Efesoanɛ 5:3 - Nyangbo New Testament

³ Pɔ nɛ wɔnɔ ɛshiɛ, kɛma sɛ tɛ belũ ɔnɔ ɔdɔ̃ nɛ ɔmamɛ dɛdɛ shu, alo atsɔ̃bui ka nyia ka ɛdi shu, alo anɔ gɛ apɛɛ kɛdɔ̃ gbagbla adɛ, ɔmɔsɛ ebui alɛ agɛpɛ akɔ Owusoso Akaa yɛanɔ dadalɛ.

Efesoanɛ 5:3 Iomraidhean Croise

Banɔkpɛkpɛ Axɔ̃ɛ 15:20

Pɔ nɔkɔ bɔfɔnɔ keplukpa ɔkɔ alɛ boŋ tɛ̀ bayɔlɔ ibudi bɔdɔ̃ ŋaŋã gɛ bɔlɛishu gɛdalɛ, kɛgɔlɔ ŋaŋã, nɛ̀ bɔdzya nɔnɔ gɛide bagã gɛ bedzinì balɛ ili nɛ̀ butsì tɛŋaŋã mɛ.

Banɔkpɛkpɛ Axɔ̃ɛ 20:33

Ɛgɛ dzã kiwuhũ nɛ ananà sikãfufù, alo sikãɛkpã alo bɔdɔ̃ kpɛkpɛ shu.

Romanɛ 1:29

Banunɔ mɛ eyuku nɛ̀ atakpu mɛ gagalĩ, ebui zizĩ, mɛete ɛyɛ tɛpɛpɛ̃ nɛ̀ banɔ tidzyidzyini ɔkpɛ, alɛ ayɛkɛ alɛ mɛ. Ebui kpa bhlatɔ enu awuhũ dzadzã nɛ banɔ shu, banɔ yiyí, ebla pɛpɛ, banɔ wɔɛwɔ̀ɛ nɛ̀ ɔhagbo shu tizizĩ. Benu olugbũedzi agagã anɔ,

Romanɛ 16:2

Ibisi denɔ wɔnɔ ahɔɛ sɛ tɛ nɔyɛkɛ yɛ nɛ Apalete nɛinye mɛ. Nɔyɛkɛ yɛ asɛ kɛyɛkɛ gɛ nɔyɛkɛ banɔ dadalɛɛ ana, kɛlɛ nɔkɔɛ tɛpɛplɛnɔ ka nyia ka gɛ apɛ edenɔ wɔnɔ ɔkɔ, ɔmɔsɛ axɔ̃ɛdɛ yɛenu akɔ banɔ gelee, gɛ mɛ tsyɛ inu balɛmɛ anɔ tenikpo.

Romanɛ 6:13

Nɔtɛ shɛnɛ ahɔɛ nɛ wɔnɔ ishupiɛ shu ɔkɔ nanà ɔkɔ kibui kpa, asɛ kɛxɔ̃ɛwadɔ̃ ɔkɔ kɛtakpu mɛ gagalĩ ebui bhɛbhɛtɛ, pɔ nɔshɛnɛ ahɔɛ nɛ wɔnɔshu ɔkɔ Owusoso Akaa ɔmɔ asɛ banɔ gɛ bebu edenɔ butsí mɛ ɔmana ɛkpã mɛ ana, tɛ nɔshɛnɛ ahɔɛ nɛ wɔnɔ ishupiɛ shu ɔkɔ nyia ɔkɔ ɔkɔɛ, asɛ bɔxɔ̃ɛwɔadɔ̃ ɔkɔ kibui gbangbã tɛbhɛbhɛtɛ.

Korintoanɛ 1 10:8

Nɔtɛ bhɛtɛ kɛgɔlɔ ŋaŋã ebui, asɛ kana gɛ balɛ mɛanɔ teli abhɛtɛɛ ana, pɛ balɛ mɛ anɔ ihotu afɛtaabha nɛ̀ tata etsi nɛ kiwui tinikpo abha.

Korintoanɛ 1 5:1

Bakɔ bɔlɔ tititì nɛ wɔnɔ shu sɛ kɛgɔlɔ ŋaŋã ebui akpasɛ wɔnɔ mɛ, kibui gɛ ibudi elete tsyɛ atɛ abhɛtɛ. Anyɛ teli ayɛkɛ yɛakaa edzini.

