Efesoanɛ 2:4 - Nyangbo New Testament

⁴ Pɔ, nɛ yɛ tɛdɛdɛmɛ nɔ gi gbogblo ɔkɔ ɔlɔ soɔ, Owusoso Akaa gɛ yɛashagabuiɛ ayɛkɛ kedziɛ,

Efesoanɛ 2:4 Iomraidhean Croise

Romanɛ 10:12

Ɔmɔsɛ Yudanɛ nɛ̀ bagɛ betinu Yudanɛ pete nɔ, tenikpo balɛ. Apalete tenikpo alɛ yɛenu Apaleteɛ akɔ balɛ petee, kɛlɛ yɛeyula tutu esi akɔ anɔ nyia anɔ gɛ akpɛ ɛtakpu esi akɔɛ,

Romanɛ 2:4

Pɛnɔsɛ mabomabo nɔlɔkɔ ɔkɔɛ nɛ yɛyamɛ gbangbã tɛbhɛbhɛtɛ, yɛemi kpɛkpɛ nɛ̀ yɛtɛdɔdɔ fɔ̃ɔ ɔkɔ ɔnɔɔ shu, pɔ nɔtɛ ɔmɔsɛ yɛyamɛ gbangbã gɛ abhɛtɛɛ kɛkɔ ɔsɛ notsyina etú mɛɛ dza?

Romanɛ 5:8

Pɔ Owusoso Akaa ebu kɛdɛmɛ gɛ adɛmɛ nɛ̀ ɔlɔ akasɛ nɛidzo ɛlɛ nabha asɛ, gɛ buwlui zã ɔlɔ ebui kpa bhɛbhɛtɛ abhaa, Kristo etsí nɛ ɔlɔ ɛtakpu.

Romanɛ 9:23

Kɛlɛ kɛbazã onupɛ Owusoso Akaa apɛ asɛ tɛ ebu yɛehoeyiudɔ̃ gɛlɛ yɛishu dadalɛ mɛ akasɛ bagɛ eɖi ashagabui pɛ etiputɔ abalɛ elu akɔ yɛishu dadalɛ,

Efesoanɛ 1:7

Nɛ yɛ mɛɛ, bebu ɔlɔ ɔgana yɛ dzyosu nɔ mɛ, ebui kpa tɛlɔlɔkɔ tsye, nɛ Owusoso Akaa ehoeyi udɔ̃ gɛ alɔkɔ ebhui ɔlɔ ebuɔ mɛ

Efesoanɛ 2:7

sɛ tɛ nɛ agɔɔ gɛ lababaa mɛɛ, aba kasɛ yɛ ehoeyi ɔdɔ̃ gɛ batɛ balà alɔkɔ shɔnɔ bɔnanà ɔgana tibhui bhuibu mɛ, gɛ akasɛ nɛ yɛ ɛyamɛ gbangbã bhɛbhɛtɛ ɔkɔ ɔlɔ nɛ Kristo Yesu mɛ.

Efesoanɛ 3:8

Gɛ mɛinu anɔ bhlui ɔdɛ nɛ bagɛ edzì bhlui nɛ Owusoso Akaa yɛanɔ petee ishi tsyɛ elo, mɛ ɛyɛkɛ tibhui bhui ebu ɛlɛ, sɛ tɛ mɛɖɔ Kristo ehoeyi ɔdɔ̃ gɛ ɔtɛ bɔmɔ nɛ ɔkɔ nanà ibui otseɖe bagɛ etinu Yudanɛ,

Tesalonikanɛ 2 2:13

Pɔ badzya gɛ Apaleteɛ adɛmɛ nɔ, kɛlɛ sɛ buzi hu Owusoso Akaa ahɔɛ kiwui nyia wui nɛ wɔnɔ ɛtakpu, ɔmɔsɛ denɔ kesikpɛkpɛ mɛibeɛ, Owusoso Akaa ebu wɔnɔ elú ɔgana ɔfɔfuĩa nɔ nɛ̀ ɔlɛ axɔ̃ɛ dadalɛ wɔawɔa mɛ, nɛ̀ ɔganà kibui gbã tɛyɛyɛkɛŋã mɛ.

Timoteo 1 1:14

Apaleteɛ akɔ mɛ yɛ tibhui bhuibuɔ nɛ tikpekpe mɛ, ɔlɔkɔ plɛnɔ tɛyɛyɛkɛŋã nɛ̀ tɛdɛdɛmɛ nɔ gɛ kɛkpasɛ Kristo Yesu mɛ.

Timoteo 2 1:9

anɔ gɛ yɛebu ɔlɔ pɛ ekulu bɔlɔ amana ɛkpã gɛ ɛlishu dalɛ mɛ, gɛnɛ kɛnanà gɛ bɔbhɛtɛ shu so, pɔ nɛ yɛ tɛtɔtɔɖɔ nɛ̀ tibhui bhuibuɔ shu so. Bakɔ ɔlɔ tibhui bhuibu ɛlɛ nɛ Kristo Yesu mɛ flogo pɛ kanɔ alɛ mɛ abakpɛ esi,

Petro 1 1:3

Bɔkpɛ Owusoso Akaa gɛenu Akaa ɔkɔ bɔlɔ Apalete Yesu Kristo nɛinyè nɛitití! Nɛ yɛ ashagabui ɖiɖi gbagbla mɛɛ, akɔ bedzinì ɔlɔ amɔ̃ avɔvɔ akpɛ ɛkpã gɛ buɖì kidzo mɛ ɔkɔ ɔgana Yesu Kristo yɛ tɛlɔlɔ odenɔ bekpuɔ mɛ,