Efesoanɛ 4:16 - Nyangbo New Testament

¹⁶ Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Efesoanɛ 4:16 Iomraidhean Croise

Romanɛ 12:4

Asɛ kɛlɛ́ɛ gɛ ishupi bɔwɔ̃pɛ lɛ bɔlɔ mɛ anɔ aka nyia aka ahɔɛɛ, pɔ anɛ kɛxɔ̃ɛ idi tinikpo bɔwɔa,

Korintoanɛ 1 10:17

Ɔmɔsɛ gɛ bùkpèe, pɛ kifufulũ tenikpo pɔ kɛlɛ lɛɛ, so budzi ishupi tunikpo, pɛ bɔlɔ petee tã kifufulũ tinikpo alɛ.

Korintoanɛ 1 13:13

Kliso otsiɛ nɔ ebui tatá alɛ alalɛ, tɛyɛyɛkɛŋã, kidzo mɛɖiɖi nɛ̀ tɛdɛdɛmɛ nɔ. Pɔ kɛgɛ gbogbolo ɔdɛ nɛ alɛ nɛishiɛ kɛlɛinu tɛdɛdɛmɛ nɔ.

Korintoanɛ 1 8:1

Otsiɛ nɛ bɔŋaŋãa gɛ batɔ akɔ ibudiɛ shuɔ, bunyi ɔsɛ kɛlɛ tititì mɛ ɔkɔ ɔlɔ petee. Bubutì kɔ befeke ishu, pɔ tɛdɛdɛmɛ nɔ xɔnɔ bhɔ banɔ ewunɔ kabha.

Galatianɛ 5:22

Pɔ Ɔfɔfuĩa nɔ eyuyuɔ yɛenu tɛdɛdɛmɛ nɔ, same mɔmɔ, ishu yɔyɔ, tɛdɔdɔ fɔ̃ɔ, ɛyamɛ gbangbã tɛbhɛbhɛtɛ, kibui gbangbã tɛbhɛbhɛtɛ, kibui gbã tɛɖɔɖɔ,

Galatianɛ 5:6

Ɔmɔsɛ nɛ Kristoɔ Yesu mɛɛ, kɛnanà ma kɛhɔ̃a bhui bhui alo kɛhɔ̃a mabhui mabhui mɛ. Kɛgɛ ɛlɛ sɛ beɖiɛ kɛlɛinu tɛyɛyɛkɛŋã gɛibu ishu kasɛ ɔgana tɛdɛdɛmɛ nɔ mɛ.

Efesoanɛ 1:4

Ɔmɔsɛ yɛebu ɔlɔ sɛ bɔzã yɛ mɛ, flogo pɛ kanɔ nɔ̀ aba kpɛ esi, tɛ bɔlɔ shu dalɛ tɛ batɛ mɔ ibui zizĩ nanà nɛ ɔlɔ shu nɛ yɛamɛ. Nɛ̀ tɛdɛdɛmɛ nɔ mɛɛ,

Efesoanɛ 3:17

sɛ tɛ Kristo azã wɔnɔ etúɔ mɛ ɔgana tɛyɛyɛkɛŋã mɛ. Kɛlɛ ikulu Owusoso Akaa sɛ tɛ nɔkpɛ igu tɛ wɔnɔ tɛdɛdɛmɛ nɔ gagalĩ,

Efesoanɛ 3:7

Ɛbadzì axɔ̃ɛdɛ ɔkɔ kibui gbangbã ɛlɛ nɛ Owusoso Akaa kɛdɔ̃ kɔkɔ nɛ̀ tibhui bhuibuɔ gɛ akɔ mɛ ɔganà yɛohumi nɔ axɔ̃ɛ wɔawɔa mɛ.

Efesoanɛ 4:12

sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Efesoanɛ 4:15

Pɔ bɔɖɔ kibui gbã nɛ tɛdɛdɛmɛ nɔ mɛ, bɔbà shè nɛ ebuiɛ petee mɛ nɛ Kristo anɔ gɛinu ɔlɔ ɛtakpuɔ mɛ.

