Efesoanɛ 2:3 - Nyangbo New Testament

³ Bɔlɔ petee tsyɛ tɛzã balɛishi ɖi nɛ kibè tili gɛ bafala, pɛ bɔzɛ kpɛ samè nɛ bɔlɔ ebui kpa bhɛbhɛtɛ shu, kɛlɛ bɔzɛ pɛedzo alɛ pɛ bɔɔ bhɛtɛ ekpeɖekpeɖe mɛ nɛ alɛishu. Asɛ gɛ banɔ gɔgɔ̃ɔ aza bhɛtɛɛ, budzi banɔ gɛ ɔmɔpɔɛ kpa ɔzã bɔlɔ mɛ.

Efesoanɛ 2:3 Iomraidhean Croise

Banɔkpɛkpɛ Axɔ̃ɛ 14:16

Nɛ kuku ibeɛ, akɔ ɛmadi ka nyia ka azã nɛ ɛkpã nɛ balɛ tɛpɛpɛ ulũ.

Romanɛ 1:24

Kliso nɛ balɛ etúɔ tɛdɛdɛmɛ ɔkɔ ebui kpa bhɛbhɛtɛ ulũ soɔ, Owusoso Akaa ashɛnɛ ahɔɛ nɛ balɛishu akɔ kɛgɔlɔ ŋaŋã ebui nɛ̀ atsɔ̃ ebui bhɛbhɛtɛ nɛ̀ bagɔlɔ.

Romanɛ 11:30

Ɔmɔ asɛ nɛ kuku kibeɛ gɛ wɔnɔ bagɛ notinu Yudanɛ nodzi batɔ̃ malũ maluanɔ ɔkɔ Owusoso Akaa, pɔ otsiɛ nɔ eɖi wɔnɔ ashagabui nɛ Yudanɛ atɔ̃ malũmalũɔ so.

Romanɛ 13:14

Nɛ alɛ nɛinye mɛɛ, nɔkɔ bɔlɔkɔ Apalete Yesu Kristo kpɛ ishu asɛ akpɛkpɛ ana, tɛ bɔta zɛbhɛtɛ ekpeɖekpeɖe mɛ nɛ kɛmɔ gɛ bɔmɔ same nɛ kanɔ alɛ mɛebui kpa bhɛbhɛtɛ shu.

Romanɛ 2:14

(Onupɛ ɔsha ɔlɛ ɔma bagɛ betinu Yudanɛ ahɔɛ, pɔ asɛ banɔdzyrame ana pɛ bazã nɛ̀ ɛkpã nɛ ɔsha nulũɔɔ, kɛlɛ bedzi banɔ gɛ bakpɛ ɔsha ɔkɔ ishu, gɛ ɔsha pɔ ɔma balɛ ahɔɛ flogo,

Romanɛ 5:10

Ɔmɔsɛ nɛ kibeɛ gɛ bɔgɛ dɛmɛ nɛ Owusoso Akaa, Yɛeyiɛ ebevũ iboe nɛ bɔlɔɛishi, ɔgana yɛutsíɛ mɛ. Gɛ evũ iboe ɛlɛ anaa, kɛlɛ́ pɛ atɛ balà ɔlɔ ebu ɔgana yɛkpã gɛ alɔkɔ eluɔ mɛɛ dza?

Romanɛ 5:9

Otsi alɛ gɛ bebhui utsyɔa akɔ ɔlɔ ɔgana yɛdzyosu nɔ mɛɛ, kidzo ɛlɛ nabha ke yɛebebu ɔlɔ, odenɔ Owusoso Akaa yɛɔmɔpɔɛ nɔ mɛ.

Romanɛ 6:12

Kliso nɔtɛkɔ ɔsɛ ibui kpa aŋã ukusi nɛ wɔnɔ abha tɛ nɔzɛ ɔbhɛtɛ ɔtɔɖɔ kibui kpa tɛpɛpɛ ulũ.

