Efesoanɛ 3:5 - Nyangbo New Testament

⁵ kibui gɛ begi bu akasɛ banɔ nɛ kibeɛ gɛtɛ bafala mɛ, asɛ gɛ Ɔfɔfuĩa nɔ obu ɛlɛ ɔkasɛ Owusoso Akaa anɔkpɛkpɛ dadalɛ nɛ̀ ebuiɖɔluanɔ.

Efesoanɛ 3:5 Iomraidhean Croise

Banɔkpɛkpɛ Axɔ̃ɛ 10:28

Kɛlɛ Petro etseɖe alɛ asɛ, “Nonyi piapii ɔsɛ, ɔsha ogɛkɔ kidzo ɔsɛ Yudaeyi nanà akpɛ ɔha nɛ̀ anunɔ gɛetinu Yudaeyi alo tɛ̀ avɛ yɛɔkɔ tsyɛ. Pɔ Owusoso Akaa ebui ɛlɛ akasɛ mɛ asɛ, ɛtakà kulu anɔ nanà ɔsɛ̀ yɛishu gɛdalɛ alo ligibhui.

Romanɛ 16:25

Anunɔ gɛ yɛalà ayɛkɛ wɔnɔ edzu nɛ ɛkpã ɔgana Kibui Gbangbã gɛ ɛkasɛ ɔnɔ mɛ nɛ Yesu Kristo shu, nɛ̀ kibu gɛ bebu ebui kpukpũɔ gɛ lalɛ alɛ ɔzãkɔ odenɔ kuku ibeɛ,

Korintoanɛ 1 2:10

pɔ Owusoso Akaa ebu alɛ akasɛ bɔlɔ xɔnɔ ganà yɛ Ɔfɔfuĩa nɔ mɛ. Ɔfɔfuĩa ɔpɔ̃ɛ ebuiɛ petee mɛ, Owusoso Akaa yɛebui dzudzuɔ mɛ tsyɛ.

Efesoanɛ 2:20

gɛ bedzu atɔɖɔ banɔkpɛkpɛ nɛ̀ ebuiɖɔluanɔ balɛ ebui nabha, ɔplɛnɔ Kristo Yesuɔ gɛ yɛenu odekrekpu ɛklagbu hohoeɛ.

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Petro 2 3:2

Ɛpɛ ɔsɛ nɔ bakà ebuiɛ gɛ ebuiɖɔluanɔ dadalɛ aɖɔ elù aba falanɔ nɛ̀ ɔsha gɛ bɔlɔ Apaleteɛ gɛ ebu ɔlɔ akɔ ɔlɔ ɔganà wɔnɔ banɔkpɛkpɛ nabha.

Yuda 1:17

Pɔ mɛadzya alɛ gɛ ɛdɛmɛ nɔ, nɔ bakà ebuiɛ gɛ bɔlɔ Apalete Yesu Kristo yɛanɔkpɛkpɛ aɖɔ akpɛ otugbàa.