Efesoanɛ 5:2 - Nyangbo New Testament

² tɛ nɔzã nɛ ɛkpã nɛ tɛdɛdɛmɛ nɔ mɛ, asɛ kana gɛ Kristo adɛmɛ ɔlɔ ɛbui pɛ alɔkɔ yɛishu akɔ asɛ bɔdɔ̃ kɔkɔ gɛɛlɔ̃ huhuhu nɛ̀ bɔdɔ̃ pɔpɔɛ ɔkɔ Owusoso Akaa.

Efesoanɛ 5:2 Iomraidhean Croise

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Romanɛ 4:25

Balɔkɔɛ akpɛ ahɔɛ akɔ butsi nɛ bɔlɔ ebui kpa ɛtakpu, pɔ Kitití ayɛ akɔ yɛalɔ nɛ bekpuɔ mɛ, sɛ tɛ balɔkɔ bɔlɔ asɛ bunu banɔ gbangbã.

Romanɛ 8:3

Kɛgɛ ɔsha ɔgɛmɔ ohumi ɔbhɛtɛ, ɔmɔsɛ kanɔ alɛ mɛ ɛkpã kpa ŋã ɔlɛ abha soɔ, kɛlɛ Owusoso Akaa abhɛtɛ aganà yɛahɔɛ Eyiɛ gɛ asɛsɛ nɛ ebui kpa bhɛbhɛtɛ anɔ tɛzazã mɛ, tɛ edzi asɛ kɛdɔ̃ kɔkɔ nɛ ebui kpa ɛtakpu ana. Kliso ebu kibui kpa ɛpɔ nɛ kibui kpa bhɛbhɛtɛ anɔ mɛ,

Romanɛ 8:37

Ao, nɛ alɛ pete mɛɛ, bɔŋã abha ɔdɛ tɛɖɔɖɔ ɔgana Kristo gɛ adɛmɛ nɛ bɔlɔɔ nabha.

Korintoanɛ 1 16:14

Nɔbhɛtɛ kɛka nyia ka nɛ tɛdɛdɛmɛ nɔ mɛ.

Korintoanɛ 1 5:7

Nɔlɔkɔ amawɔ kuku tsɔtsɔ̃mɔ ɔtɛɛ sɛ tɛ nɔodzi amɔwɔ vɔvɔ gɛ kɛdɔ̃ tsɔtsɔmɔ̃ ma yɛmɛ, asɛ kidziɛ gɛ nodziɛ. Ɔmɔsɛ balɔkɔ Kristoɔ gɛenu Tɛdɔdɔ fala obhoshi eyiɛ abhɛtɛ bɔdɔ̃ pɔpɔɛ nɔ.

Korintoanɛ 2 2:14

Pɔ ahɔɛhuhu yɛenu Owusoso Akaa ayɛ, anɔ gɛ agbana bɔlɔ kibe nyia be sɛ tɛ bɔŋã kabha nɛ Kristo mɛ, kɛlɛ gana bɔlɔ abhaa yɛ bubutì kɛlɛɛ huhuhuɔ fu vɛ ɔkɔ nyia ɔkɔ.

Korintoanɛ 2 2:15

Ɔmɔsɛ bɔlɛinu Kristo yɛ tɛlɔlɔ̃ huhuhuɔ ɔkɔ Owusoso Akaa asɛ nɛ bagɛ bayɛkɛ elu nɛkpã nɛ̀ bagɛ balɛ atɔwuiɛ ayala nɛishi ana.

Korintoanɛ 2 8:9

Ɔmɔsɛ nonyi kibhuiɛ gɛ Apalete Yesu ebhui bɔlɔ ebuɔ, pɔ gɛ edzi ehoeyi elete tsyɛ elo wɔnɔ shu so pɛ ebedzi etsyuitsyui, sɛ tɛ nɔmɔ ehoeyi bɔdɔ̃ ɔgana yɛitsyui dɔdɔ mɛ.

Galatianɛ 1:4

anɔ gɛ alɔkɔ yɛishu akɔ nɛ bɔlɔ ibui kpa nɛtakpu, ɔsɛ tɛ ebu ɔlɔ odenɔ obo kanɔ alɛ ebui kpa bhɛbhɛtɛ mɛ, nɛ tɛtɔtɔɖɔ gɛide Owusoso Akaa gɛenu bɔlɔ Akaa ɔkɔ,

Galatianɛ 2:20

Bakpalà mɛ ɔplɛnɔ Kristo nɛ butsi osiɛ shu kɛlɛ gɛnɛ mɛ kalɛ nɛkpã, pɔ Kristoɔ yɛakpasɛ mɛ mɛ̀. Ɛkpã gɛ ɛlɛ mɛidzinɔ nɛ ishudzya mɛɛ, idzi nɛ ɛlɛ nɛ tɛyɛyɛkɛŋã nɛ Owusoso Akaa Yɛeyianyɛ mɛ, anɔ gɛ adɛmɛ mɛibui pɛ alɔkɔ yɛishu akɔ nɛ mɛtakpu.