Korintoanɛ 1 6:13

“Bɔŋaŋã lɛ kɔ kevũɔ, kɛlɛ kevũɔ tsyɛ alɛ kɔ́ bɔŋaŋã,” pɔ Owusoso Akaa ebezĩ balɛ taabha. Bagɛ bhɛtɛ ishudzyaa kɔ́ kɛgɔlɔ ŋaŋã ebui, pɔ Apaleteɛ babhɛtɛ ɛlɛ akɔ, kɛlɛ babhɛtɛ Apaleteɛ tsyɛ akɔ ishudzya.

Korintoanɛ 1 6:18

Nɔobu tɛtsɛɖɛ mɛ ɔshɛ nɛ kɛgɔlɔ ŋaŋã ebui shu. Ebui kpa ka nyia ka gɛ anɔ abhɛtɛ, abhɛtɛ alɛ nɛ ishupi niede, pɔ anunɔ gɛ abhɛtɛ kibui kpa odenɔ kɛgɔlɔ ŋaŋã mɛɛ xɔnɔɔ, abhɛtɛ kibui kpa nɛ yɛahɔɛ ishudzya shu.

Korintoanɛ 2 12:21

Kifù yimɛ sɛ onupɛ ɛzɛba, mɛ Owusoso Akaa abakɔ mɛizhini mɛishu esi nɛ wɔnɔ amɛ, kɛlɛ ɛbàmɔ ɔwɔ̃nyɔnɔ denɔ banɔ gelee gɛ batɛ bhɛtɛ ebui kpa akpɛ otugbà pɛ begitsyina nɛ balɛ etúɔ mɛ odenɔ atsɔ̃bui bhɛbhɛtɛ mɛ, ebui asɛ ɔmamɛ dɛdɛ nɛ̀ bunu tibubuku ebui gɛ balɔkɔ balɛishu ashɔkpɛ mɛ.

Efesoanɛ 5:12

Ɔmɔsɛ kiwũi ibui kinu tsyɛ ɔsɛ tɛ baɖɔ ebui nɔnɔ gɛ bagɛ etie lũ atɔ̃ abhɛtɛ nɛ tikpukpũ mɛ.

Efesoanɛ 5:5

Nɛ kibui ɛlɛ shuɔɔ, nɔ ɔbɔ ɔtɔɖɔ ahɔɛ nɛ ɛlɛ abha ɔsɛ, ɔmamɛ dɛdɛ, ishu madalɛ madalɛ alo anɔ gɛ apɛɛ ɛdɔ̃ akɔ yɛ ete shu, anɔ alɛ nɛidi enu obudi elete, kɛlɛ atɛ bamɔ kaŋãsiɛ galɛ Kristo nɛ̀ Owusoso Akaa bukusi ɔŋãkɔ mɛ.

Filipianɛ 1:27

Kɛka nyia ka gɛzɛ ba ɛlɛ mɛ tsyɛ elo, nɔ nyanà ishu ovunɔ nɛ kidzo nɔnɔ abha gɛba shɔnɔ Kristo yɛibui gbangbã. Kɛlɛ edzì asɛ ɛba sɛ tɛ ɛmɔ ɔnɔ alo tɛ mɛilũ ɔnɔ ɔdɔ̃ nɛ kibeɛ gɛ ɛma wɔnɔ ɔbha tsyɛ elo, ɛbatì sɛ nɔodzi gagalĩi nɛ ɔfɔfuĩa tonikpo mɛ, pɛ nɔbɔ dɛ kɛxɔ̃ɛ asɛ anɔ tenikpo ɔkɔ kibui gbangbã abha tɛyɛyɛkɛŋã

Koloseanɛ 3:5

Klisoɔ nɔŋã kanɔ alɛ mɛ kɛka nyia ka idi gɛ kpasɛ ɔnɔ mɛ nabha. Gɛinu asɛ ɔmamɛdɛdɛ, atsɔ̃bui, ishumɛ tɛlɔlɔ nɛ adzɛ shu, ebui zizĩ tɛtɔtɔɖɔ, nɛ̀ mɛ ete tɛpɛpɛ̃ gɛinu ibudi ebui.

