Efesoanɛ 3:2 - Nyangbo New Testament

² Kɛlɛ ɛlɛ mɛ ɔsɛ nɔolũ Owusoso Akaa yɛ tibhui bhuibu ɛxɔ̃ɛ gɛ akɔ mɛ akɔ ɔnɔ,

Efesoanɛ 3:2 Iomraidhean Croise

Banɔkpɛkpɛ Axɔ̃ɛ 13:2

Kibeɛ gɛ bazanyã olũgbu pɛ baakpɛ kɛtakpu esi akɔ Apaleteɛ, Ɔfɔfuĩa Gbangbã otseɖe balɛ ɔsɛ, “Nobu Barnaba nɛ̀ Saulo ɔtɔ ɔkɔ kɛxɔ̃ɛ gɛ kɛlɛishu mɛikulu alɛ.”

Banɔkpɛkpɛ Axɔ̃ɛ 13:46

Kɛlɛ Paulo nɛ̀ Barnaba ebu balɛ ishu ulũ nɛ kifù masi masi mɛ asɛ, “Wɔnɔ kɛlɛ ɔsɛ buputɔ ɖɔ Owusoso Akaa ibuiɛ ɔkɔ. Pɔ gɛ nɔgɛ yɛkɛ ɛlɛ pɛ nɔmɔ ɔsɛ nɔshɔnɔ ɔkɔ ɛkpã tihɔ nɔ soɔ, butsyina ɛlɛ ɔvɛnɔ bagɛ etinu Yudanɛ ɔkɔ.”

Banɔkpɛkpɛ Axɔ̃ɛ 22:21

“Kɛlɛ Apaleteɛ etseɖe mɛasɛ, ‘Gavɛ, ɛbakpɛ wɔ sɛsɛ fãa nɛ bagɛ etinu Yudanɛ ɔkɔ.’ ”

Banɔkpɛkpɛ Axɔ̃ɛ 9:15

Pɔ Apaleteɛ etseɖe Anania asɛ, “Gavɛ! Anyɛ alɛ enu anɔ gɛ ibú ɔsɛ tɛ̀ alɔkɔ mɛinyeɛ avɛnɔ bagɛ betinu Yudanɛ nɛ̀ balɛ bekusiɛ nɛ̀ Israel kɛmadiɛ ɔkɔ.

Romanɛ 1:5

Gana yɛabha, kɛlɛ nɛ yɛinye mɛɛ, bɔmɔ tibhui bhuibu kɛlɛ budzi banɔkpɛkpɛ sɛ tɛ bukulu banɔ odenɔ bagɛ betinu Yudanɛ pete ishi mana batɔ̃ lulũ gɛ bede tɛyɛyɛkɛŋã mɛ.

Romanɛ 11:13

Ɛɖɔ kaɖɔ ɔkɔ wɔnɔ bagɛ notinu Yudanɛ. Mɛ asɛ anɔkpɛkpɛ ɔkɔ wɔnɔ bagɛ notinu Yudanɛ ana, ɛwɔa mɛaxɔ̃ɛ

Romanɛ 12:3

Nɛ tibhui bhuibuɔ gɛ bakɔ mɛ nulũɔ, itseɖe wɔnɔ ɔmɛ anɔ ka nyia ka asɛ atɛ alɔkɔ yɛishu asɛ yɛadɛ. Nɛ kɛlɛ inye mɛɛ, nɔbhɛtɛ ekpeɖekpeɖe mɛ nɛ ishu esi zhizhinɔ ɛkpã zazãna shu boŋ, tɛ anɔ nyia anɔ ebhui ibui mɛ nɛ tɛyɛyɛkɛŋã nɛidi gɛ nɔyɛkɛ odenɔ Owusoso Akaa akɔ nɔɔ shu.

Korintoanɛ 1 4:1

Klisoɔ, kɛlɛ sɛ aka nyia aka alɔkɔ bɔlɔ asɛ Kristo yɛanɔkpɛkpɛ ana, nɛ̀ asɛ bagɛ balɔkɔ Owusoso Akaa yɛebui kpũkpũɔ akpɛ ahɔɛ akɔ alɛ ana.

Galatianɛ 1:13

Ɔmɔsɛ nɔotilũ mɛ ɛkpãa gɛ ɛzã bafala nɔ nɛ Yudanɛ ɛkɔɔ tishushuɔ shu, kɛtɔnɔ gɛ ɛzɛ tɔnɔ ɔha niede gagalĩi pɛ ɛpɛ ɔsɛ tɛ̀ mɛyɛ yɛɛ.