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Efesoanɛ 3:19

sɛ tɛ nɔoti tɛdɛdɛmɛ nɔ ɛlɛ gɛ dɛ kibui titì-ɔsɛ tɛ Owusoso Akaa oyuku wɔnɔ mɛ piapii nɛ yɛ kɛlɛɛ gɛ alɛɛ nulũ.

Efesoanɛ 4:15

Pɔ bɔɖɔ kibui gbã nɛ tɛdɛdɛmɛ nɔ mɛ, bɔbà shè nɛ ebuiɛ petee mɛ nɛ Kristo anɔ gɛinu ɔlɔ ɛtakpuɔ mɛ.

Efesoanɛ 4:2

Nɔ ozhinì ishu esi tɛ nɔ nyanà ishu ovunɔ piapii, nɔdɔ fɔ̃ɔ, tɛ nɔmɔ̃ ɔtɔ mɛ kɔ agɔlɔ nɛ tɛdɛdɛmɛ nɔ mɛ.

Efesoanɛ 5:15

Nɔoɖi piapii nɛ kana gɛ nɔodzinɔ wɔnɔ ɛkpã shu-nɔtɛ zã asɛ bagɛ etinyi ibui, pɔ asɛ bagɛ enyi ibui ana,

Efesoanɛ 5:25

Badzɛ enyine, nɔ dɛmɛ nɔ nɛ̀ wɔnɔ edzinì alɛ, asɛ kana gɛ Kristoɔ tsyɛ adɛmɛ nɔ nɛ̀ ɔhaa pɛ alɔkɔ yɛishu akɔ nɛ ɔlɛ takpuɔ ana,

Filipianɛ 4:18

Ɛtɛ yɛkɛ mɛ ɛbhɛ babuia petee, kɛlɛ bazabà buia ɛlɛ atɔɖɔ akɔ mɛ ɔdɛ, baakɔ mɛ bɔdɔ̃ kpekpe, pɔ otsi ko mɛ yɛkɛ bɔdɔ̃ gɛ nɔ sɛsɛ mɛ ɔganà Epafrodito abha. Bunu bɔdɔ̃ gbangbã kɔkɔ, bɔdɔ̃ pɔpɔɛ gɛ kɛlɛ sɛ bayɛkɛ, gɛ buku Owusoso Akaa awɔ̃.

Koloseanɛ 3:14

Nɛ ebui piapi alɛ nyɔ̃ɔ edeɛ, nɔlɔkɔ tɛdɛdɛmɛ nɔ gɛ ɛlɛ nyanà ebuiɛ petee ovunɔ nɛ tenikpo bhɛbhɛtɛ gɛ apɛ̃ mɛ.

Tesalonikanɛ 1 4:9

Otsi nɛ adzya tɛdɛdɛmɛ nɔ shuɔ, kɛga shɔnɔ ɔsɛ bɔfɔnɔ kɔ wɔnɔ, ɔmɔsɛ Owusoso Akaa atɛ kasɛ wɔnɔ sɛ nɔdɛmɛ nɛ bagɔlɔ.

Timoteo 1 2:6

anɔ gɛ alɔkɔ yɛ ɛkpã akɔ nɛ banunɔ petee takpu-kibui gɛ badalɛ kɛlɛishu nɛ kɛlɛ ibè gbangbã mɛ.

Timoteo 1 4:12

Tɛkɔ ɔsɛ ananà eɖi wɔ asɛ anuvɔ wɔonu so, pɔ kpɛ kibui tili olu ɔgana kaɖɔ ɖɔɖɔ mɛ, nɛ wɔɛkpã mɛ, wɔtɛdɛdɛmɛ nɛ̀ anɔ, nɛ tɛyɛyɛkɛŋã nɛ̀ ɛkpã dadalɛ mɛ.

Tito 2:14

anɔ gɛ yɛalɔkɔ yɛishu akɔ asɛ tɛ̀ ebu ɔlɔ denɔ atakpu mɛ gagalĩɛ petee mɛ. Tɛ̀ epulu ɔlɔ akɔ yɛishu asɛ banɔ gɛenu yayɛ, banɔ gɛ apɛɛ asɛ tɛ̀ babhɛtɛ kɛgɛ pɛ.