Tesalonikanɛ 1 4:3

Kinu Owusoso Akaa tɛpɛpɛ sɛ tɛ wɔnɔ shu dalɛ, sɛ tɛ nɔyɔlɔ ɔmamɛdɛdɛ,

Tesalonikanɛ 1 4:7

Ɔmɔsɛ Owusoso Akaa egi kulu bɔlɔ asɛ bututru shu, pɔ tɛ bɔza nɛ ɛkpã gɛ ɛlɛ shu dalɛ.

Timoteo 1 2:10

pɔ nɛ̀ ebui gbangbã tɛbhɛbhɛtɛ gɛ ashɔnɔ badzɛ gɛ apɛ asɛ tɛ̀ bakpɛ kɛtakpu esi ɔkɔ Owusoso Akaa.

Timoteo 1 3:3

anɔ gɛ agɛ lɔkɔ yɛishu akɔ bunù gbagbla tɛwɔɛwɔɛ, etidzi agbagbà ebui bhɛbhɛtɛ elete pɔ edzì anɔ yɔyɔ, etidzi ebela pɛelete, pɛ adzã kiwuhũ nɛ ehoeyi shu.

Timoteo 1 6:10

Ɔmɔsɛ ehoeyi tɛdɛdɛmɛ nɔ alɛenu iguɔ ɔkɔ ebui kpa bhɛbhɛtɛ petee. Banɔ teli gɛ bapɛ asɛ tɛ bamɔ ehoeyiɛ, betsyina nɛ tɛyɛyɛkɛŋã shu kɛlɛ bakpɛ balɛishu apɔ̃ nɛ̀ ɔwɔ̃nyɔnɔ gelee.

Timoteo 2 3:2

Baanɔ abadɛmɛ nɔ nɛ̀ balɛishu, banɔ aba adɛmɛ nɔ nɛ̀ ehoeyi, bebetũ ahɔɛ nɛitélũ, bebe feke ishu, babà kwɔalà ɔdɔ̃, babà gagalĩ atɔ̃ mɛ nɛ balɛ elĩ nɛ̀ balɛ akaa alɛ shu, ahɔɛ mahumahu, ishu madalɛ madalɛ,

Tito 1:11

Kɛlɛ sɛ bakɔ bata atɔ̃, ɔmɔsɛ bezĩ bapãmɛ nɛ̀ bɔdɔ̃ kakasɛ gɛma ɔsɛ bakasɛ ɔkɔ kidzo kpa abha ɔdɔ̃ mɔmɔ.

Tito 1:7

Gɛ balɔkɔ Owusoso Akaa ɛxɔ̃ɛ akpɛ osofo ahɔɛ soɔ, kɛma sɛ tɛ bamɛ tsitsí ebui azã yɛishu-kɛma ɔsɛ tɛ eze feke yɛishu, etidzi anɔ gɛ akpɛ ɔmɔpɔɛ nɛ ebui mɛ, etidzi enuwɔ̃ɛ, etidzi ebelapɛ, etidzi anɔ gɛ apɛ kanɔ mɛ ɔdɔ̃ ɔgana kidzo kpa abha.

Tito 2:3

Kana ɛbe, kasɛ badzɛ sheshèɛ tɛ bakpɛ kɛtakpu esi nɛ kana gɛ baba zana ɛkpã shu, betidzi banɔ gɛ agã olugbũ edzi alo banɔ gɛ bawɔ̃ɛ bunu ebuku, pɔ tɛ bakasɛ kɛgɛ pɛ̃.

Hebrianɛ 12:16

Nɔnyana ishu piapii sɛ tɛ anɔ nanà etidzi ɔmamɛadɛdɛ elete alo anɔ gɛ akaa ɔfɔfuĩa nɔ ma yɛmɛ asɛ Esau ana, gɛ atsrakɛ yɛeyianyɛ ukusi ɔzãkɔ nɛ̀ kɛŋaŋã esugba tienikpo nɔ ana.

