Efesoanɛ 3:8 - Nyangbo New Testament

⁸ Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Efesoanɛ 3:8 Iomraidhean Croise

Banɔkpɛkpɛ Axɔ̃ɛ 5:41

Banɔkpɛkpɛ ashɛ nɛ kebhu okulukɔ nɛ̀ same, ɔmɔsɛ bakalà balɛ asɛ banɔ gɛ bashɔnɔ asɛ bamɔ bɔtɔ nɛ̀ awuĩ nɛ Yesu yɛinyeɛ nɛ takpu.

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 11:33

Owusoso Akaa yɛehoeyiudɔ̃ mɔmɔ̃ɔ kpè mɔ lo! Kɛlɛ yɛubutiɛ nɛ̀ ebuesi lulũɔ mɛ edzu mɔɔ dza! Kiɖuwoe gɛlɛ anɔ teli ahɔɛ akɔɛ onupɛ aɖɔaɖɔ pɛ ebhui ibui mɛ? Kɛlɛ afana gɛ abalà elũ yɛɔgã mɛ niesi?

Romanɛ 12:10

Nɔlɔkɔ tɛpɛplɛnɔ ɔkɔ bagɔlɔ nɛ tɛdɛdɛmɛ nɔ̀ nɛ̀ bagɔlɔ mɛ, ɔmɔ asɛ bélɛɛ nɛ Kristo mɛ ana. Nɔkpɛ ɛtakpu esi ɔkɔ bagɔlɔ ɔdɛ wɔnɔ ahɔɛ ishu.

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Korintoanɛ 1 1:30

Yɛ sopɛ nɔkpasɛ Yesu Kristo mɛ, anɔ gɛ yɛakɔ ɔlɔ bubuti odenɔ Owusoso Akaa ɔkɔ, gɛ kɛlɛinù bɔlɔ tɛzazã piapii, ishudadalɛ nɛ̀ bɔlɔ tibubuyinɔ odenɔ ebui kpa bhɛbhɛtɛ mɛ.

Korintoanɛ 1 15:9

Ɔmɔsɛ mɛinù banɔkpɛkpɛ balɛ agɔgɔɛ nɔ gɛ ɛgɛ shɔnɔ ɔsɛ bekulu mɛ asɛ anɔkpɛkpɛ flogo, ɔmɔsɛ ɛzɛtɔnɔ Owusoso Akaa yɛɔhaa niede.

Korintoanɛ 1 2:9

Asɛ kana gɛ bafɔnɔ elu asɛ, “Ebuiɛ gɛ awuhũ nanà akamɔ eɖiɛ, pɛ batɔ̃ eke elũ eɖiɛ, pɛ kɛka ba ananà ekpeɖekpeɖe mɛ tsyɛ eɖiɛ, alɛ Owusoso Akaa abalɛ elu akɔ bagɛ badɛmɛ yɛibuiɛ”

Galatianɛ 1:16

ɔsɛ tɛ ebu Yɛeyi Anyɛɛ akasɛ ɔgana mɛabha, tɛ mɛdɛ ɖɔ yɛibuiɛ nɛ bagɛ etinu Yudanɛ nɛishi, ɛgɛ yɛkɛ kibuititì odenɔ ananà ɔkɔ,

Galatianɛ 2:8

Ɔmɔsɛ Owusoso Akaa gɛ awɔa axɔ̃ɛ ɔplɛnɔ Petro asɛ anɔkpɛkpɛ ɔkɔ Yudanɛ anaa, yɛawɔa axɔ̃ɛ nɛ mɛ tsyɛ asɛ anɔkpɛkpɛ ɔkɔ bagɛ etinu Yudanɛ.

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Efesoanɛ 3:1

Nɛ kibui ɛlɛ shu soɔ, mɛ Paulo, gɛinu buvũazazã ɔkɔ Kristo Yesu nɛ wɔnɔ bagɛ nɔotinu Yudanɛ ɛtakpu-.

Efesoanɛ 3:16

Ikulu Owusoso Akaa asɛ odenɔ yɛ ehoeyi ɔdɔ̃ dadalɛ mɛɛ, tɛ akɔ nɔ gagalĩ nɛ̀ yɛohumi nɔ ɔgana yɛ Ɔfɔfuĩa nɔ gɛ ɔlɛ ɔnɔ mɛ,

Efesoanɛ 3:19

sɛ tɛ nɔoti tɛdɛdɛmɛ nɔ ɛlɛ gɛ dɛ kibui titì-ɔsɛ tɛ Owusoso Akaa oyuku wɔnɔ mɛ piapii nɛ yɛ kɛlɛɛ gɛ alɛɛ nulũ.

Efesoanɛ 3:2

Kɛlɛ ɛlɛ mɛ ɔsɛ nɔolũ Owusoso Akaa yɛ tibhui bhuibu ɛxɔ̃ɛ gɛ akɔ mɛ akɔ ɔnɔ,

Filipianɛ 2:3

Nɔtɛ bhɛtɛ kibui nanà ɔlɔkɔ pɛ ishu tɛpɛpɛ̃ nɔ, alo ishu fefeke gɛ ma kɛnanà mɛ, pɔ nɔ ozhinì ishu esi, tɛ nɔmɔ babhlatɔ asɛ bapɛ̃ adɛ ɔnɔ shu.

Filipianɛ 4:19

Kɛlɛ mɛ Owusoso Akaa abakɔ ɔnɔ ɔdɔ̃ pɛpɛ nɔ nɛ yɛ ehoeyi udɔ̃ dadalɛ gɛ kpasɛ Kristo Yesu mɛ.

Koloseanɛ 1:27

Balɛ Owusoso Akaa ebu elu asɛ bakɔ bagɛ etinu Yudanɛ etì nɛ ehoeyi ɔdɔ̃ dadalɛ gɛlɛ ebui kpukpũ alɛ shu, gɛenu Kristoɔ gɛ akpasɛ ɔnɔ mɛ, yɛabha bulũ awɔ̃ akɔ ebui dadalɛ.

Timoteo 1 1:13

Gɛ itidzì anɔ gɛ ɛbhɛtɛ ebusoebui eɖi, anɔ gɛ atɔnɔ banɔ ede nɛ̀ anɔ gɛ azabhɛtɛ agbagbà ebui tsyɛ elo, ebi mɛ ashagabui, ɔmɔsɛ ɛbhɛtɛ alɛ petee nɛ matì matì nɛ̀ mayɛkɛ mayɛkɛŋã mɛ.

Timoteo 1 1:15

Kɛlɛ kɛlɛinu kibui gbã tɛɖɔɖɔ gɛ kɛlɛ sɛ bayɛkɛ ɛlɛ sɛ, Kristo Yesu aba kanɔ nɔ̀ mɛ tɛ ebu ebui kpa bhɛbhɛtɛ eleteɛ, gɛ nɛ balɛishiɛ, mɛinu ezizĩɛ ɔdɛ.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.

Kibui Bubú Kasɛ 3:18

Ihu uluhũ kɔ wɔ ɔsɛ tɛ odzi sikã gɛ bewoese nɛ ifu mɛɛ, sɛ tɛ ɔlà otsyina odzi ehoeyielete. Dzi apɔtɛ fufu tɛ ɔdã, tɛ ɔlɔkɔ obu wɔ ɛdɔ̃ makpɛ makpɛ iwuĩ nɔ nɛishu, nɛ̀ awuhũ bɔwa tɛ ɔkpɛ nɛ awuhũɔ mɛ tɛ ɔzɔmɔ piapii.