Efesoanɛ 4:12 - Nyangbo New Testament

¹² sɛ tɛ babalɛ̀ Owusoso Akaa anunɔ akɔ axɔ̃ɛ wɔawɔa nɛ̀ axɔ̃ɛ dɛdɛ, sɛ tɛ babhɔ Kristo yɛishudzyaa ewunɔ kabha

Efesoanɛ 4:12 Iomraidhean Croise

Banɔkpɛkpɛ Axɔ̃ɛ 1:17

Yuda edzi bɔlɔ ɔmayɛmɛ tenikpo, kɛlɛ bakɔɛ ɔzãkɔ nɛ bɔlɔ axɔ̃ɛdɛdɛ alɛ mɛ.”

Banɔkpɛkpɛ Axɔ̃ɛ 1:25

ɔsɛ tɛ abavɛ banɔkpɛkpɛ axɔ̃ɛ wɔawɔa nabha gɛ Yuda ashɛnɛ ahɔɛ elú pɛ avɛ ɛkɛlɛ gɛ ashɔnɔ asɛ tɛ avɛɛ.

Banɔkpɛkpɛ Axɔ̃ɛ 11:23

Gɛ ediku pɛ amɔ asɛ kibui gbã kinu ɔsɛ Owusoso Akaa ebhui balɛ ebuɔ, same ekui, kɛlɛ akpɛ balɛ petee kemi asɛ tɛ̀ balɔkɔ̀ balɛ etúɔ nyɔ̃ɔ azã nɛ̀ ɛkpã ɔkɔ Apaleteɛ.

Banɔkpɛkpɛ Axɔ̃ɛ 20:24

Klisoɔ, ɛtɛka lɔkɔ mɛkpã asɛ lɛinu kɛdɔ nanà ɔkɔ mɛ, pɛ ɛtalà kɛxɔ̃ɛ gɛ Apalete Yesu akpɛ mɛahɔɛ wɔa bekeɛ, kɛxɔ̃ɛ gɛ kɛlɛinu ɔsɛ tɛ ɛdalɛ Owusoso Akaa ibuiɛ gɛ kibhui bɔlɔ buɔ shu.

Banɔkpɛkpɛ Axɔ̃ɛ 20:28

Nɔzanà awɔ̃ ɔkɔ wɔnɔ ishu tɛ nozoɖi ibhoshiɛ gɛ Ɔfɔfuĩa Gbangbã ɔkpɛ wɔnɔ ahɔɛ ɔsɛ nɔoɖi ɛlɛ abha. Nodzi ibhoshi agbagbana elete ɔkɔ Owusoso Akaa ɔhaa, gɛ edzi nɛ yɛ dzyosu nɔ.

Banɔkpɛkpɛ Axɔ̃ɛ 9:31

Kɛlɛ ɔhaa petee gɛzã Yudea, Galilea nɛ̀ Samaria ɔdɔ̃ mɛɛ abamɔ ishu yɔyɔ nɛ kibè ɛlɛ. Ɔfɔfuĩa Gbangbã ɔkpɛ kemì ɔkɔ ɔhaa, kɛlɛ ɔhamɛ banunɔ ekpè atɔɖɔ kɛlɛ bazã nɛ̀ ɛkpã pɛ beesi Apaleteɛ nifù.

Romanɛ 12:5

kana ɛbe gana Kristo mɛɛ, bɔlɔ banɔ kpekpè alɛ pete bɔbhɛtɛ tenikpo, kɛlɛ bɔlɔ ishupi ɔwɔ̃pɛ nɔ kpɛ olũgbu nɛ bagɔlɔ mɛ.

Romanɛ 12:7

Onupɛ kɛxɔ̃ɛ dɛdɛ anunɔ ayɛkɛɛ, nɔkɔ yɛadɛ ɛlɛ, kana ɛbe onupɛ kinu bɔdɔ̃ kakasɛ gɛ anɔ teli tsyɛ ayɛkɛ, nɔkɔ yɛakasɛ bɔdɔ̃ɔ,

Romanɛ 14:19

Kliso nɔkɔ bɔkpɛ emi tɛ bɔbhɛtɛ kɛgɛ bamana ishu yɔyɔɔ, tɛ bɔbhɛtɛ ebuiɛ gɛ bɔba lɔkɔ kpɛ bagɔlɔ ohumi nɔɔ nɔ̀.

Romanɛ 15:14

Mɛelɛ alɛ mɔ, ɛmɔ kɛlɛ idenɔ mɛishu mɛ ɔsɛ, nodzi banɔ gbangbã nɛ bubuti mɛ, kɛlɛ nɔna gɛ nɔbɔlà kasɛ bagɔlɔ ɔdɔ̃.

Romanɛ 15:2

Kɛlɛ sɛ tɛ bɔlɔ ɔmayɛmɛ aka nyia aka abhɛtɛ kɛgɛ baku yɛɔhagbo awɔ̃, pɛ ebeshe atɔɖɔ nɛ yɛtɛyɛyɛkɛŋã mɛ.

