Efesoanɛ 3:10 - Nyangbo New Testament

¹⁰ Yɛ tɛtɔtɔɖɔ kɛlɛ idzì ɔsɛ otsiɛ nɔ, ɔgana ɔha nabhaa, kɛlɛ sɛ bebu Owusoso Akaa bubutiɛ gɛ bukpè tɔɖɔɔ ɔkasɛ bekusiɛ nɛ̀ ihumi eleteɛ nɛ kititì ɔdɔ̃ mɛ,

Efesoanɛ 3:10 Iomraidhean Croise

Romanɛ 11:33

Owusoso Akaa yɛehoeyiudɔ̃ mɔmɔ̃ɔ kpè mɔ lo! Kɛlɛ yɛubutiɛ nɛ̀ ebuesi lulũɔ mɛ edzu mɔɔ dza! Kiɖuwoe gɛlɛ anɔ teli ahɔɛ akɔɛ onupɛ aɖɔaɖɔ pɛ ebhui ibui mɛ? Kɛlɛ afana gɛ abalà elũ yɛɔgã mɛ niesi?

Romanɛ 8:38

Ɔmɔsɛ ɛyɛkɛŋã ɔsɛ, onu butsí tsyɛo alo ɛkpã, akaa axɔ̃ɛdɛ alo ɛfɔfuĩa zizĩ, kibe ɛlɛ alo kɛgɛ babaa, alo ihumi,

Korintoanɛ 1 1:24

pɔ bagɛ Owusoso Akaa ekulu xɔnɔ, Yudanɛ nɛ̀ Helanɛ petee, Yesu yɛenu Owusoso Akaa yɛohumi nɛ̀ bubutì.

Korintoanɛ 1 2:7

Oo, Owusoso Akaa bubutiɛ gɛ bukpũɔ shu bɔɖɔ kaɖɔ, bubutìɛ gɛ bekpũ bɔlɛ pɛ Owusoso Akaa abalɛ elú akɔ bɔlɔ shu dadalɛ flogo pɛ kanɔ nɔ̀ abakpɛ kesi.

Efesoanɛ 1:21

gɛ bɔɖama ɔdɛ bukusi ŋaŋã nɛ̀ ɔsha ka nyia ka ɛdi, ohumi nɛ̀ banɔ abha ŋaŋã, nɛ̀ ɔzãkɔ inye ka nyia ka gɛ babalà akɔ, gɛnɛ obo kanɔ alɛ mɛ ete, pɔ nɛ kanɔ nɔ̀ gɛ kababáa mɛ tsyɛ.

Efesoanɛ 1:23

gɛinu yɛishu dzyaa, nɛ̀ yɛishuɔ petee gɛ alɔkɔ eyuku kɛka nyia ka mɛ nɛ kidzo ka nyia ka abha.

Efesoanɛ 1:3

Nɔkɔ bɔkpɛ Owusoso Akaa gɛenu bɔlɔ Apalete Yesu Kristo Yɛakaa nɛinye nɛitití, anɔ gɛ alɔkɔ ɔfɔfuĩa mɛ tiyuyula ka nyia ɛdi gɛ kpasɛ Kristo mɛ eyula akɔ ɔlɔ odenɔ kititiɛ.

Efesoanɛ 1:8

gɛ alɔkɔ akɔ nɛ tikpekpè nɛ bubuti nɛ̀ ebui esi lulũ petee mɛ.

Efesoanɛ 6:12

Ɔmɔsɛ bɔtɛ tà keyù nɛ̀ ishupi nɛ̀ dzyosu, pɔ nɛ̀ beekusi, nɛ̀ ɔshaeleteɛ, nɛ̀ kanɔ alɛ mɛ otumũ mɛ ihumi nɔ gɛ ɛŋã kabha, nɛ̀ ɛfɔfuĩa gagalĩ zizĩɛ nɛ kititì ɔdɔ̃ mɛ.

Koloseanɛ 1:16

Ɔmɔsɛ ɔganà yɛabha babhɛtɛ bɔdɔ̃ɔ petee, kititì ɔdɔ̃ nɛ̀ kesiakpa abha ɔyɛ, bɔgɛ bamɔ̃ nɛ̀ awuhũ nɛ̀ bɔgɛ batɛ amɔ̃, edzì asɛ beekusi ugbu alo ihumi elete alo beekusi alo ɔshakɔkɔ tsyɛ elo, yɛabhɛtɛ ɔdɔ̃ petee kɛlɛ bɔlɛ kɔɛ.

Koloseanɛ 2:10

kɛlɛ balɔkɔ Kristo akɔ ɔnɔ petee, anɔ gɛ yɛenu kɛtakpu akɔ ohumi nɛ̀ ɔsha kɔkɔ ka nyia ka.

Koloseanɛ 2:15

Kibeɛ gɛ ayɛkɛ keyutadɔ̃ nɛ̀ ihumi nɔ nɛ̀ bekusiɛ petee ahɔɛɛ, ebui ɛlɛ akasɛ nɛ banɔɛshi, gɛ alɔkɔ butsí osiɛ amɔ kabhaŋaŋã nɛ alɛ shuɔ.

Timoteo 1 3:16

Kɛgɛ dɛ ebui bibisi alɛ petee kɛlɛinu ɔsɛ, Owusoso Akaa mɛ ebuiɛ gɛ abhɛtɛ ibiɛ egbogblo. Owusoso Akaa ebu yɛishu akasɛ nɛ ishudzya mɛ Ɔfɔfuĩa nɔ bu ɛlɛ ɔkasɛ, baxɔ̃ɛdɛ amɔ ɛlɛ, baɖɔ ɛlɛ nɛ amadiɛ nɛishi, bayɛkɛ ɛlɛ abha ŋã nɛ kanɔ nɔ̀ mɛ̀, befeke ɛlɛ avɛnɔ kitití nɛ tɛdadalɛ mɛ.

Petro 1 1:12

Bebu ɛlɛ akasɛ alɛ sɛ gɛnɛ balɛishu baakpɛ kɛtakpu esi akɔ pɔ wɔ, nɛ kibeɛ gɛ baɖɔaɖɔ nɛ ebuiɛ gɛ bagɛ baɖɔ Owusoso Akaa ibuiɛ etitseɖe wɔnɔ ɔganà Ɔfɔfuĩa Gbangbã gɛ basɛsɛ ɔnɔ odenɔ kititiɛ mɛ. Baxɔ̃ɛdɛ tsyɛ apɛ asɛ tɛ̀ bapɔɛ ebui alɛ mɛ eɖi.

Petro 1 3:22

anɔ gɛavɛ kititiɛ pɛ avɛ Owusoso Akaa kɛŋã mɛ, ɔplɛnɔ baxɔ̃ɛdɛ, ɔshaeleteɛ nɛ̀ ihumieleteɛ tɛ bezhinì balɛ ishu esì akɔɛ.