Romanɛ 7:18

Gɛ anɔdzyrame mɛinu soɔ, inyi sɛ kɛgbangbã nanà ma mɛmɛ̀. Ɔmɔsɛ mɛ tɛpɛpɛ kinu ɔsɛ tɛ ɛbhɛtɛ kibui gbangbã flogo, pɔ ɛtɛlà kɛlɛ bhɛtɛ.

Romanɛ 9:22

Kɛlɛ onupɛ Owusoso Akaa apɛ asɛ tɛ ebu yɛɔmɔpɔɛ nɛ̀ ohumi akasɛɛ, adɔ fɔ̃ɔ akɔ bagɛ alɛ shu yɛakpɛ ɔmɔpɔɛ nɔ, bagɛ abálɛ elu akɔ titsitsíɛ.

Korintoanɛ 1 4:7

Ɔmɔsɛ afana gɛ abhɛtɛ wɔ pɛ ɔgã ɔtɔ nɛ banɔ bhlatɔ shu? Kiɖe gɛlɛ wɔ ahɔɛ pɛ gɛnɛ bɔyɛkɛ wɔ yɛkɛ ɛlɛɛ dza? Kɛlɛ onu pɛ ɔyɛkɛ ɛlɛɛ, kiɖe so pɛ ofeke ishu ɔmɔ asɛ gɛnɛ bɔkɔ bakɔ wɔɔ dza?

Korintoanɛ 2 7:1

Mɛ ɔbhia alɛ gɛ ɛdɛmɛnɔ, gɛ batɔɖɔ ebui alɛ elú akɔ bɔlɔ soɔ, nɔkɔ bɔdalɛ bɔlɔ shu odenɔ kɛka nyia ka gɛ kɛkpɛ̀ kibò nɛ bɔlɔ ishudzya nɛ̀ ɔfɔfuĩa nɔ shu, tɛ bɔlɔ shu dalɛ tɔɖɔ nɛ kɛtakpu esi kpɛkpɛ ɔkɔ Owusoso Akaa mɛ.

Galatianɛ 3:22

Kibuiɛ gɛ bafɔnɔ eluɔ mɛ dalɛ ɔsɛ, kanɔ nɔ̀ petee alɛ kibui kpa bhɛbhɛtɛ ohumi esi, ɔsɛ tɛ tɛtɔtɔɖɔ luɔ gɛ kpa plɛnɔ Yesu Kristo abha tɛyɛyɛkɛŋã mɛ, dzì bagɛ ayɛkɛ yɛabha ŋã nɛdɔ̃.

Efesoanɛ 2:2

gɛ alɛ mɛ nɔtɛ zã oɖi nɛ kibeɛ gɛ nɔkpà tɔnɔ kanɔ nɔ̀ mɛ edzoɔ nɛ̀ agɛ yɛaŋã bukusi nɛ bukusi ɔpã gɛ kpasɛ kɛlɛ́ɛ nɔ mɛ, ɔfɔfuĩa nɔ gɛ lɔɔwɔa axɔ̃ɛ otsiɛ nɛ batɔ̃ gagalĩ eleteɛ mɛ.

Efesoanɛ 4:22

Bakasɛ ɔnɔ ɔdɔ̃, nɛ ɛkpã gɛ nɔtɛ zã ɔbɔ falanɔ shu, sɛ tɛ nɔ shɛnɛ ahɔɛ nɛ edzo kukuɔ shu, edzoɔ gɛedzì ebui zizĩ ɔganà alɛ anɔ wɔɛwɔɛ gɛ badɛmɛ nabha,

Koloseanɛ 1:21

Gɛ noyidè nɛ Owusoso Akaa shu pɛ nɔodzì banɔ gɛ nɔtɛ ɔdɛmɛ nɛ yɛ nɛ wɔnɔ ekpeɖekpeɖe mɛ, nɛ wɔnɔ ɛkpã kpaa gɛ nɔodzi nɔ shu so.