Romanɛ 15:29

Inyi sɛ ɛbaku wɔnɔ ɔkɔɔ, ɛbalɔkɔ Kristo yɛtiyuyula gɛ lɛ Yɛibui Gbangbã mɛ mana wɔnɔ nɛ tikpekpè mɛ.

Korintoanɛ 1 12:27

Otsiɛnɔ wɔnɔ onu Ishupiɛ ɔkɔ Kristoɔ, kɛlɛ wɔnɔ petee onu kawɔ̃pɛ tieli ɔkɔ ɛlɛ.

Korintoanɛ 1 12:7

Otsiɛnɔ anɔka nyia ka bakɔɛ Ɔfɔfuĩa nɔ axɔ̃ɛ wɔawɔa ɔkɔ kɛgbangbã tɛbhɛbhɛtɛ.

Korintoanɛ 1 14:12

Kana kibui ɛlɛ ɛlɛ wɔnɔ kawɔ̃pɛ mɛ. Gɛ nɔpɛ ɔsɛ tɛ̀ nɔyɛkɛ ɔfɔfuĩa mɛ bɔdɔ̃ kɔkɔ soɔ, nɔkpɛ kemi tɛ̀ wu kabha nɛ bɔdɔ̃kɔkɔ nɔnɔ gɛ bɔbà bhɔ ɔhaa wunɔ kabha mɛ.

Korintoanɛ 1 14:14

Ɔmɔsɛ onupɛ ɛɖɔ kaɖɔ nɛ beluhũvɔvɔ mɛ, mɛ ɔfɔfuĩa nɔ ɔlɔ kulu Owusoso Akaa, pɔ mɛ ekpeɖekpeɖeɛ xɔnɔ atɛamɔ eyuyù nanà denɔ kɛlɛ mɛ.

Korintoanɛ 1 14:26

Mɛadzya alɛ mɔ, kiɖe buwlui zɛbaɖɔ dza? Onupɛ nobo shogòɔ, ɔdzɛ zhazhã ɔlɛ aka nyia aka ahɔɛ alo kibui gɛ balɔkɔ akpalà anɔ, kibui bubu kasɛ, beluhũ vɔvɔ tihuhu nɛ̀ bɔlɛ esi bubu lɛ aka nyia aka ahɔɛ. Kɛlɛ sɛ babhɛtɛ alɛ nyɔ̃ɔ tɛ ledzi ohumi kpɛkpɛ ɔkɔ ɔhaa.

Korintoanɛ 2 12:19

Aabhɛtɛ wɔnɔ sɛ bɔpɛ asɛ tɛ bubu bɔlɔshu ulũ nɛ wɔnɔ amɛ dza? Bɔɔɖɔ kaɖɔ nɛ Owusoso Akaa amɛ asɛ banɔ gɛ akpasɛ Kristo mɛ ana, mɛadzya alɛ gɛ ɛdɛmɛ nɔ, kɛka nyia ka gɛ bɔbhɛtɛ, bɔbhɛtɛ ɛlɛ ɔkɔ wɔnɔ sɛ tɛ nɔzã gagalĩ.

Korintoanɛ 2 13:11

Otsi alɛ mɛ adzya alɛ, ɛshɛ mɔ̃ o. Nɔoɖi kɛgɛ bakɔ nɔbɔ pɛ ɔtɔɖɔ ɔkɔ, nɔolũ mɛibuiɛ gɛ ibisi denɔ wɔnɔ ɔkɔ, nɔzã ekpeɖekpeɖe tenikpo mɛ, nɔzã ishu yɔyɔ mɛ. Kɛlɛ Owusoso Akaa gɛ alɛ ɔkɔ tɛdɛdɛmɛ nɔ nɛ̀ ishu yɔyɔ mɛɛ abazã plɛnɔ wɔnɔ.

Korintoanɛ 2 13:9

Same eku ɔlɔ gɛ onupɛ bubotsoɔ, pɔ wɔnɔ xɔnɔ ɔgagalĩ, kɛlɛ bɔlɔ Owusoso Akaa tikukulu lɛ ɔkɔ wɔnɔ tɛpɛpɛ̃.

Korintoanɛ 2 3:8

kidzi ana pɔ, bɔlɔ axɔ̃ɛ wɔawɔa gɛede Ɔfɔfuĩa nɔmɛ ishu taadalɛ ɔdɛ ana dza?

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Korintoanɛ 2 5:18

Alɛ petee ede Owusoso Akaa ɔkɔ, anɔ gɛ yɛabhɛtɛ tenikpo nɛ̀ bɔlɔ ɔgana Kristo abha kɛlɛ akɔ bɔlɔ kɛxɔ̃ɛ wɔawɔa, gɛ mana tenikpo bhɛbhɛtɛ,

Korintoanɛ 2 6:3

Bugilu kɛdɔ̃ kpakpata nɛ anɔ nanà kidzo mɛ, ɔsɛ tɛ bɔlɔ axɔ̃ɛ wɔawɔa etibedzi kɛlɛɛ ete.