Efesoanɛ 1:10

sɛ tɛ balɔkɔ ɛlɛ akpɛ axɔ̃ɛ wɔawɔa mɛ gɛ onupɛ kibeɛ bana sɛ tɛ laba alɛ mɛɛ, tɛ balɔkɔ ebuiɛ petee nɛititíɛ nɛ̀ kesiakpa nabha akpɛ itsu tɛ lazã anɔ tenikpo esi, anɔ gɛenu Kristoɔ.

Efesoanɛ 3:7

Ɛbadzì axɔ̃ɛdɛ ɔkɔ kibui gbangbã ɛlɛ nɛ Owusoso Akaa kɛdɔ̃ kɔkɔ nɛ̀ tibhui bhuibuɔ gɛ akɔ mɛ ɔganà yɛohumi nɔ axɔ̃ɛ wɔawɔa mɛ.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Efesoanɛ 3:9

nɛ̀ tɛ mɛ dalɛ ɛlɛ mɛ ɔkɔ aka nyia aka nɛ kɛxɔ̃ɛ kpukpũ ɛlɛ gɛ asɛ agɔ kpekpè nɛ alɛ bekpũ ɛlɛ nɛ Owusoso Akaa mɛ, anɔ gɛ yɛabhɛtɛ kɛka nyia ka.

Efesoanɛ 4:21

Kɛlɛ ɛlɛ mɛ sɛ nɔolũ yɛɔdɔ̃, kɛlɛ bakasɛ ɔnɔ ɔdɔ̃ nɛ yɛ mɛ, nɛ kibui gɛlɛ ɛlɛ ɔzãkɔ nɛ Yesu mɛ.

Efesoanɛ 4:7

Pɔ bɔlɔ mɛ anɔ ka nyia ka, akɔ yɛ tibhui bhuibu asɛ kana gɛ Kristo ayá ɛlɛ akɔ.

Koloseanɛ 1:4

ɔmɔsɛ bulu wɔnɔ tɛyɛyɛkɛŋã nɛ Yesu Kristo abha nɛ̀ wɔnɔ tɛdɛdɛmɛ nɔ gɛ nɔlɔkɔ ɔkɔ banɔ dadalɛ petee,

Koloseanɛ 1:6

gɛ ba ɔnɔ kɔ. Nɛ kanɔ nɔ̀ mɛ petee nɔ, kibui gbangbã ɛlɛ yù eyuyù kɛlɛ kishe tɔɖɔ, asɛ kana gɛ kɛbhɛtɛ nɛ wɔnɔɛshi odenɔ kiwui ɛlɛ nabha gɛ nɔolũ ɛlɛ pɛ nɔolũ Owusoso Akaa tibhui bhuibu nɛ̀ ɛlɛ kibui gbã petee esi.

Timoteo 1 1:11

ɔsha gɛ lɔbhɛtɛ tenikpo nɛ̀ Owusoso Akaa gɛ beyulà yɛibui gbangbã, kibui gɛ alɔkɔ akpɛ mahɔɛ mɛ.

Timoteo 1 1:4

alo tɛ̀ balɔkɔ ishu ashɔkpɛ asɛnɛ ebui nɛ̀ eshopo tɛshɔshɔrɔ gɛeti beleɛ mɛ. Ebui alɛ amana kawlɔ̃akɛ ebui ɔdɛ Owusoso Akaa kɛxɔ̃ɛ-gɛinu tɛyɛyɛkɛŋã.

Timoteo 1 2:7

Nɛ kibui ɛlɛ shu soɔ, bebu mɛ asɛ anɔkpɛkpɛ nɛ̀ adɔkasɛ ɔkɔ bagɛ etinu Yudanɛ, tɛ ɛdɛ ɖɔ tɛyɛyɛkɛŋã ibuiɛ gɛlɛ ɛlɛ ɔzãkɔ ɔkɔ alɛ. Kibui gbã mɛɖɔ, gɛnɛ asɛnɛ mɛsɛ.

Timoteo 2 1:11

Nɛ kibui gbangbã ɛlɛ shuɔ, bedzu mɛ otugbà anɔ, anɔkpɛkpɛ nɛ̀ adɔkasɛ.