Hebrianɛ 8:3

Bezèdzu banɔlũazazã gbagbla ka nyia ka sɛ tɛ azalɔkɔ bɔdɔ̃ kɔkɔ akɔ, tɛ azapɔɛ bɔdɔ̃ tsyɛ, kliso kinu awuhũ dzadzã ibui sɛ tɛ kɛdɔ̃ tili zã yɛtsyɛ ahɔɛ tɛ azakɔ.

Hebrianɛ 9:14

Kiɖuwoe gɛ bakɔ ɔsɛ, Kristo gɛ agã Ɔfɔfuĩa tihɔɔ nɔ mɛ pɛ alɔkɔ yɛishu akɔ, pɛ bamɛ tsitsí nanà ma yɛishu nɛ Owusoso Akaa na mɛɛ, atɛ alà akɔ asɛ yɛdzyosu nɔ eplu bɔlɔ etú mɛ ebui kpa gɛ lagbana ɔlɔ akpɛ butsí mɛɛ, sɛ tɛ bɔmɔ idzo dɛ axɔ̃ɛ ɔkɔ Owusoso Akaa gɛenu enunuɔ mɔɔ dza!

Hebrianɛ 9:23

So awuhũ dzadzã ibui kidzi sɛ tɛ balɔkɔ ɔdɔ̃ pɔpɔɛ adalɛ ɔdɔ̃ gɛ budzi asɛ kitití uyɛ ɛtɔwuiɛ ana shu. Kitití udɔ̃ pɔɔ, bɔdɔ̃ gɛ balɔkɔ adalɛ bɔlɛishu nɔɔ, pɛ̀ dɛ ɔlɛ.

Hebrianɛ 9:26

Pɛ otɛ ɔsɛ kana kɛlɛɛ, tsyɛ alo Kristo atazã bɔtɔ gelee odenɔ kanɔ mɛ esi kpɛkpɛ ibe. Pɔ otsiɛ nɔ Kristo aba kanɔ nɔ̀ mɛ nɛ tɛbaba tinikpo ete mɛ ko nɛ kibe gɔgɔɛ lɛ mɛ, sɛ tɛ alɔkɔ yɛishu akɔ, sɛ tɛ ebu ɔlɔ ebui kpa atɛ.

Petro 1 4:8

Kɛgɛ dɛ alɛ peteɛ, nu ɔsɛ nɔdɛmɛ nɔ nɛ̀ bagɔlɔ piapii, ɔmɔsɛ tɛdɛdɛmɛ nɔ dã ebui kpa bhɛbhɛtɛ gelee ulũ.

Yohanes 1 3:16

Kidzo ɛlɛ abha bɔgã pɛ butì kɛgɛ inu tɛdɛdɛmɛ nɔ, Yesu Kristo alɔkɔ yɛkpã elú akɔ ɔlɔ. Bɔlɔ tsyɛ kɛlɛ sɛ bɔlɔkɔ ɔlɔ ɛkpã lu ɔkɔ ɔlɔ adzya alɛ.

Yohanes 1 3:23

Kɛlɛ yɛɔsha ɔlɛ onu ɔsɛ, tɛ̀ bɔyɛkɛ Yɛeyianyɛ Yesu Kristo abha ŋã, nɛ̀ tɛ bɔdɛmɛ nɛ bagɔlɔ asɛ gɛ ɔkpɛ ɔshà akɔ ɔlɔ ana.

Kibui Bubú Kasɛ 1:5

kɛlɛ odenɔ Yesu Kristo gɛenu anunɔ gɛ adalɛ ebuiɛ alɛ nɛ àlɛ ɔzãkɔ shu, pɛ enu eyi gɛ eputɔ ede bekpuɔ mɛ, pɛ aŋã ukusi nɛ kesiakpa abha ekusi nabha. Yɛenu anunɔ gɛ adɛmɛ nɛ ɔlɔ pɛ ebu ɔlɔ edenɔ ebui kpa mɛ nɛ̀ yɛdzyosu nɔ,

Kibui Bubú Kasɛ 5:9

Kɛlɛ bazhã ɔdzɛ vɔvɔ asɛ, “Wonu anunɔ gɛ ɔshɔnɔ ɔsɛ tɛ bɔlɔkɔ eplukpa kɔ tɛ ɔdalɛ kalɛ adadã, Ɔmɔsɛ wɔ bebhui, kɛlɛ wɔdzyosu nɔ, wɔlɔkɔ odzi banunɔ ɔkɔ Owusoso Akaa odenɔ egbogboɔ nyɔ̃ɔ mɛ, beluhũ, banɔdzyrameeyi nɛ̀ ɛmadi.