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Efesoanɛ 1:23

gɛinu yɛishu dzyaa, nɛ̀ yɛishuɔ petee gɛ alɔkɔ eyuku kɛka nyia ka mɛ nɛ kidzo ka nyia ka abha.

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Efesoanɛ 4:29

Nɔtɛ kɔ kibui kpa nanà de koeyi nɛ ɔnɔ olugbũɔ mɛ oɖi, pɔ kɛgɛ ba plɛnɔ pɛ nɔ bɔbhɔ babhlatɔ ɔtɔɖɔ nɛ kɛpɛɛ gɛ bapɛ ulũ, tɛ kɛkɔ sɛ bagɛ elũ kibuiɛ amɔ kibui tili edenɔ ɛlɛ mɛ.

Efesoanɛ 4:4

Ishudzya tinikpo nɛ̀ Ɔfɔfuĩa tonikpo ɔlɔ lɛ, asɛ kana gɛ bekulu ɔnɔ akɔ kidzo mɛ ɖiɖi tinikpo nɛ kibeɛ gɛ bekulu ɔnɔ.

Koloseanɛ 1:24

Otsi alɛ ɛmɔ samɛ nɛ kɛgɛ ɛlɛ shu mɛtɔ ɔkɔ ɔnɔ, kɛlɛ mɛishu dzya mɛ yuku nɛ̀ kɛgɛ ma mɛahɔɛ nɛ Kristo ɔtɔ shuɔ, ɔmɔsɛ nɛ yɛishu dzya shu soɔ, gɛenu ɔhaa

Koloseanɛ 1:28

Bɔɖɔ yɛebuiɛ ɔkanà, kɛlɛ bɔlɔkɔ bubutì petee kpalà anɔ pɛ bɔkasɛ alɛ ɔdɔ̃, sɛ tɛ̀ bɔkɔ aka nyia aka ana nɛ Kristo mɛ.

Koloseanɛ 4:17

Nɔotseɖe Akipo ɔsɛ, “Ɖi ɛlɛ ɔkɔ ɔsɛ ɔwɔa kɛxɔ̃ɛ gɛ ɔyɛkɛ odenɔ Apaleteɛ ɔkɔ obeke.”

Timoteo 1 1:12

Ihu bɔlɔ Apalete Kristo Yesu ahɔɛ, anɔ gɛ yɛakɔ mɛ ohumi, pɛ ayɛkɛ mɛabha aŋã sɛ ɛtɛsɛ asɛnɛ, pɛ ebu mɛ akɔ yɛxɔ̃ɛ wɔawɔa.

Timoteo 2 4:11

Luka ete yɛalɛ mɛɔbha. Nɔpɛ Marko tɛ nɔgbanà yɛɔmana ɔmɔsɛ akɔ mɛ tɛpɛplɛnɔ nɛ mɛ axɔ̃ɛ wɔawɔa mɛ.

Timoteo 2 4:5

Pɔ wɔ xɔnɔɔ, zã gagalĩi nɛ kɛka nyia ka mɛ, kpɛ emi nɛ ebui gagalĩ mɛ, wɔa kɛxɔ̃ɛ asɛ anɔ gɛ akanà kibuiɛ ana, wɔa axɔ̃ɛ petee ɔkɔ wɔ ɔhaa.

Hebrianɛ 13:17

Nolũ atɔ̃ ɔkɔ bagɛ alɛ̀ ɔnɔ lũɔ, tɛ nɔkpɛ ɛtakpu esi ɔkɔ alɛ gɛ balɛ eɖi wɔnɔ abha, pɛ balɛ enu banunɔ gɛ babàkɔ akɔnta nɛ wɔnɔ shuɔ. Nolũ atɔ̃ nɛ alɛ, sɛ tɛ balɛ ɛxɔ̃ɛ wɔawɔa etsyina edzi same ibui, pɔ nɔtɛkpɛ bɔtɔ gɛ tɛba mana ɔnɔ ibui gbangbã nanà nɔ.

Hebrianɛ 6:1

Kliso nɔkɔ bɔshɛnɛ ahɔɛ nɛ kesi kpɛkpɛ ɔdɔ̃ kakasɛ nɛ Kristo shuɔ lu, tɛ bushe tɔɖɔ. Nɔtɛ ɔkɔ buwlui zɛkasɛ ɔdɔ̃ nɛ kitú mɛ tsyitsyina ebuiɛ gɛ lagbana anɔ akpɛ butsí mɛɛ shu, nɛ̀ ɔdɔ̃ kakasɛ vɔvɔ nɛ kɛyɛkɛ gɛ bɔba yɛkɛ Owusoso Akaa nabha ɔŋã shu,