Tesalonikanɛ 1 4:13

Mɛ adzya alɛ mɔ, bɔpɛ ɔsɛ tɛ̀ notì kibui nɛ bagɛ etsiɛ shu, alo tɛ nɔmɔ ɔwɔ̃nyɔnɔ asɛ banɔ gɔgɔɛ nɔ, gɛ betieɖi kidzo mɛ akɔ kibui nanà.

Tesalonikanɛ 1 5:6

Klisoɔ, nɔtɛkɔ bɔzã asɛ bagɔgɔ̃ gɛ adɔ taɖa, pɔ nɔkɔ bɔzã nɛ awɔ̃ tɛ bɔnyana ishu ovunɔ.

Timoteo 1 6:9

Banɔ gɛ bapɛ asɛ tɛ bamɔ ehoeyiɛ, bezhieku tifefekeɖi nɛ̀ kɛgbã dɔdɔ mɛ nɛ bɔga dɔdɔ ebui, nɛ̀ ebui kpa gɛ lagbana anɔ kpɛ kizizĩ nɛ̀ butsi mɛ.

Tito 3:3

Kibè tili gɛ bafala, bɔlɔ tsyɛ zɛdɔ bɔga, bugizi lũ atɔ̃, bawɔɛ ɔlɔ budzi banɔ dzidzi ɔkɔ kanɔ mɛ bɔdɔ̃ nɛ̀ kalɛ mɛ same ebuiɛ petee. Bɔzana ɛkpã kpa kɛlɛ bɔkpɛ banɔ awɔ̃, bɔkɔ sɛ banɔ anyanã ɔlɔ akpɛ ɛyamɛ kɛlɛ bɔlɔ tsyɛ nyanã bagɔlɔ kpɛ ɛyamɛ.

Petro 1 1:14

Asɛ beyi gɛ belũ atɔ̃ ana, nɔtɛ̀ dɛmɛ ɔtɔɖɔ abosam yɛebuiɛ gɛ lazã wɔnɔ mɛ nɛ kibeɛ gɛ nɔzã matì matiɛ mɛ.

Petro 2 2:14

Balɛ awuhũɔ etsiɖi ɔmamɛ dɛdɛ shu, kliso batɛ balà yɔlɔ ebui kpa bhɛbhɛtɛ. Bawɔɛ bagɛ agɛ kpɛ iguɔ, bedzi beyì gɛ baɖɔ kibui akpɛ!

Petro 2 2:18

Pɔ baaɖɔ kɛlɛ́ɛ mɛ ebui alɔkɔ ahɔɛ etũ etelũ nɔ, kɛlɛ balɔkɔ balɛ ishupiɛ nɛ̀ ebui kpa gɛ badɛmɛ nɔ, awɔɛ bagɛ akpɛ esi ebù tɛtsɛɖɛ̀ mɛ ashɛ nɛ bagɛ azanà ɛkpã kpa ɔbha.

Yohanes 1 2:16

Ɔmɔsɛ kɛka nyia ka nɛ kanɔ nɔ̀ mɛ, lɛenu ɔdɔ gɛ ebui kpa bhɛbhɛtɛ elete adɛmɛ nɔ, yɛ awuhũ ɔdɔ pɛpɛ nɔ nɛ̀ ahɔɛ tutu nɛitélũ nɛ kɛgɛ lɛ yɛahɔɛ nɛ̀ kɛgɛ yɛabhɛtɛɛ shu, ebui alɛ gide Akaa ɔkɔ, pɔ kanɔ nɔ̀ ɔkɔ ledè.

Yohanes 1 2:8

Pɔ ɛfɔnɔ ɔsha vɔvɔ kɔ wɔnɔ, bɔmɔ ɛlɛ ebui gbã nɛ yɛ nɛ̀ wɔnɔ mɛ, ɔmɔsɛ otumũ nulũ ɔbafala kɛlɛ kifúigbã vɛlɛ dɛkɛ.