Petro 1 5:2

Nɔodzì ibhoshì agbagbana elete ɔkɔ Owusoso Akaa ibhoshiɛ gɛ bakpɛ nɛ wɔnɔ ahɔɛ, asɛ baxɔ̃ɛdɛ gɛeɖi bɔdɔ̃ abha ana, gɛnɛ sɛ kibui gɛ batɔɖɔ akɔ wɔnɔ, pɔ kibui gɛ nɔdɛmɛ ɔsɛ nɔbɔ bhɛtɛ̀ asɛ kana gɛ Owusoso Akaa apɛ asɛ nɔbhɛtɛ ɛlɛ ana, gɛnɛ tɛ̀ nɔpɛ ehoeyi ɔkɔ ishu, pɔ tɛ̀ nɔdɛmɛ ɔsɛ ɔbɔ ɔdɛ kɛxɔ̃ɛ,

Petro 2 2:10

Kibui ɛlɛ inu kɛgbã ɔkɔ banɔ nɔ̀ gɛ bazana ɛkpã kpa nɛ alɛ tɛpɛpɛ ulu pɛ bagɛ lɔkɔ ɔsha niesi gɛ balɛ akpɛ kɛnanà mɛ betielũ atɔ̃ ɔkɔ ɔsha. Nɛ kitè kpɛkpɛ nɛ̀ ishu fefeke mɛɛ, balà ɖɔaɖɔ kpa nɛ kititì banɔ nɔ shu

Petro 2 2:14

Balɛ awuhũɔ etsiɖi ɔmamɛ dɛdɛ shu, kliso batɛ balà yɔlɔ ebui kpa bhɛbhɛtɛ. Bawɔɛ bagɛ agɛ kpɛ iguɔ, bedzi beyì gɛ baɖɔ kibui akpɛ!

Petro 2 2:3

Nɛ balɛ awuhũ dzadzã nɛ bɔdɔ̃ shu soɔ, asɛnɛ badɔkasɛ alɛ abalɔkɔ alɛ ɛdzɛdzɛ gɛ bafatɛ zhinì wɔnɔ kpɛ nɔ. Balɛ ɛpɔ bubuɔ dzi po alɛ kukuku, kɛlɛ kɛgɛ bayì alɛ, lɛ nɛ̀ awɔ̃.

Kibui Bubú Kasɛ 2:14

Pɔɔ, ebui teli xɔnɔ alɛ mɛahɔɛ nɛ wɔshu. Banɔ teli alɛ wɔahɔɛ nɛ ɛkɛlɛ gɛ banyana Bileam yɛɔdɔ̃ kakasɛ mɛ evunɔ. Yɛ gɛ akɔ asɛ tɛ Balak awɔɛ Israelanɛ akpɛ ebui kpa bhɛbhɛtɛ mɛ ɔgana bɔdɔ̃ tɔtɔ ɔkɔ ibudi tɛŋaŋã, nɛ̀ ɔmamɛ dɛdɛ mɛ.

Kibui Bubú Kasɛ 2:21

Ɛkɔ yɛibe sɛ tɛ etsyina itúɔ mɛ, nɛ yɛɔmamɛ dɛdɛ ebui kpaa shu, pɔ atɛ adɛmɛ.

Kibui Bubú Kasɛ 21:8

Pɔ kifusisíelete, bagɛ agɛyɛkɛ aŋã, atsɔ̃bui abhɛbhɛtɛelete, bagɛ beyì anɔ, aglɔŋaŋãelete, behuinɛ, ibudielete nɛ̀ asɛnɛ sɛsɛelete peteɛ xɔ̃nɔɔ-balɛ ɔzãkɔ obodzi kifu gɛtã nɛ̀ aklagbuifu ɔɖɛklɛmɛ nɔ mɛ. Kɛlinu butsi bhalàa.”

Kibui Bubú Kasɛ 22:15

Bagɛ babàwɔ kevudeɛ, balɛ enu beebu, behuinɛ, bagɛ baaŋã agɔlɔ, bagɛ beyi anɔ, ibudielete nɛ̀ anɔ ka nyia ka gɛ adɛmɛ asɛnɛ sɛsɛ ebui pɛ asɛɔsɛ.

Kibui Bubú Kasɛ 9:21

Begitsyina etú mɛ nɛ banɔ yiyí niede, alo ihui yɛyɛkɛ ebui, ɔmamɛ dɛdɛ alo tizuzru mɛ.