Filipianɛ 1:9

Kɛlɛ́ɛ kɛlɛinu mɛ Owusoso Akaa tikukulu ɔsɛ, tɛ wɔnɔ tɛdɛdɛmɛ nɔ kpè tɔɖɔ nɛ kibui titì nɛ̀ ebui esi lulũɔ gɛedzuɔ mɛ,

Koloseanɛ 2:19

Ayala idzoɔ gɛ kpasɛ yɛ nɛ agɛ yɛenu Kɛtakpuɔ nɛishi, anunɔ gɛ yɛ mɛ ishudzya petee nyana agɔlɔ ovunɔ pɛ lɛkpɛ tsà nɛ̀ tɛzɛ̃ɛ, pɛ lishe asɛ kana gɛ Owusoso Akaa abhɛtɛ asɛ lisheɛ.

Koloseanɛ 2:2

Kɛgɛ ɛtɔɖɔ kɛlɛinu ɔsɛ tɛ̀ bamɔ̃ kemikpɛkpɛ nɛ alɛ etúɔ mɛ tɛ̀ babhɛtɛ tenikpo nɛ tɛdɛdɛmɛ nɔ mɛ, sɛ tɛ bamɔ ehoeyi ɔdɔ̃ petee nɛ ebui esi lulũ mɛ, sɛ tɛ̀ betì Owusoso Akaa ebui kpukpũɔ gɛ bekulu asɛ Kristoɔ,

Tesalonikanɛ 1 1:3

Butsiɖi ɛlɛ abha bakà wɔnɔ nɛ bɔlɔ Owusoso Akaa namɛ, anɔ gɛenu bɔlɔ Akaa nɛ wɔnɔ kɛxɔ̃ɛ wɔawɔa gɛ mana tɛyɛyɛkɛŋã shu, wɔnɔ bɔtɔ mana tɛdɛdɛmɛ nɔ, nɛ̀ wɔnɔ kemi kpɛkpɛ gɛ mana ohumi kpɛkpɛ nɛ bɔlɔ Apalete Yesu Kristo mɛ.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Tesalonikanɛ 1 3:12

Tɛ̀ Apaleteɛ akɔ wɔnɔ tɛdɛdɛmɛ nɔ wlui kpè tɔɖɔ tɛ kiyuku balɛ̀ ɔkɔ bagɔlɔ nɛ̀ anɔ nyia anɔ tsyɛ, asɛ gɛ bɔlɔ ɛyɛ bhɛtɛ kɔ wɔnɔ.

Tesalonikanɛ 2 1:3

Mɛadzya alɛ mɔ, kɛlɛ sɛ tɛ buhu Owusoso Akaa ahɔɛ kibe nyia be ɔkɔ wɔnɔ, kɛpɛ ana, ɔmɔsɛ gɛ wɔnɔ tɛyɛyɛkɛŋã kpe tɔɖɔ soɔ, tɛdɛdɛmɛ nɔ gɛ kpasɛ wɔnɔ mɛ ɔkɔ bagɔlɔ tsyɛ kpe tɔɖɔ.

Timoteo 1 1:5

Kɛgɛ kɛlɛishu bakpɛ ɔsha ɔlɛ kɛlɛinu tɛdɛdɛmɛ nɔ, gɛide kitúɔ gɛ dalɛ nɛ̀ ekpeɖekpeɖeɛ gɛ yɛmɛ adalɛ ɔplɛnɔ tɛyɛyɛkɛŋã gbangbã.

Petro 1 1:22

Otsiɛ gɛ nɔoplu ishu pɛ nɔolũ atɔ̃ ɔkɔ kibui gbã, sɛ tɛ nɔdɛmɛ nɔ nɛ̀ wɔnɔ adzya alɛ, tɛ nɔdɛmɛ nɔ nɛ bagɔlɔ denɔ kitúɔ mɛ piapii.

Yohanes 1 4:16

Kliso bunyi, kɛlɛ bɔkpà plɛnɔ Owusoso Akaa tɛdɛdɛmɛ nɔ nɛ̀ bɔlɔ. Owusoso Akaa enu tɛdɛdɛmɛ nɛ anɔ. Anunɔ gɛ edzinɔ yɛkpã nɛ̀ tɛdɛdɛmɛ nɔɔ, anɔ alɛ akpasɛ Owusoso Akaa mɛ, kɛlɛ Owusoso Akaa tsyɛ akpasɛ yɛ mɛ.