Efesoanɛ 4:4 - Nyangbo New Testament

⁴ Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Efesoanɛ 4:4 Iomraidhean Croise

Banɔkpɛkpɛ Axɔ̃ɛ 15:11

Ao! bɔyɛkɛ ŋã ɔsɛ gana bɔlɔ Apalete Yesu tibhui bhuibuɔ mɛɛ, kɛlɛ bayɛkɛ akɔ bɔlɔ asɛ balɛ ana.”

Romanɛ 11:29

ɔmɔsɛ Owusoso Akaa yɛbɔdɔ̃ kɔkɔ anɔ nɛ̀ yɛ banɔ tikukuluɔ titsyina ɖa.

Korintoanɛ 1 10:17

Ɔmɔsɛ gɛ bùkpèe, pɛ kifufulũ tenikpo pɔ kɛlɛ lɛɛ, so budzi ishupi tunikpo, pɛ bɔlɔ petee tã kifufulũ tinikpo alɛ.

Korintoanɛ 1 12:20

Asɛ kana gɛ kɛlɛ, bɔwɔ̃pɛɛ kpè, pɔ ishupi tunikpo.

Korintoanɛ 2 11:4

Ɔmɔsɛ onupɛ anɔ teli aba wɔnɔ ɔkɔ pɛ abaɖɔ kibui nɛ Yesu teli shu ɔdɛ agɛ yɛ shu bɔɖɔ kaɖɔɔ, alo onupɛ nɔyɛkɛ ɔfɔfuĩa bhlatɔ ɔdɛ ɔgɛ ɔlɛ nɔtɛyɛkɛ shuɔ, alo kibui gbangbã bhlatɔ gɛ kɛgã ɔtɔ denɔ kɛgɛ kɛlɛ nɔtɛ yɛkɛ shuɔ, kɛlɛ notsyina tsiɔ̃ faanɔ.

Efesoanɛ 1:18

Ikulu Owusoso Akaa tsyɛ ɔsɛ tɛ ebui mɛ adalɛ akɔ ɔnɔ etú mɛ awuhũɔ sɛ tɛ nɔotì tɛtɔtɔɖɔ nɔnɔ ɛtakpu so pɛ ekulu ɔnɔ, ehoeyi ɔdɔ̃ gɛ lɛ ɔkɔ kaŋãsi dadalɛ gɛakpɛ banɔ dadalɛ mɛ,

Efesoanɛ 2:16

nɛ ishudzya ɛlɛ bedzì tinikpo mɛ, sɛ tɛ abhɛtɛ alɛ taabha tenikpo ɔkɔ Owusoso Akaa ɔgana butsi osi nabha, gɛ ɔlɛ abha yɛetsí pɛ ebu kishi zizĩɛ.

Efesoanɛ 2:18

Ɔmɔsɛ ɔgana yɛabha bɔlɔ ediɛ taabha mɔ kidzo ɔvɛ Akaa ɔkɔ ɔganà ɔfɔfuĩa tonikpo mɛ.

Efesoanɛ 2:22

Kɛlɛ yɛmɛ babhɔ ɔnɔ tsyɛ akpɛ itsù sɛ tɛ nɔodzì ɔzãkɔ gɛ Owusoso Akaa abazã nɛ̀ yɛ ɔfɔfuĩa nɔ.

Efesoanɛ 4:1

Asɛ ɔɖavũ mɛ azazã ɔkɔ Apaleteɛ anaa, ɛkpalà ɔnɔ sɛ tɛ nɔzã nɛ ɛkpã nɔnɔ gɛ shɔnɔ tikukuluɔ gɛ nɔyɛkɛ nulũ.

Efesoanɛ 5:30

ɔmɔsɛ bunu yɛishudzya nɔ wɔpɛ̃.

Koloseanɛ 1:5

tɛyɛyɛkɛŋã nɛ̀ tɛdɛdɛmɛ nɔ gɛide kidzo mɛ ɖiɖi ebuiɛ gɛ babalɛ elu akɔ ɔnɔ nɛ kititiɛ mɛ, asɛ kana gɛ nɔotilũ nɛ kibuiɛ gɛ kinu kibui gbã mɛ, gɛinu kibui gbangbã

Koloseanɛ 3:15

Nɔkɔ Kristo ishu yɔyɔ ŋã wɔnɔ etúɔ nabha, ɔmɔsɛ asɛ banɔ gɛede ishupi tunikpo mɛ ana, bekulu ɔnɔ avɛnɔ ishu yɔyɔ mɛ. Kɛlɛ nɔlɔkɔ ahɔɛhuhu.

Tesalonikanɛ 2 2:16

Tɛ bɔlɔ Apalete Yesu Kristoɔ, nɛ̀ Owusoso Akaa, anɔ gɛ adɛmɛ nɛ ɔlɔ pɛ nɛ yɛ tibhui bhuibuɔ mɛɛ, akɔ ɔlɔ kemikpɛkpɛ tihɔɔ ɔkɔ kidzo gbangbã mɛ tiɖiɖiɛ,

Timoteo 1 1:1

Mɛ Paulo gidzi, Yesu Kristo yɛanɔkpɛkpɛ nɛ Owusoso Akaa gɛebu ɔlɔ yɛɔsha kɔkɔ nulũɔ nɛ̀ Yesu Kristoɔ gɛenu anɔ gɛ buɖi kidzo mɛ ɔkɔ,

Tito 1:2

tɛyɛyɛkɛŋã nɛ̀ kibuititiɛ gɛipo ɛkpã tihɔɔ gɛ buɖi kidzo mɛ, gɛ Owusoso Akaa, anɔ gɛ atɛ sɛ asɛnɛ, atɔɖɔ elu akɔ ɔlɔ flogo pɛ kanɔ nɔ̀ abakpɛ esi,

Tito 2:13

nɛ kibeɛ gɛ buɖi kidzo mɛ ɔkɔ tiyuyula gɛ buɖi kidzo mɛ ɔkɔɔ, nɛ kibeɛ gɛ bupo tiyuyula ɛwuiɛ gɛ buɖi kidzo mɛ ɔkɔ nɛ Owusoso Akaa gbagbla yɛ tɛdadalɛ nɛ̀ Yesu Kristo gɛ ebu ɔlɔ tɛbaba nabha,

Tito 3:7

sɛ tɛ, onupɛ bebhui bɔtsyɔa akɔ ɔlɔ gana yɛ tibhui bhuibuɔ mɛɛ, bɔbadzi kaŋãsi elete gɛ bɔbà ziɖi otugbàa mɛ ɔkɔ ɛkpã tihɔɔ nɔ.

Petro 1 1:21

Gana yɛabha nɔyɛkɛ Owusoso Akaa nabha ɔŋã, anɔ gɛ yɛefeke yɛedenɔ bekpuɔ mɛ pɛ akɔ yɛ ishu dadalɛ, klisoɔ wɔnɔ tɛyɛyɛkɛŋã nɛ̀ otugbà mɛ gɛ nɔoɖiɛ ɔlɛ Owusoso Akaa mɛ.

Yohanes 1 3:3

Anunɔ gɛ eɖì idzomɛ akɔ yɛɛ adalɛ yɛishu, asɛ kana gɛ yɛishuɔ dalɛ ana.