Efesoanɛ 3:7 - Nyangbo New Testament

⁷ Ɛbadzì axɔ̃ɛdɛ ɔkɔ kibui gbangbã ɛlɛ nɛ Owusoso Akaa kɛdɔ̃ kɔkɔ nɛ̀ tibhui bhuibuɔ gɛ akɔ mɛ ɔganà yɛohumi nɔ axɔ̃ɛ wɔawɔa mɛ.

Efesoanɛ 3:7 Iomraidhean Croise

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Romanɛ 15:16

ebu mɛ asɛ tɛ mɛidzi Kristo Yesu yɛibui gbangbã axɔ̃ɛdɛ ɔkɔ bagɛ betinu Yudanɛ, kɛlɛ asɛ banɔlũazazã anaa, tɛ mɛɖɔ Owusoso Akaa Ibui Gbangbã tseɖe bagɛ betinu Yudanɛ, sɛ tɛ bedzi asɛ bɔdɔ̃ kɔkɔ gbangbã ɔkɔ Owusoso Akaa, gɛ bɔlɛishu Ɔfɔfuĩa Gbangbã ɔdalɛ ana.

Korintoanɛ 1 15:10

Pɔ nɛ kana gɛ Owusoso Akaa ebhui mɛ ebuɔ shu soɔ, idzi kɛdɔ̃ nɔnɔ gɛ kɛlɛ mɛinu oboɔ, kɛlɛ yɛ tibhui bhuibuɔ wɔa axɔ̃ɛ. Oo, ɛwɔa axɔ̃ɛ gagalĩ ɔdɛ balɛ petee, pɔ gɛnɛ mɛ, Owusoso Akaa tibhui bhuibuɔ kɛlɛ zã ɔplɛnɔ mɛ so.

Korintoanɛ 1 3:5

Alɛ petee niedeɛ pɔ, afana gɛenu Apolo? Kɛlɛ afana tsyɛ gɛenu Paulo? Baxɔ̃ɛdɛ ete gɛ balɛ akɔ asɛ nɔyɛkɛ ɔŋã asɛ kɛkpɛ gɛ Apaleteɛ akpɛ kɛxɔ̃ɛ nɛ balɛ ɔmayɛmɛ aka nyia aka ahɔɛ ana.

Korintoanɛ 2 3:6

Yɛakɔ bɔlà kɛxɔ̃ɛ gbangbã wɔawɔa nɛ̀ olugbũ nyanyã vɔvɔ ɔlɛ, anɛ ɔsha keplukpa ɔkɔ kide, pɔ Ɔfɔfuĩa nɔ, ɔmɔsɛ keplukpa xɔnɔ eyì banɔ, pɔ Ɔfɔfuĩa nɔ xɔnɔ lɔkɔ ɛkpã.

Korintoanɛ 2 4:1

Klisoɔ, gɛ gana Owusoso Akaa ashagabui ɖiɖi mɛ bɔwɔa axɔ̃ɛ soɔ, bɔlɔ etúɔ ohuiɛ otio bhui.

Galatianɛ 2:8

Ɔmɔsɛ Owusoso Akaa gɛ awɔa axɔ̃ɛ ɔplɛnɔ Petro asɛ anɔkpɛkpɛ ɔkɔ Yudanɛ anaa, yɛawɔa axɔ̃ɛ nɛ mɛ tsyɛ asɛ anɔkpɛkpɛ ɔkɔ bagɛ etinu Yudanɛ.

Efesoanɛ 1:19

nɛ̀ yɛ ohumi hohoe nɔ gɛ batɛ balà lɔkɔ ashɔnɔ ɔnanà, ɔkɔ bɔlɔ bagɛ yɛkɛ aŋãa. Ohumi ɔlɛ odzi asɛ yɛ ohumi gbagbla nɔ gɛ alɔkɔ awɔa axɔ̃ɛ nɔ,

Efesoanɛ 3:2

Kɛlɛ ɛlɛ mɛ ɔsɛ nɔolũ Owusoso Akaa yɛ tibhui bhuibu ɛxɔ̃ɛ gɛ akɔ mɛ akɔ ɔnɔ,

Efesoanɛ 3:20

Otsi nɔ agɛ yɛabhɛtɛ ebuiɛ gɛ batɛ là alɔkɔ shɔnɔ ebui nanà, ɔdɛ agɛ bubisiɛ petee alo pɛ bɔbhɛtɛ ekpeɖekpeɖe mɛ nɛ alɛ shuɔ, nɛ yɛohumi nɔ gɛ lɔwɔa axɔ̃ɛ nɛ ɔlɔ mɛ nulũ,

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Efesoanɛ 4:16

Odenɔ yɛ mɛɛ, ishudzya petee, tsà pɛ bazɛɛ anyanã ɛlɛ ovunɔ, pɛ bushè pɛ lɛbhɔ ishu utɔɖɔ nɛ tɛdɛdɛmɛ nɔ mɛ, asɛ kɛwɔa gɛ kawɔ̃pɛ ka nyia ka awɔa kɛlɛ axɔ̃ɛ ana.

Koloseanɛ 1:29

Ɔvɛnɔ kibui ɛlɛ ɔgɔgɔɛ ɔkɔɔ mɛɛtɔ, pɛ ɛwlɔ̃akɛ nɛ̀ yɛohumi nɔ petee, gɛ lɔwɔa axɔ̃ɛ gagalĩi nɛ mɛ mɛ̀.

Tesalonikanɛ 1 2:13

Kɛlɛ butsiɖi ɛlɛ abha hu Owusoso Akaa ahɔɛ kibe nyia be, ɔmɔsɛ gɛ nɔyɛkɛ Owusoso Akaa nɛibuiɛ, kibuiɛ gɛ nolũ odenɔ bɔlɔ ɔkɔɔ, nɔgɛ yɛkɛ ɛlɛ asɛ banɔdzyrame ɛbui kinu, pɔ asɛ kana gɛ kɛlɛ nulũ, Owusoso Akaa nɛibuiɛ gɛ ɛwɔa kɛxɔ̃ɛ nɛ wɔnɔ bagɛ nɔyɛkɛŋã mɛ.

Hebrianɛ 13:21

alɔkɔ ɔdɔ̃ gbangbã ka nyia ka idi akɔ ɔnɔ sɛ tɛ nɔbhɛtɛ nɛ yɛibui tɔtɔɖɔ nabha, tɛ abhɛtɛ kɛgiku yɛawɔ̃ nɛ bɔlɔ mɛ ɔgana Yesu Kristo abha. Yɛyɛ́ kɛlinu ishu dadalɛ odenɔ otsiɛ ɔvɛnɔ tihɔ, tihɔ. Amen.