Efesoanɛ 5:5 - Nyangbo New Testament

⁵ Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.

Efesoanɛ 5:5 Iomraidhean Croise

Banɔkpɛkpɛ Axɔ̃ɛ 20:32

“Otsiɛ nɔ, ɛɛlɔkɔ̀ wɔnɔ ɔkpɛ ahɔɛ akɔ Owusoso Akaa nɛ̀ yɛibuiɛ gɛ alɔkɔ ebhui bɔlɔ ebuɔ nɔ̀. Kɛlɛ bàbhɔ wɔnɔ wunu kabha pɛ kɛbàkɔ wɔnɔ bagɛ badalɛ wɔnɔ shuɔ petee kaŋãsiɛ.

Banɔkpɛkpɛ Axɔ̃ɛ 8:21

Wɔ ɔbhɛtɛkɔ nɛ̀ wɔ ɔŋãkɔ nanà ɔma bɔlɔ axɔ̃ɛdɛdɛ alɛ mɛ, ɔmɔsɛ wɔɛtũɔ mɛ gɛdalɛ nɛ Owusoso Akaa namɛ.

Galatianɛ 5:19

Ebuiɛ gɛ akpà ɔplɛnɔ ebui kpa bhɛbhɛtɛ edzoɔ awɔ̃ɛ asɛ, ɔmamɛ dɛdɛ, atsɔ̃bui bhɛbhɛtɛ nɛ̀ ɛkpã kpa tɛŋaŋã,

Galatianɛ 5:21

nɛ̀ kawɔ̃kpɛ, bunù tibubuku, edzo kpa ede tɛtɔtɔnɔ, nɛ agɛ dzi asɛ alɛ nɛidi. Ɛkpɛ ɔnɔ ɔsha, asɛ gɛ ɛtɛ kpɛ bafala nɔ ɔsɛ, banɔ gɛ edzi nɛ ɛkpã ɛlɛ nɛidiɛ batɛ bavɛ Owusoso Akaa bukusi ŋaŋãa mɛ.

Efesoanɛ 5:3

Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Koloseanɛ 1:13

Ɔmɔsɛ yɛebu ɔlɔ odenɔ otumũ mɛ kabha ŋaŋã esi, kɛlɛ agbanà ɔlɔ amana Yɛeyianyɛ gɛ adɛmɛnɔ bukusi ɔŋãkɔ,

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Timoteo 1 6:10

Ɔmɔsɛ ehoeyi tɛdɛdɛmɛ nɔ alɛenu iguɔ ɔkɔ ebui kpa bhɛbhɛtɛ petee. Banɔ teli gɛ bapɛ asɛ tɛ bamɔ ehoeyiɛ, betsyina nɛ tɛyɛyɛkɛŋã shu kɛlɛ bakpɛ balɛishu apɔ̃ nɛ̀ ɔwɔ̃nyɔnɔ gelee.

Timoteo 1 6:17

Kpɛ obo kanɔ alɛ mɛ ehoeyi eleteɛ ɔsha tɛ betifeke ishu alo tɛ balɔkɔ otugbà mɛ tiɖiɖiɛ atɔɖɔ ehoeyi mɔmɔ abha, gɛ betinyi kɛgɛ baba, pɔ balɔkɔ balɛ otugbà mɛ tiɖiɖiɛ atɔɖɔ Owusoso Akaa nabha, anɔ gɛ yɛakɔ bɔlɔ ehoeyi nɛ̀ kɛka nyia ka ɔkɔ bɔlɔ samɛ mɔmɔ.

Hebrianɛ 13:4

Wɔnɔ badzɛenyine nɛ̀ banyɛedziniɛ, nɔkpɛ ɛtakpu esi ɔkɛ bagɔlɔ shu nɛ̀ wɔnɔ ɔwɔ̃sɔkɔ tsyɛ, ɔmɔsɛ Owusoso Akaa ebekulu ebhu nɛ̀ agɛ adɛ ɔma mɛ nɛ̀ bagɛ baŋã agɔlɔ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.