔ otsiɛ xɔnɔɔ nɔonu tɛdadalɛ nɛ Apaleteɛ mɛ. Nɔzã nɛ ɛkpã asɛ bunuvɔɛ gɛ balɛ amɛ adalɛ ana

Efesoanɛ 5:8 Iomraidhean Croise

Banɔkpɛkpɛ Axɔ̃ɛ 17:30

Kuku ibeɛ, Owusoso Akaa ezedzini awɔ̃ atɔɖɔ ebui alɛ gɛ noɔtinyiɛ nabha, pɔ otsiɛ xɔnɔɔ akpɛ ɔsha akɔ aka nyia aka asɛ betsyina nɛ balɛ etúɔ mɛ.

Banɔkpɛkpɛ Axɔ̃ɛ 26:18

tɛ̀ ɔkpà balɛ awuhũɔ, tɛ̀ otsyinà alɛ odenɔ otumũ mɛ̀, ɔmana kanɔ dadalɛ mɛ̀, nɛ̀ odenɔ Satana yɛohumi ahɔɛ mɛ̀, ɔmana Owusoso Akaa ɔkɔ. Sɛ tɛ̀ balɔkɔ ebui kpa etsye alɛ, tɛ̀ bamɔ ɔzãkɔ nɛ bagɛ badalɛ balɛ ishu ɔganà mɛabha tɛyɛyɛkɛŋã mɛ.’

Romanɛ 1:21

Gɛ benyii ɔmɔ asɛ Owusoso Akaa tsyɛ elo, batɛkpɛ yɛinye nɛ itití alo pɛ behu yɛahɔɛ, balɛ ekpeɖekpeɖe mɛ bhɛbhɛtɛ edzi kɛlɛ́, kɛlɛ balɛ bɔga dɔdɔ etúɔ mɛ eku otumũ.

Romanɛ 13:12

Elishibeɛ fala, kɛlɛ keli aza nɛ ɔlɔ ebeke, kliso nɔkɔ bɔshɛ nɛ ahɔɛ nɛ otumũ mɛ ebui bhɛbhɛtɛ shu, tɛ bɔlɔkɔ keyudɔ̃ dadalɛ kpàta.

Romanɛ 2:19

ɔmɔ ishu ɔsɛ onu awuhũpu agbagbana nɛ̀ kifu ɔkɔ bagɛ balɛ otumũ mɛ,

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 2 3:18

Kɛlɛ bɔlɔ gɛ bagɛ tɔɖɔ kɛpɔtɛ nɛ bɔlɔ amɛ butsé nɛ̀ Apaleteɛ tɛdadalɛ, betsyina bɔlɔ akpɛ yɛ tɛzazã mɛ, nɛ̀ tɛdadalɛ gɛikpè tɔɖɔ, gɛide Apaleteɛ ɔkɔ, anɔ gɛenu Ɔfɔfuĩa nɔ ɔkɔɔ.

Korintoanɛ 2 4:6

Ɔmɔsɛ Owusoso Akaa aɖɔ asɛ, “Nɔkɔ kifu dɛkɛ nɛ otumũɔ mɛ,” nɔkɔ yɛifúɔ dɛkɛ nɛ bɔlɔ etúɔ mɛ, tɛ kɛdɛkɛ kɔ bɔlɔ asɛ bubuti kifù ana tɛ kɛkɔ Owusoso Akaa shu dalɛ nɛ Kristo amɛ.

Korintoanɛ 2 6:14

Nɔtɛkɔ bakpɛ kakɔ nɛ wɔnɔ oli ɔplɛnɔ bagɛ agɛ yɛkɛ aŋã. Ɔmɔsɛ tenikpo bhɛbhɛtɛ ɖuwoe gɛ akpasɛ kibui gbangbã nɛ̀ kibui kpa bhɛbhɛtɛ ishi? Pɛnɔsɛ tenikpo bhɛbhɛtɛ ɖuwoe gɛ akpasɛ kifu nɛ̀ otumũ ishi?

Galatianɛ 5:25

Gɛ budzi nɛ ɛkpã nɛ Ɔfɔfuĩa nɔ mɛ soɔ, nɔkɔ bɔgã nɛ̀ ɔfɔfuĩa nɔ.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 4:18

Balɛ ebui esi lulũɔ mɛ eku otumũ, kɛlɛ bebu ishu ɔtɔ nɛ Owusoso Akaa ɛkpã shu, nɛ kibui matì matiɛ gɛ kpasɛ alɛ mɛ, nɛ gɛ bagagalĩ balɛ etúɔ mɛ so.

Efesoanɛ 5:2

tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Koloseanɛ 1:12

ahɔɛ nɛ̀ same, anɔ gɛ akɔ nɔ shɔnɔ sɛ nɔmɔ tili odenɔ banɔ dadalɛ kaŋãsiɛ gɛalɛ bukusi ɔŋãkɔ gɛ dalɛ.

Koloseanɛ 1:13

Ɔmɔsɛ yɛebu ɔlɔ odenɔ otumũ mɛ kabha ŋaŋã esi, kɛlɛ agbanà ɔlɔ amana Yɛeyianyɛ gɛ adɛmɛnɔ bukusi ɔŋãkɔ,

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Yohanes 1 1:7

Pɔ onupɛ bɔgã nɛ tɛdadalɛ mɛɛ, asɛ kana gɛ yɛtsyɛ agã nɛ tɛdadalɛ mɛ anaa, kɛlɛ bɔkpasɛ ɔhakpɛkpɛ mɛ nɛ̀ bagɔlɔ, kɛlɛ Yɛeyì Yesu dzyosu nɔ, abadalɛ bɔlɔ shu nɛ ebui kpa ka nyia ka mɛ.